غنى الهوى .. ليلى الكاتبه / سحابه نقيه

الفصل الثالث

عدم التسديق كان ظاهر على وجه الجميع ساد الصمت والهدوء لدقائق قبل مايقول ريان معقول الى بتقوليه ياليلى عيونها لسى معلقة بخالد لما ردت وليش لأ بهيك بنكون حلينا كل مشاكلنا وضمنا يكون سامر معنا للأبد قال خالد وهو بيطلع بعيونها بعدم تسديق انت اكيد مو طبيعيه كيف بتفكري ان ممكن افكر حتى بالى عرضتيه بإستهزاء ردت والله كلامك عن مميزاتي خلاني اشوف حالي واطلع لفوق التفت خالد على ريان وقال وهو بيشاور عليها انا مو قلت لك لازم تنعرض على دكتور بدأت الأعراض عندها تزيد ضحكت وهي بتبتعد عنه وتقول بنصحك د.خالد تنتبه على كلامك معي كملت وهي بتهمس بإستهزاء وبعدين مو حلوه تحكي هيك عن زوجة المستقبل صرخ فيها شيلي الموضوع من راسك نجوم السما اقرب لك بلا مبالاة رفعت اكتافها وهي بتقول .. مو مشكلة بس بالمقابل نجوم السما اقرب لك من ماتشوف قرش واحد وقفت قريب من الشباك وهي بتقول انا برأيي فكر واحسبها صح .. تذكر قاعدة Win - Win وانسى قاعدة Win – Lose سدقني هيك الحياة بتصير احلى التفت على ريان ومازن وصرخ انتو عقلوها انا ماعاد فيني اتحمل جنانها اكثر من هيك اصلا انا الغلطان الى عملت لكم قيمه وجيت وتركت اشغالي .. واذا على الميراث خليها تشبع فيه ماعاد بدي شيء منكم ابدا ومشي بخطوات سريعة للباب وقف لما قالت بصوت عالي د.خالد قبل ماتمشي "لأشغالك المهمه" لا تنسى تدفع الديون الى عليك التفت لها وغضب بيتطاير من عيونه وقف مازن وريان تأهبا لفك أي نزاع قد يحصل بينهم لأن لا نظرات وملامح خالد ولا نظرات وملامح ليلى بتبشر بخير بخطوات بطيئه مشيت تجاهه وهي بتكمل خلال العشر سنوات الماضيه تم تحويل مجموعة مبالغ لرصيدك 31 حواله بنكيه بالضبط تتراوح مابين 50,000 الى 70,000 دولار كل حواله لرغبتك الشديدة بالحصول على المبالغ كنت توافق انك توقع على ايصالات توضح انك استلفت هالمبالغ ورح تردها ابتسمت وهي بتهمس انت ناسي اني بنت المستشار نبيل !! حاول يسيطر على غضبه وهو بيقول تنازلت لك عن نصيبي بالميراث خذيه وسددي المبلغ ضحكت ضحكه صغيرة قبل ماتقول .. انت بتحكي عن نصيبك بالميراث كأنه حق مفصول لك بابا منشان خاطر خالة نهى الى كانت له نعم الزوجه وكانت لنا نعم الأم شملك بالوصيه احتد صوتها وهي بتكمل ومنشان خاطر مازن الى كان ابن بار بأبي وسامر الى صار ثمرة زواج بتجمع بين العائلتين والا انت بالنسبه لنا اسم بس يادكتور لا وجودك بيهمنا ولا حتى غيابك برأي لا تعطي لحالك قيمه اكثر من اللازم واعرف مكانك الصحيح بهالعيلة ردت فعلها السريعة سمحت لمازن وريان يمسكو خالد الى هجم بغضب عليها وهو بيصرخ انا الى رح افرجيكي قيمتك اخذت نفس عميق لتهدي حالها وهي بترجع شعرها بعيد عن وجهها اطلعت فيه بقوه وثقة لتفرجيه ان تهديده ابدا ما هزها للعلم فقط مع بدايه الأسبوع رح ارسل هالإيصالات للمحامي واخليه يجهز قضيه ضدك اذا مادفعت كل الى عليك او ما استجبت لطلبي والخيار لك يا دكتور بخطوات سريعه تركت الغرفة وهي بتنده على نعيمه ان تطالع لها عشاها وعشا سامر لغرفتها ............

دف ريان ومازن بعصبيه وهو بيقول .. وقاحه ............. بس الكلام الى قالته صحيح ............ التفت على مازن اطلع فيه بعدم تسديق ........ كمل مازن .. انت مابيهمك حدا فينا ياخالد .. حتى امي الله يرحمها مافكرت فيها .. لما بعثنا لك خبر وفاتها ماوصلنا منك رد .. بس لما بعثنا لك اننا بحاجه لإمضائك منشان الورثه جيت بعد اسبوعين بس !! .............. عن اذنكم .. بهدوء ترك ريان الغرفة ليعطي للأخوه الحريه بالحديث ..... كمل مازن بحزن .. انا بعتبر ريان وليلى اخوتي اكثر منك .. لي معهم ذكريات وقصص رح احكيها لأولادي اكثرمنك .. حتى العم نبيل الله يرحمه .. حبيته من قلبي وحسيته ابي ... الغرب صارو عيلتي واغلي الناس عندي وانت اخي من دمي ولحمي ...... هز راسه بحسره وهو بيقول .. مابعرفك .. ولا بقدر اعتمد عليك .. انا كنت متوقع جيتك رح ترجع روابط الأخوه بينا .. ترا مابقي لنا الا بعض ياخالد .. لا اب ولا ام .. لمتى مفكر حالك رح تبقى عايش مكتفي هيك ورامي كل الناس وراك !! .. رح يجيك يوم تندم على الى فرطت فيه .. ووقتها مارح ينفعك الندم .............. عيون خالد كانت بتطلع بمازن بتفحص .. ماقدر يقول شي امام المشاعر الى شافها بعيونه والى ضربت على وتر حساس داخله ....... كمل مازن .. بنصحك .. مره بحياتك تصرف بعيد عن الأنانيه تبعتك .. اقبل عرض ليلى وتضحيتها الكبيره في سبيل بقاء العيله متجمعه مع بعض وماتتفرق .. وافق واعمل شي واحد منيح منشان هالعيله الى عطتك الكتير وماشافت منك شي .. وافق واعمل شي يحسسنا انك جزء منها ...... بحزن واسف كمل .. ولا تنسى .. رح تحصل على مبلغ كبير مقابل اتعابك .............. راقبه خالد وهو بيترك الغرفة بهدوء قبل مايعطيه نظرة مليانه خيبة واسف ... للحظات بقيت عيونه مركزه على الباب المغلق و كلام مازن بيتردد براسه .. تقدم من الشباك واطلع بالفضاء الكبير الى امامه ... دقائق وكان ماشي بإتجاه الحديقة لحتى يغيب بظلامها وبأفكاره .....

على طاولة الفطور كان واضح ان الجميع ماله خلق للكلام .. ماحدا سأل عن سبب غياب خالد عن الفطور ولا حدا حاول يجيب سيرته .. حوارات بسيطة كانت بدور مع سامر لتكسر التوتر الى بالغرفة .......... قبل مايقومو من على السفره دخل خالد ...... خاطبت ليلى الخادمة الى بترفع الصحون .. نعمية .. جهزي فطور للدكتور خالد .................. مافي داعي .. بس اعملي لي قهوة .......... التفت على الجميع وقال .. بدي احكي معكم .. كلكم ...............

في غرفة الجلوس بعد ما تأكد ان الجميع جلس ومستعدين يسمعوه .. قال .. اولا لاحظت ان الجميع بيحكم عليّ من خلال صوره ذهنية بناء على قرارات واحكام اصدرها عني .. بس للعلم هالصورة الذهنية بتختلف كتير عن حقيقتي .. ثانيا لا تتوقعوا للحظة ان تصوراتكم او احكامكم عني بتهمني .. انا كل الى بهمني ان اكون صادق مع نفسي وما اخدعها .. لأن صدقوني هي الوحيدة الى وقفت جنبي وساعدتني من البداية .. ثالثا وهو الأأهم .......... اطلع بليلى وهو بيضيف .. انا موافق على اقتراحك ولكن ارفض اكون فارس احلامك .. موافقتي لها شروط واضحه واهمها ان يكون كلشي صوري لأن الهدف هو حضانة سامر .. لازم يكون في مدة لهالزواج .. كمان الإيصالات و"حصتي " من الميراث كلها تسلم لي بعد توقيع عقد الزواج .. ورجاء خلينا نحاول نحفظ ارائنا لنفسنا وماندّخل بالى مابيعنينا لأن من اليوم اي تجاوز للحد معي رح يكون الرد عليه قاسي كتير .. واضح .............. الكل عيونهم كانت مركزه على ليلى الى بتطلع بخالد بتفكير وتفحص .... زمت تمها قبل ماتقول .. موافقة على كل الى قلته .. الا تسليم حصتك من الميراث ................. رفع حواجبه بإستنكار وفتح عيونه على الأخر .. فكملت .. شو بيضمني انك ماتغير رأيك عند اخر لحظة بعد ما تستلم كلشي !! انت الأن بتقول ان مابنعرفك .. لهيك ميراثك مابتستلمه الا بعد مضي سنه على زواجنا .................. بسرعة ضاف مازن .. بظن هالشرط عادل كتير ياخالد ................ بتحدي اطلع فيها خالد وهو بيقول .. طيب موافق .. مدة الزواج سنتين ............. بسرعة قالت .. 5 سنين ............. هز راسه بعدم تسديق وهو بيقول .. 5 سنين !! انت مستعدله تضيعي من عمرك 5 سنين بزواج صوري !! انا قلت سنتين منشانك .. لعلمك .. انا بقدر اعيش حياتي بوجودك مثل مابدي .. انت المتضرره الأولى والأخيره بهذا الزواج !! ............. وقفت واطلعت فيه بحدة وهي بتقول .. د.خالد .. لسى مابدأنا مشوارنا وحضرتك بتخالف الشروط الى حضرتك وضعتها .. يارت تلتزم فيها قبل ماتلزم فيها الأخرين .............. هز راسه بالموافقة وهو بيقول .. معك حق .. بعتذر ليلى خانم وبوعدك ماتتكرر مره تانيه ابدا .......... اخذت نفس قبل ماتقول .. رح اسلمك نصف الإيصالات بعد توقيع عقد الزواج والحصول على حضانة سامر والنصف التاني بعد 6 اشهر من الحصول على الحضانه ................... هز راسه بموافق .. متى رح تبدأ الإجراءات ؟ ............... انا هلأ رح اتصل بالمحامي واطلب منه يزورنا اليوم لحتى نجهز كلشي ..................

بصعوبه اخذ خالد اجازة اضطرارية من عمله واجل السفر .. ورجع ريان ومازن لجامعتهم .. وبدأ المحامي بالإجراءات الضرورية لترتيب الزواج ولدعوة الحضانه .. الجو بالبيت موتر مع هيك خالد وليلى بيتعاملو مع بعض بكل رسمية حرصا على عدم زيادة التوتر .......