❤ابن عمي والحب❤

الجزء الثاني

نزلت جوة لحتى نروح للحفل بس ياحفل قلبي بدكاتة صار حفل ما اعرف مستحية على فرحانة من عرفت مشاعرة اتجاهي والشعور بلذنب شلون اخلي يتقرب هل الدرجة
ومن صعدت السيارة ما اكدر اباوع علية شلون اشوفة بعد السواة ودانيا كل شوي وتسألني سؤال واجاوبة وصلنة وبقينة ساعتين ورجعت وية  بابة بسيارتة وهذا الوقت اني تفكير شاغلني بلي صار
ومرت على هذا الحادث اسبوعين واني اتهرب من امي وهدى لان كل شوية وامي تكولي روحي لهدى ساعدية وهدى تتصل بية وتسأل ليش ما تجين واني عذري الدراسة شاغلتني وسادس وماكدر واني فعلا كرست وقتي كلة بلدراسة وحتى ما افكر بغير شي ودانيا كل شوية وطالعة بخلقتي
...ولج ريم ما مليتي من الدراسة كومي نروح لبيت عمو اليوم مسوين عيد ميلاد وعد
...حشى والله مو بنية انتي مو قبل اشوية جنتي هنا وكولتي راح اروح انام جني انت كل شوية وطالعتلي
...فوكاها لان ردتج تتونسين وياية وتغيرين جو تصنفين وتطرديني راح اروح بس لا تجين تتوسلين احجي وياج بعد
....لا دنو حبيبتي ههههه تعالي والله اتشاقة وياج حبي اختي اني منو غيرج انتيمي
بلشي كليلي شوكت الحفلة وشتلبسين وشتنطين لوعد هدية
...اوف كل هذي اسألة
..اي اسئلة عندج مانع
....لا عيني بعدني ما مزوجة ما استخدم مانع
...دروحي عابتلج وبقينة نتشاقة
بعدة بعدة ساعات
حضرت هدية لوعودي هههه هذا دلع مالتة هو صحيح اكبر مني بتسع سنوات بس اعتبرة صديقي واخوية لان دائما افكارنة تشابة واي شي صعب او ماكدر علية يحلة هو و يتصرف هو بنسبة الية رجل المهمات الصعبة بس اني خطأت من البداية ما اترجمت مشاعرة اتجاهي وبسب تصرفاتي وية افتهم غير شي على الرغم من عمار لمحلي اكثر من مرة ما احتك وية وعد واني اخذتة انو يغار علية وهية احد اسباب مشاكلي لان ما ثمنت كلامة عدل

حضرت الهدية  ساعة حلو وصيت اخوية احمد علية وحضرت ملابس للحفلة ومكيجت مكياج خفيف ورحنة كلنا للحفلة طبعا نروح مشي لان نفس الفرع اول ما دخلنة لكينة الكل حاضر وسلمت عليهم ولكيت الحب كاشخ طالع فد شي اول ما التقت نضراتنة غمزلي واشر على قلبة هههه
ولا يتوب التفت واشوف وعد معصب وكأنو شاف نضراتنة اني وعمار
اي شاف لان كان وراية حسيت بلفشلة اعرف هذا تصرف موصحيح وخاصتا وعد استحي منة مثل خواني شوية وصاحني وعد كان بلمطبخ لوحدة لان الكل كاعد بلستقبال
....ها وعودتي كل عام وانتة بخير يارب نشوفك عريس ونفرح بيك
.....وانتي بالف خير ريم عندي حجي وياج وارجو منج تفهمين كلامي وما تحسبينة غير شي
...اوكي كول وعد صاير شي
...اي ريم تصرفاتج مثل قبل شوية ما تكرر وانتي فهمتي قصدي وطلعاتج لبيت عمي قاسم قلليها وعمار لا تحتكين بي هواية لان ميصير لان انتي حلوة والعين عليج وعمار ابن عمج مو اخوج
.....ما افتهمت يعني ما تريد عمار يحجي وياية لان ابن عمي وانتة هم ابن عمي واني دا احجي وياك والوحدنة عادي
...لا مو عادي اني اختلف انتي تخصيني ريم
...اخصك شنو انتة ابن عمي وحالك من حال عمار
....ريم اني ماريد اي واحد من ولد عمي او غريب يتقرب منج ريم لاناني احبج لا موبس احبج اعشقج
...لا وعد بلا شقة انت عندي بحسبة اخوية شنو احبج واني تعرف مشاعري مو ملكي
حسيتة تعصب وتوتر وضاغط على اسنانة وتقرب مني وكمش ايدي بعصبية
....ريم افتهمي الكلام زين انتي الي ومسماية بسمي من واحنة زغار
فلا تحاولين باي طريقة تتهربين من هذا الواقع بس تتخرجين نتزوج فاهمة
....لحضة لحضة وعد انتة ما تفهم الاكولة اني ما اريدك لان انتة بمكانت اخواني ما تجمعني بيك مشاعر حب اما اهلي واهلك فهذا الحجي من زمان من واحنة زغار
...ليش ريم اني احبج تصدكين من انتي عمرج عشر سنوات جنت اشوفج غير البنات احسج طفلتي الي لابد يوم تكبر وتفهم مشاعري بعدين هسة تجين وتكولين  انتة مثل اخواني ولج يااخوانج تفهمين كلامي لو لا ولا حسبالج ما ادري عمار حاط عينة عليج فانسية احسلج وتحلمين تكونين الة
..لا مو بكيفك اني ما اريدك افهم اني ماحبك ولو اخر يوم بحياتي ما تصيرلي زوج فاهم
..تتحديني يبت عمي والخلقج والله اذا ما اكسر عينج وتتزوجيني فلا اكون وعد اما عمار هذا التحبينة حخلي يتحسر طول عمرة عليج  فلا اطلع عمار وركع الباب وطلع برة البيت
انصدمت صدمت عمري اجة بالي كلمات عمار من كلي انتبهي على كلامج مع وعد احسة ينضرلج نضرة حب واكثر من مرة عصب علية لان اروح البيت عمي مايقبل
.................
توقعاتكم حبايبي ولا تنسون التصويت