❤ابن عمي والحب❤

الجزء السادس

بدلت ومكيجت ولبست قفطان مغربي يليق بعروس حتى ما ابين ضعفي للاخرين وينظرولي نظرة استحقار حتى اثبتلهم انو ما انكسر ولساتني قوية
نزلت سلمت على عمي وخطية يكسر الخاطر كاعد على كرسي متحرك ومن شفتة حسيت اني سبب عجزة
وهو ابد ما بين انو اني كنت السبب بلعكس فرح بشوفتي وطلب مني اكعد بصفة
دخل وعد وطلب منة يكعد بصفي وكعد يمي قريب واجوي اخوانة وزوجاتهم سلمو علية وباركولنة طبعا سامر وعامر ويوسف متزوجين وطالعين كل واحد بيت ويجون لبيت عمو كل نهاية اسبوع
المهم ورة شوية اجوي اهلي كلهم من شفتهم ردت اطلع بس وعد كمش ايدي حيل وهمس باذني
....مو من لائق اهلج يجون يباركولج وتعوفيهم راح تقللين من احترامج لهلج والنفسج اكعدي شوية وروحي
بقيت كاعدة سلمت عليهم برود تام ولا كأنهم اهلي
امي اجت تحضني عادى تقبلت حضنة باوعت علية وبعيونة حزن انقهرت بداخلي علية مهما يكون تبقى امي بس جرحي ما طاب
واستذنت منهم ورحت للمطبخ حتى اساعدهم ما قبلن البنات كالن عروس وما يصير ومن هذا الحجي بقيت كاعدة يمهن وشوية وسمعت صوت عمي قاسم وسيف وهدى فز قلبي وانقبض  اتذكرت عمار هسة شيصير لو هو مو وعد اختنكت بدموعي طلعت من المطبخ على السريع وصعدت للغرفة وسديت الباب وبقيت ابجي ومشاعري متخربطة بين الحب واحساس تأنيب الضمير
...ريم ريم فتحي الباب اني هدى 
انتبهت الباب تندك فتحتة ورميت نفسي بحضن هدى
....تعبت هدى تعبت ما اكدر اتحمل احبة والله حبة مختوم بقلبي
....كافي حبيبتي ما يصير هذا الحجي هسة انتي صرتي زوجت وعد عمار انسي
.....اعرف والله اعرف بس مو بيدي  تدرين البارحة من اخذني لعبت نفسي من روحي  احس نفسي رخيصة
...اششش ولا كلمة لا تكملين لا يسمعج احد ولج عيب هذا الكلام عمار انسية انسية فاهمة هو  تركج وعافج يعرف من البداية انتي مو اله وهو تجاوز على حقوق غيرة
...وهسة اني شسوي نصحيني انطاني مهلة يومين حتى نعيش طبيعين كاي زوجين والا راح يتصرف وانتي تعرفينة وعد كلش عصبي
....خوش فرصة انطاج باعي انتبهي الكلامي زين
اولا الماضي انسية ولا تفكرين بي ابد وخاصتا عمار
ثانيا اليوم اتحضري الة ولبسي وتمكجي وسلمي نفسج ولا تمانعين ابد ترى اذا اتمانعي راح يحس انتي ماتريدية ويضوج منج ويتصرف تصرف يأذيج
ثالثا حاولي تكسبية بكلام حلو وبدلع وحضري احتاجاتة قبل لا يطلب منج من ملابس واكل وغيرة
ترى وعد انسان واعي ومثقف وفوك كل هذا يحبج وهايم بيج
...اوكي احاول
عفية بلحبابة خيتي وتعاي اختارلج ملابس نوم مرتبة
فتحت الكنتور واختارتلي فستان بنفسجي غامق قصير وضيق وية الداخليات كلش حلو ومكيجتلي مكياج سهرة ورفعت شعري بتسريحة خفيفة ورتبت الغرفة وطلعت بقيت انتضر وعد اول ما دخل خجلت اول مرة البس هيج يم احد
وهو بقى صافن عبالك غاب عقلة من الواقع
حاولت اجرء نفسي كمت ومشيت باتجاهة
....وعد اني اسفة عما بدر مني سابقا واني مستعدة اكون زوجتك باحساسي وجسدي وبروحي
تقرب مني وحضني وهمس باذني
انتي كنتي حلمي ياحلى حلم بحياتي
الي ما كنت اتخيلة يتحقق وهس تحقق
صدكي هسة من انتي صرتي الي راح اعيشج بداخل قلبي وما اخلي الهوة يمسج واني اليوم ملك وما اريد اي احد يزعجنة
راح قفل الباب واجاني ملهوف بدة يبوس بية برقة وبلهفة بنفس الوقت واني بداخلي بركان بس بينت الة متقبلتة وسلمتة نفسي وهو ملهوف وما مصدك ولمساتة كلة حنية وما تركني الا بعد ما مضى ساعات
عفتة ورحت للحمام واني احاول اتماسك هل المرة ما بجيت رجعت نمت بلسرير ورجع حضني وهمس باذني احلى الكلام
واستمر على زواجنة شهرين كل مرة اطلب منة ارجع ادرس ما يقبل يرفض وما يقبل النقاش
عفت الموضوع ماريدة يتعصب علية
وحسيت هذي الايام بخمول وتعب ولعبان نفس شكيت بنفسي حامل خبرت وعد وطار من الفرح واصر ياخذني
وصدك طلعت حامل وفرح وداني للمطعم وبعدين كال خل نروح لهلج نشوفهم ونخبرهم حتى يفرحون
اني رفضت وما قبلت اني اصلن من تزوجت لحد هسة ما رحتلهم ولا مرة لان بعدها افعالهم ما نسيتة ولا اضطهادهم الي وجبري
اما اني حسيت فرحة بداخلي لان اني احب الاطفال كلش ومن اني زغيرة وحسيت هذا الطفل راح يكون الية الامل الجديد بحياتي وينسيني امور هواية
ورجعنة لبيت وعمو وعمتي كلهم باركولنة وفرحو النة وعمتي استلمتني
لاتشتغلين بعد لا تاكلين هذا واكلي هذا وابقي بس نايمة
صراحتا حبيت اهتمامهم بية وعمتي هي عوضتني عن حضن امي واني احبة هواية
واما وعد ما مصدك كل شوية ويبوس بطني ويحجي وياة مرات انتهي من الضحك علية وبس اكلة مشتهية شي يركض يجيبة بس يضوج لان علاقة الحميمية ماكو كلش قليل
ومرت خمس اشهر على حملي واني مرتاحة نسبيا
الى ان اجة وعد كلش عصبي ومتحمل صاح بية
....ريم تعالي بسرعة للغرفة
صعدت واني خايف ليش هيج شصاير
.....ريم احجي انتي وعمار قبل كانت بينكم علاقة جسدية
بقيت صافنة مستغربة من الي يكول شيقصد
....احجييي ليش ساكتة
.....وعد اني ......وما حسيت بشي بعد
.....................
يتبع .