غنى الهوى .. ليلى الكاتبه / سحابه نقيه

الفصل الثامن

يكاد يقسم ان في شرر تطاير من عيونها بعد تعريفه بها الصوت الى اخرجه سامر كان دليل واضح على اعتراضه على هذا التعريف ضمت سامر لعندها زياده وهدته بهمس بأذنه قبل ماتقول بنبره هاديه موجهه كلامها لمارك وهلين مرحبا بعتذر منكم لغة سامر الإنجليزيه ضعيفه اطلعت بخالد وهي بتكمل لما مابيفهم الكلام بيدايق جلست هلين على ركبها وقربت من سامر وهي بتقول بلطف مرحبا سامر انا هلين بشتغل بهالمستشفى طبيبه ابتسم لها سامر بخجل ومد ايده لأيدها الممدوده له بالسلام قرب مارك من خالد وهمس له ماكنت بعرف ان عندك اخت بهالجمال شو هاي ياعم كأنها اميره جاي من الصحراء ادايق من بريق الإعجاب الى لمع بعيون مارك الى اكلت ليلى وهي بتتفحصها بدقه لكنه ادايق اكثر من تعليق هلين بتسدق ياخالد بيشبهك كتير ابن اختك نبرة السخرية كانت واضحه بكلام ليلى وهي بتعقب جينات وحده مسكها بقوه من رسخها ومشي وهو بيقول عن اذنكم عندنا موعد لحقته هلين وهي بتقول د.خالد اذا مشغول انا باخذها لموعدها من غير مايطلع بهلين رد لا شكرا خفف من سرعته لما لحقه مارك وهو بيقول طيب بالطريق لموعدك بحكي لك نتائج أليس خفف قبضته على ايدها ومشي وهو بيستمع لمارك وبيناقشه بحالة المريضة بقيت ساكته وهي ماشيه جنبهم بهدوء وما التفتت ابدا لجهة خالد او صاحبه عيونها بقيت بإتجاه خطواتها او على سامر الى بيمشي امامها انهى حديثه مع مارك بس اخلص من موعد سامر بنتقابل بغرفة أليس هز مارك راسه بالموافقة وهو بيقول اوكي بس ملحوظة صغيره لو تسمح لي خالد لازم تفحص شفة مدام ليلى شكلها متحسسه من شي بايالتفت بسرعة ليلى الواقفه جنب سامر على بعد خطوتين منهم هلأ لنتبه على شفايفها المنتفخه والمزرق طرفها بعد ماخبر الممرضه بموعدهم مع الدكتور سألها شو صار لشفايفك ؟ يدوب خلص سؤاله حس بمدى غباء هالسؤال وتمنى مايكون قال او سأل شي .. من غير ماتلتفت له ردت وهي بتدخل عيادة الطبيب ولا شي كنت بلعب مع اخي لعبة منتشره بين الأخوة كتير ...................

قرر الطبيب ان سامر يحتاج الى علاج نفسي بما ان مافي اي سبب عضوي يمنعه من الكلام لهيك اخذ خالد موعد مع طبيب اطفال فاهم بالطب النفسي وبيثق فيه في ممرات المستشفى قال انا عندي شغل كتير ولازم امر على المرضى بهدوء عقبت مو مشكلة بعرف ارجع لحالي للبيت غمض عيونه بملل لما سمع هلين بتنده له د.خالد دخالد ماخفي عليه عيون ليلى المتفحصه وهي بتنقلهم بينه وبين هلين الى بتقول كيف امور سامر ياليلى ؟ ابتسمت لها بلطف وهي بترد تمام شكرا لك وجهت هلين كلامها لخالد وهي بتقول انا خلصت الشفت تبعتي اذا بتحب انا بوصلها وانت كمل شغلك بسرعة رد مافي داعي التفت بسرعة لليلى الى بتقول اذا مافيها ازعاج لك بكون ممنونه تجاهلت نظراته الغاضبه وابتسمت لهلين الى بترد بحماس ابدا ابدا بالعكس فرصه اتعرف على اخت د.خالد اكتر اطلعت بخالد وهي بتقول بمكر اوكي خالد خلص روح لشغلك انا برجع مع هلين مافي داعي تطلع من عملك منشان ترجعنا للبيت التفتت لهلين وكملت انت بتعرفي وين ساكن خالد ؟ لمعت عيون هلين بفرح وهي بترد لا ليش انت ساكنه معه ؟ كتمت ابتسامتها وهي بتطلع بخالد المقهور وبترد قريبه منه كتير مشيت مع هلين وهي بتكمل تمثيل باي خالد بشوفك على العشا التفتت لهلين وهي بتضيف بتحبي الاكل العربي ؟ بموت فيه لكان تعالي تعشي معنا الحماس والفرح نطو من عيون هلين الى بتشاور لخالد بأيدها باي وهي بتقول لليلى اكيد انت صغيره كتير لتكوني ماما ولتعرفي تطبخي !! كم عمرك !؟ شد على ايده بقهر وهو بيشوفهم بيمشوا جنب بعض وبتبادلوا المعلومات وبيضحكوا حلف بينه وبين حاله ليرد لها الصاع صاعين على هالعمله الى عملتها فيه ........

دخل عيادته وخبط الباب وراه بقوه وقف مارك وهو بيقول على مهلك يادكتور على مهلك من شو مزعوج بس مايكون في شي بابن اختك ؟ جلس على مكتبه وبدأ يقلب بالملفات وهو بيرد لا مافيه شي رفع راسه من الملفات وقال بنزق اليوم بتتعشا معنا ابتسم مارك وهو بيعلق انت ومين وبأي مطعم عازمني ؟ تنهد بقهر وهو بيرد ليلى عزمت اختك على العشا فلتت من مارك ضحكه عالية بقهر قال خالد اذا ماسكتت هلأ رح اسكتك ببوكس كتم مارك ضحكته وهو بيقول خلص خلص وانا بقول من وين هالكرم حل عليك اتاريك بدك تخلص من هلين بصدق كمل والله حاولت فهمها ياخالد بس البنت مو راضيه تقتنع ولا انت راضي تعطيها فرصه اي فرصه يامارك انت بتعرف رأيي بالزواج ومنظومة العائلة ككل انت الوحيد الى بيعرف وبترجع تقول لي فرصه بس الدنيا مو هيك ياصاحبي في الدنيا لازم نلاقي شريك وحبيب وانيس يساعدنا نتحمل اعباءها .. انا مابقصد هلين لأنها اختي انا بقصد اي انسانه تانيه بيميل لها قلبك حياتك هيك مو عاجبتني ابدا ياصاحبي كلها شغل بشغل حط ايداه ورا راسه وهو بيرد الى بيسمعك بيقول انك متزوج وعندك كل الى بتنصحني فيه ارتاح مارك بجلسته وهو بيقول على الأقل انا ببحث بس انت لا بحث ولا تفكير حتى جلس حاله وهو بيضيف هذا هيك انتوا العرب بتحبوا تتزوجوا صغار هاي اختك ليلى صغيره وعندنا طفل كمان كم عمرها ؟ وين زوجها ؟ اطلع فيه خالد من طرف عينه وهو بيسأل وليش كل هالأسئلة !؟ فضول رجع لملفاته وهو بيجاوب اعتقد 20 اختار كلماته بعنايه قبل مايكمل ابوه لسامر توفي بحادث سيارة من اشهر ولهيك سامر مصدوم ومابيحكي رفع راسه من على الملفات واطلع بمارك الى بيفكر آآها النظره الى بعيون مارك قهرته وخلت النار تشعل بقلبه بشو بتفكر وقف مارك وهو بيقول بأكل اليوم اي ساعه بدك اكون عندك بالبيت ؟

*****
طلعت من الحمام بعد ما غسلت جسمها تناولت تنوره سودا طويله من الخزانه وقميص حريرفوشي وحزام فضي وفردتهم على السرير تقدمت من تسريحتها وطالعت من الدرج حنجور دهن الفل الى بتستخدمه دائما ودهنت شوي عند رقبتها قبل ماتلبس ملابسها بسبب طولها دائما بتلبس احذيه بدون كعب اطلعت على حالها بالمرايه وهي بتفكر كيف بدها تربط شعرها فقررت تجمعه كله على جنب وبدأت تلفه بأيدها حتى يأخذ شكل لولبي وربطته بشريطه بنفس لون بلوزتها هالتسريحه بينتها اصغر من عمرها بكتير وهالشي اسعدها ابتسمت لحالها بالمرايه قبل ماتنده لسامر يالله سمور على النوم حبيبي .......

اخذت نظره اخيره على الطاوله قبل ماتطلع بساعتها الساعة صارت 7 ونص واكيد الضيوف على وصول 5 دقائق مرت قبل مايدق الجرس بخطوات هاديه توجهت للباب لتفتح وهي بترسم احلى ابتسامه على شفايفها المفاجاة كانت بحضور مارك معهم مع هيك رحبت بالجميع بحراره ابتسمت هلين وسلمت عليها وهي بتقول بما ان العشا عليكي قلت اساعدك بالحلو تناولت ليلى منها علبة الحلو وهي بتقول شكرا تفضلوا ماخفي على خالد نظرات ليلى المتفحصه لهلين وملابسها الى بتظهر مفاتن جسمها بشكل ظاهر وبتزيدها جمال دقق كتير ولكنه ماشاف اي شيء بيدل على انزعاج ليلى منها سألتها هلين عن سامر نام من ساعة التفتت هلين لخالد وهي بتضيف كتير كيوت هالولد هز خالد راسه من غير مايقول شي وهو بيقعد على الكنبه الكبيره جنب مارك اكيد جوعانين ثواني وبيكون العشا جاهز عيونه ماانشالت عن ليلى الى بترتب الأطباق على الطاوله امامهم بخفه بتتحرك بين المطبخ وطاولة السفره بتنقل الأطباق تنورتها السودا الطويلة زادت من طولها ورشاقتها خاصه انها مصنوعه من قماش خفيف وناعم بيلصق بجسمها مع الحركه ما التفت لمارك الى قال ريحة الأكل رهيبه هزر راسه بأي وعيونه لسى بتراقبها رفع مارك صوته وهو بيوجه الكلام لليلى من الريحه واضح انه لذيذ ابتسمت له بلطف وهي بتقول بتمنى يعجبكم تفضلوا فطاير وفتوش وفته ومقلوبه اكل لذيذ كتير لدرجة ان الكل سكب اكتر من مره الكل كان مبسوط بالأكل الا خالد عيونه بتراقبها كيف بتبتسم لهلين ومارك وبتحكي عن البيت الكبير والأيام الى قضوها هناك مارك كان مرتاح بالجلسة كتير على الكنبه الوثيره جنب خالد وبيستمع بإهتمام لليلى ادايق خالد لأنه اخذ راحته اكثر من المعتاد مع ان تصرفات ليلى كانت متحفظة معه الا انه كان بيتعامل معها بأريحيه كتير مدام ليلى نحن تعودنا على اكلك الموضوع صار ادمان الله يعينك علينا ابتسمت بلطف وهي بتجلس على الكرسي اهلا فيكم بأي وقت بأهتمام سأل شو اهتماماتك غير الطبخ الى انت من الواضح بارعه فيه ؟ انزعج خالد لسؤال مارك المباشر وانزعج اكتر بهلين الى تطوعت بالإجابه بحماس بتحب الأدب والشعر غمزت لمارك وهي بتضيف شو رايك ؟ بأتزان ضافت ليلى انا بدرس ادب بالجامعة بس اضطريت اوقف هالسنه منشان سامر عدل مارك جلسته وهو بيقول بتعرفي ياليلى اسمحي لي انده لك بليلى تفضل كمل مارك لو ماكنت درست الطب وبهواه كنت درست ادب انا بعشق المنظومة الشعريه الشاعر هو انسان موهوب بيأثر على مزاجك بمجموعة كلمات هالكلمات بتنقلك من حاله لحاله بسهوله وسلاسه عند كلمة ممكن تضحكي بجنون والكلمه الى بجنبها ممكن تبكيكي بجنون الى ان يصل فيكي الشاعر الى ذروة النشوه بإكتمال سنفونية المشاعر بنهاية القصيدة بحماس واضح بعيونها قالت صحيح لمين قرأتي ؟ معظمهم عرب طبعا لمشاهير الأدب الغربي ولكن باللغة العربية قليلة جدا الكتب الى قرأتها بالإنجليزية بخجل ضافت لغتي الإنجليزيه مو بالقوة الى بتمناها والى بتساعدني على فهم الأدب وتذوقه ضغط خالد على كاسة العصير وهو بيشوف عيون مارك وليلى بيلتقوا لما قال مارك عندما تقسم حبيبتي إنها مخلصة جداً لىّ فإني أثق أصدقها و لو أني أعرف أنها كاذبة لحظة صمت مرت قبل ماتكمل ليلى فهى تعتقد أني ساذج لهذه الدرجة و نسيت أني أفطن لكل حيل العالم المستخفية بإندهاش علق مارك روعه حافظتيها مسكت شعرها بخجل وهي بتقول مو كلها انا بحفظ من معظم القصائد كم بيت بس بحماس جلست هلين على ايد الكنبه جنب خالد ومالت بجسمها لجهة خالد وهي بتقول لمارك بتوقع ليلى رح تغلبك يامارك بسهولة كتمت ليلى ضحكتها بصعوبه وكتمت معها كل تعابير ممكن تظهر على وجهها من شكل خالد ودمه الفاير من حركة هلين الواضحة لعرض مفاتنها عليه ابتسم مارك وهو بيقول لليلى ماعندي مشكلة انغلب على ايداكي بحماس قالت هلين لحظة لحظة خليني اجيب القهوة والحلو الى جبته حتى نسمع على رواق استأذنت ليلى بأدب و لحقتها للمطبخ لتساعدها بتقسيم الحلو همس مارك لخالد اختك ظريفه كتير وذكيه ليش انت مابتشبهها !؟ عطاه خالد نظره حادة وهو بيجاوب لا تتظارف التفت له بكل جسمه وهو بيسأل .. عنجد خالد ليش ماسمعنا عن اختك من قبل ؟ انا بعرف ان عندك اخ من امك من وين طلعت اختك هاي قبل مايرد على مارك خطف نظره لليلى الى بتضحك مع هلين الى بتطلع فيه وبتهمس لها شيء عنه اختي من ابي تعرفت عليها لما نزلت للبلد من اشهر ماكنت بعرف ان عندي اخت صبيه من قبل آآها لهيك انا حاسس بشيء من الجفاف بينكم واضح ان علاقتكم جديدة اطلع بليلى وهو بيكمل اختك مميزه كتير واكيد زوجها كان مبسوط معها وطاير فيها ماعاد فيه يتحمل اكتر من هيك اطلع بساعته وهو بيقول بحدة لازم نمشي عندنا بكرا شغل من بكير قالت هلين وهي تقرب صينية القهوة له بكير لسى ننشرب قهوة وناكل الحلو وقف مارك وهو بيقول اكيد ليلى تعبانه وبدها ترتاح اخذت فنجان القهوة من هلين وهي بتقول لا ابدا وجهت نظرها لخالد وهي بتكمل بالعكس مبسوطه بهالجلسة اخيرا شفت احد بيشاركني ذوقي الأدبي ألتفت خالد بسرعة لمارك ليشوف شو ردت فعله بعد هالكلام هو بيعرف شو يعني لما مارك يديق عيونه ويزم تمه وهو بيطلع ببنت لهيك وقف بسرعه وهو بيقول بنبره غاضبه شوي مارك هلين بقلة حيله حطت هلين فنجانها على الطاولة بجانبها وسلمت على ليلى وشكرتها على الطعام اللذيذ والجلسة الحلوة اقترب مارك من ليلى خطوه ليسلم عليها فاعترض طريقه خالد وسحبه معه وهو بيقول شكرا ليلى سلمي لي على سامر من خلف كتف خالد قال مارك استمتعت كتير ليلى لازم نكمل حديثنا الأدبي هذا بغير وقت اغلق خالد باب الشقه وراه بعد ما عطى ليلى نظره غاضبه متوعده تنهدت بقلة حيله وبدأت بترتيب الغرفة وتجميع كل الأطباق في المطبخ وهي بتفكر بالى صار اليوم نص ساعة مرت قبل ماتسمع جرس الباب غسلت ايداها من صابون الجلي وتوجهت للباب وهي متيقنه انه خالد الاعصار بدأ من اول مافتحت الباب هجم عليها خالد ومسكها من اكتافها وهو بيشد عليهم بقوه وهو بيصرخ شو هالحركات الى عملتيها مع مارك ؟ هاي التربايه الى رباكي اياها ابوكي ؟ سحبت حالها منه بقوه وهي بتهمس بغضب اول شي وطي صوتك سامر نايم ثاني شي قربت منه وهي بتقول والشرر بيطاير من عيونها اياك تجيب سيرة المستشار نبيل بالعاطل على لسانك ابي رباني واحسن تربيتي وانا ماعملت شي خطأ ابدا اصلا انا مادعيت مارك انت الى دعيته بعرف ليش انا دعيت ست للبيت عندي وما اعتقد هالشي فيه شيء عيب او خطأ واعتقد لبسي محتشم وكلامي كان متزن وماطلعت برا حدود الأدب بغيظ رد والنظرات الى كانت بينك وبينه بإستغراب جاوبت اي نظرات اذا في نظرات من جهته فأنا غير محاسبه عنها ومالي دخل فيها انت لك تحاسبني على تصرفاتي وكلامي انا مو تصرفات وكلام الأخرين واعتقد كل الجلسة كنت محترمه انك اخي كز على اسنانه وهو بيقول ليلى لا تستفزيني هزت راسها وهي بتجلس على الكنبه وبتقول ما بتستفزك انت الى قلت لهم اني اختك مو انا رمى حاله على الكنبه جنبها وهو بيتنهد بتعب من وين اجاني هالهم ياربي انقهرت منه فوقفت وتوجهت للمطبخ لتكمل شغلها وهي بتقول ببرود لا تلوم احد على تصرفاتك يداك اوكتا وفوك نفخ .............