غنى الهوى .. ليلى الكاتبه / سحابه نقيه

الفصل التاسع

دخل الشقه وراها اطلع فيها وهو بيروح وبيجي بالصاله واصابعه بتمشط شعره بعنف فكت لسامر جاكيته وهي بتقول حبيبي سامر غسل ايداك وغير اغراضك لحتى اجهزلك شي تاكله وبعدها لازم نشوف شو كتبت لك المس اول ماشاف سامر دخل الحمام مسكها من ايدها وسحبها للمطبخ وراه سحبت ايدها منه وهي بتقول وبعدين مع هالأسلوب قرب منها وهو بيكز على اسنانه وبيقول .. كيف بتقللي من احترامي امام هالشاب !؟ رفعت حواجبها بإستغراب وهي بترد .. اذا في حدا قلل من احترام التاني فهو انت يا دكتور .. كيف بتسمح لحالك تقطع حديثي مع سليمان وتأمرني بهالطريقة امامهم ؟ ليكون مفكر حالك اخي عنجد ولك سلطة علي !! .............. التفتوا لسامر الى نده لها عند باب المطبخ ابتسمت وهي بتقول بحب .. شطور سموره .. حبيبي افتح التلفزيون لحتى اخلص لك سندويشتك باللحظة الى ركض سامر برا المطبخ ... كيف بتقولي له اني اخوكي !! ................ اخذت نفس وهي بتكتف ايداها امامها وبتقول بأستخفاف .. لو سمحت سجل لي بورقة كل الأدوار الى بدك اياني العبها حتى يكون عندي خبر .................... بغيظ صرخ .. ليلى عقدت حواجبها فيه وهي بتقول ... هشششش .. وطي صوتك ...... خطفت نظره لسامر ورجعت له وهي بتقول بهدوء .. مو انت الى عرفت عني على اني اختك لصاحبك واخته !! .. الحق علي ماحبيت اطالعك كذاب ومشيت معك بقصتك !! ................. ضرب الخزانه برجله وهو بيقول .. ليلى لا تلعبي معي .. بحذرك .................... بنزق قالت .. لا اله الا الله .. شو عملت وشو لعبت .. كل القصه ان اخوها لجارتي ضيفني فنجان قهوه عند الألعاب !! مابدها كل هالعصبيه !! ............. يادوب خلصت كلمتها وسحبها خالد بقوه وقرب وجهه من وجهها وهو بيقول .. ضيفك قهوة !! ............ اطلعت بعيونه بثقة وهي بترد .. انت األك تحاسبني على تصرفاتي مو تصرفات الناس .......... قرب وحهه منها زياده وهو بيهمس .. الله يعينك ياليلى اذا مسكتك مره تانيه بتقللي من احترامي ............... تركها ومشي بسرعه برا الشقة ........... اخذت نفس عميق قبل ماتصب لحالها كاس مي لتهدي حالها شوي من الأعصار الى كانت عايشته والى حاولت تسيطر عليه الأن .. فركت جبينها وهي بتفكر لمتى ستستمر الحاله هيك !! ......

الحذر كان شعارها بالتعامل مع خالد خلال هالأيام خاصة بعد انفجاره وتهديده لها .. بالمستشفى قررت انها تراجع لسامر بنفسها .. صحيح بتواجه صعوبه بفهم المصطلحات الطبيه ولكن الطبيب كان متعاون معها وبيبسط لها الالفاظ لحتى توصل لها الفكره خاصة لما عرف انها اخت د.خالد ...... اليوم المراجعة الثانية لسامر والدكتور طلب منها ان تستنى اخر 10 دقائق برا وتتركه مع سامر لحاله ... جلست امام العيادة وهي بتهز رجها بتوتر وعيونها على الباب بتنتظر ينفتح وظهر سامر ........ مرحبا ليلى ............... وقفت هز برجها وعدلت جلستها وهي بتجاوب .. مرحبا مارك ................... جلس جنبها واطلع مكان ماكانت عيونها مركزه قبل مايضع ايده على رجلها وهو بيقول بتعاطف .. لا تقلقي .. هالدكتور شاطر كتير ................. حاولت ماتحرجه وماتحرج نفسها وهي بتبعد رجها من تحت ايده بحركه حاولت تخليها عفويه وتلقائيها وكأنها بتضبط تنورتها .. بسرعة وبأعتذار رفع ايده وهو بيقول .. اسف اسف .. بعرف ان لكم عادات خاصة .. رجاءا لا تنحرجي ولا تترددي توقفيني عند حدي لما بتصرف بهالطريقة .. ورجاءا لا تفكري ان تصرفاتي هاي لها معنى اخر غير العفويه ................. ابتسمت بتفهم وهي بتقول .. طبعا اكيد .. شكرا لك ..................... للحظات بقي مارك يطلع فيها قبل مايقول .. ورقةُ الشجرة هذه، القادمةُ من الشرق .. إلى حديقتي، تُخبئ لي وللراغبين بالمعرفةِ .. سرَّاً.......... ابتسمت ليلى وهي بتقول .. جوته ......... بدهشه صفر مارك . رهيبه .. عرفتيها ............... ببساطة ردت .. نحن درسنا اعماله بالجامعة لأنه كان مهتم كتير بالثقافة والأدب العربي ............... بهاللحظة انفتح باب العيادة وخرج سامر وهو ماسك لعبه بأيده وبيفرك عينه .. ركضت له وهي بتقول بصوت حنون يهديه .. حبيبي ليش زعلان .......... هز راسه بلآ ولفها ... ضمته بحب قبل ماتسأل الدكتور بالإنجليزي .. صار شي ؟ .................. طمنها الدكتور .. الى صار شي عادي كتير وشوي شوي بتجاوزه سامر .. سامر البطل .. عن اذنكم .............. لفته بحب وهي بتهمس .. سمعت كيف الدكتور قال عنك بطل .................. جلس مارك على ركبه جنبهم وهو بيقول .. شورايك يابطل بكون بوظه !! ................ ابتعد سامر عن حضنها والتفت لمارك وهو بيبتسم .. فأضاف مارك .. هي مو اطيب بوظه بالكون بس رح تعجبك ................

مسحت تم سامر بمنديل قبل ماتضيف .. شكرا .. تعدل مزاجه كتير ................ ابتسم مارك وهو بيرد بمرح .. مافي شي مابيعدله بوظة الشكلاه ................. هزت راسها بصح وهي بتاخذ ملعقة من بوظتها ............... فاجئها مارك بسؤاله .. كم صار له ابوه لسامر متوفي ؟ ............. اطلعت بسامر قبل ماتجاوب .. مع نهاية هالشهر 9 اشهر ................. اوكي طيب .. فتره طويله ولهلأ سامر ماتغيرت حالته !! يمكن لأنك بتحميه كتير !؟................ بحاول قدر الإمكان اخليه يخوض تجاربه لحاله .. بس بدك الحقيقة .. انا بعترف اني مدللته زيادة .. قلبي مابيطاوعني احرمه شي ................. بجديه علق .. يمكن لهالسبب اتأخر شفائه ............... بحزن علقت وهي بتمسح على راس سامر .. مابعرف .. يمكن كلامك صحيح .. الفتره الماضيه كانت صعبه علينا كلنا .. حاولت اعوض سامر قدر الإمكان .. يمكن اسأت التقدير ................ لا تلومي حالك .. انت صغيره واكيد عملتي كل الى بتعرفيه ..... اطلع بعيونها وهو بيسأل بأهتمام .. طيب وانت .. كيفك بعد وفاة ابو سامر !؟ ............. مابتنكر ان السؤال فاجأها وفتح عليها مواجع .. حاولت تتصرف بطبيعيه ولكن ذكرى ابوها حركت احزانها من جديد ....... اجت تجاوب ولكن غصة الحرمان خنقتها فسكتت وهي بتعض على شفتها وبتطلع بأيداها الى بحضنها .......... شكلها اثر فيه كتير .. بصدق واساها .. كان رجل عظيم اكيد ................. هزت راسها وهي بتقول .. مو قادره اتخيل اني ماعدت اشوفه او اسمع صوته ........ اطلعت فيه بعيون بتبرق بالدمع وهي بتكمل .. لهلأ مو متقبله فكرة غيابه عنا .. لهلأ الجرح الى بقلبي بينزف .. كان له اثر كبير بحياتي .. بوجوده جنبي مابقلق من شي ابدا ولا بفكر بشي ..... ..... بطبيعيه وعفويه رفع ايده ليحاوط كتفها ويخفف عنها ولكنه انتبه على حاله في الوقت المناسب وقبل مايحرج نفسه ويحرجها معه ......... تناول كرته من جيبه وقدمه لها وهو بيقول .. هذا رقمي اذا احتجتي اي شيء لا تترددي ...... اطلعت فيه بتساؤل فضاف .. بليز ليلى رح يعني لي كتير اذا اخذتي الكرت .. انا حقيقه حابب اكون جنبك لما بتحتاجي اي مساعدة .............. مابتعرف ليش انحرجت وليش احمر وجهها من نظراته .. اخذت الكرت منه وهي بتفكر ان الأجانب لهم عادات وطباع لازم تفهمها اكثر .. شكرته بأدب وهي بتحط الكرت بشنتتها ... للحظات بقي يتأمل وجهها المحمر وعيونها الى مازالت تبرق بالدموع .. ابتسم وهو بيقول .. الألم ثَمَرَة.. واللهُ لا يَضَعُ ثِمارًا عَلَى غُصْنٍ ضَعيفٍ لا يَقْدِرُ عَلَى حَمْلَها ... انت قويه ياليلى ولهيك الرب بيمتحنك ............... بابتسمت له بإمتنان لكلماته اللطيفه ..... وقف وهو بيكمل .. لازم امشي والا خالد رح يكسر الدنيا فوق راسي لأني تأخر .. باي سامر المره الجاي البوظة على حسابك ...............

بعد مانزلت من التاكسي وقبل ماتدخل من باب عمارتها سمعت شخص بينده لها من بعيد ....... التفتت وهي عاقده حواجبها قبل ماتبتسم بلطف لهلين الى بتقترب منهم بخطوات سريعه ........... عفوا ليلى جيت من غير موعد .. بس حابه اشرب معك فنجان قهوة اذا بتسمحي ............... بود ردت ليلى وهي بتفتح باب العمارة .. تفضلي .................
صبت فنجان القهوة لهلين وهي بتقول .. رح نقعد على الطاولة هون حتى سامر مايسمعنا .............. تناولت منها الفنجان وهي بتقول .. اوكي مو مشكلة ............... صبت لحالها فنجان وجلست امام هلين ... التوتر كان واضح على هلين الى بترسم بأصبعها على الطاولة ... من غير ماترفع عيونها قالت .. انا بدي مساعدتك ليلى ............. اذا بقدر طبعا ................... رفعت هلين عيونها الدامعه وهي بتكمل .. بدي تساعديني اقرب من خالد .............. بسرعة ضافت لما شافت المفاجئة بعيون ليلى .. لا تفهميني خطأ ....... تنهدت وهي بتكمل .. انا بحبه لخالد من سنين وهو مو راضي يعطيني فرصه .. انا بعترف ان الموضوع بالأول كان تحدي .. لأن خالد مابيعطي وجه لأي بنت بتحكي معه برا حدود العمل .. بس بعدين .............. مسكت ايدان ليلى وهي بتأكد .. حبيته والله حبيته ................. ماعرفت شو تعمل امام دموع هلين وتوسلاتها .. ربتت على ايدها بلطف وهي بتقول .. هدي حالك هلين .............. بين شهقاتها ردت .. شعور مميت ياليلى لما بتكوني بتحبي شخص بجنون وهو مو حاسس فيكي ولا عامل لك قيمة حتى .. انا بموت كل يوم مية مره وهو بيتصرف معي بلامبالاه !! .. مالي عارفة شو اعمل ياليلى .. بدي تساعديني .................. شربت شفه من فنجانها وهي بتفكر بالورطة الى هي فيها !! شو لازم تقول وشو لازم تعمل .. بس بكل صراحة حزنت على هلين من قلبها .. واضح جدا الجفاء الى بيعاملها فيه خالد .. والأعمى مابيشوف الحب الى بينط من عيونها كل ماسمعت اسمه او جابت سيرته .. وهي اكتر وحده بتفهم معنى انك تحبي من بعد .. والى بتحبه سنين ولا يشعر بوجودك !! .......... بصدق سألت .. بشو بدك اساعدك !؟ ........................ الأمل لمع بعيون هلين وهي بتقول .. احكيلي شو لازم اعمل حتى يحبني .............. بس ياهلين .. انا مابعرف خالد غير من اشهر .. ومابعرف شو بيحب وشوبيكره .. ومتل ماهو واضح ان تعاملنا مع بعض رسمي بعض الشئ ............. طيب ليش مو منتبه لي !! شو الغلط الى بعمله !؟ ............. انا مابعرفك الا من ايام ياهلين .. مابقدر احكم على تصرفاتك واعطيكي جواب بهالسهولة ............. بسرعة سألتها .. طيب بحياته ست تانيه !؟ ................... احتارت كيف بدها تجاوب السؤال .. على مهل قالت .. على حد علمي .. مافي ست غيري بحياته ................. فرحت هلين كتير وهي بتقول .. طيب انصحيني شو لازم اعمل .............. تنهدت وهي بتقول بقلة حيله .. سدقيني يا هلين .. الرجال اذا ماحس فيكي من البداية .. شو ماعملتي مارح ينفع معه ................... بتفكير سألت .. هل اذا دخلت بدينكم ممكن يفكر فيني !؟ ................. بتأكيد ردت عليها .. دخولك بالأسلام لازم يكون عن قناعة ياهلين مو منشان رجل !! دخولك بالأسلام يعني تغير كبير في حياتك .. لهيك فكري منيح قبل ماتخطي هالخطوة .. وبرجع بأكد لك لازم تكون عن قناعة مو منشان خالد او غيره .. التعامل م الإلتزام مع الله امر خطير لازم نحترمه .................. من كل قلبها حزنت عليها لما شافت الحزن وخيبة الامل انرسموا على وجهها والدموع لمعت بعيونها من جديد .. ابتسمت لها بلطف وهي بتقول .. خليني افكر شوي بالموضوع وبعدها برجع لك .. اوكي ؟ .................. ابتسمت لها بإمتنان وهي بترد .. اوكي .. شكرا لك .. انت مابتسدقي كم انا سعيدة بالتعرف عليك .................