حبيبي أصبح زوجي 💏👰

بعد مرور سنتين 💏

ميلو : جازو عامين  على زواجي انتيك هذا  تحواس ،دباز ، تقلاش ، رومنسية ❤ و قوانين خنفوسي  ( مكانش خرجة وحدك ، ماتلسيش لمزير برا ، ما تخرجيش للبالكون ....)  اما  علاقتي مع ماماتي وباباتي علاقة بنت مع والديها قدما نقول يحبوني و يعزوني قليل و كاين مرات يوقفوا ضد وليدهم على جالي😍   اما بالنسبة للحمل كنت دايرة احتياط كبير باه مانرفدش  حتان لعام المقبل نتخرجوا  ( 6 سنوات صيدلة )   و يدرلها ربي طريق

عبد الرحيم : حمد ذرك انا و ميلو رانا فالحلال متفاهمين على كلش😍  كي نقلها مكانش خرجة 😎 تسكت وما تخشنش راسها ولبسة كي نقول عليها لالا تصرا 😶و في الدار شاطرة و مكلتها بنينة بزااف😘 و  toujours مزينة و تاحفة روحها😍 و متهليا فيا و في يما و بابا و ما سمعت من فمهم غير دعوة الخير و لهدرة زينة عيلها 😎، c vrai حاب تجيبلي ولد ولا بنت يكملو علينا فرحتنا mais لقراية ما تسمحلهاش تحمل و تربي وترضع ....😟 على هاذي كنا مدايرين احتياط من نهار لول تاعنا و كي نكملو قريتنا و نتخرجوا و  نجيبو  فريق ههههه   😃

ام و اب عبد الرحيم  : نحمدك يا ربي لي عطيتلنا كنة دخلت معها  لفرحة و  لخير😍 ،  نهار شفناها عجبتنا mais كي عشرناها حرنا في قمة تربية و لحشمة لي فيها  و تبسيمة لي ما تفارق وجها 😊و toujours متهلية فينا وفي وليدنا😎  وjamais سمعنا منها كلمة قبيحة ولا جاست عيان وعلى هاذي نحبوها كي بنتنا واعز❤ كيما هي مدلتنا و معاملتنا كي ولديها  ، و حتى انها دات شورنا باه تأجل الحمل تاعها و طبعا تفهمنا الامر و احترمنا قرارهم رغم رانا حابين نشوفوا ولادهم ونكونوا جد و جدة 

ام و اب ميلو : حمد من نهار لي راحت فيه بنتنا عروسة  ما سمعنا من عندهم غير  الخير و شكر حمرتلنا وجهنا 😄و حتا وليدنا عبد الريحم ما كانش مقصر مدللها  يخاف عليها يجبها تزونا يدور بيها حاطها فوق راسو و اهم حاجة مقدرنا بزاااف  ربي يخليهم لبعضاهم ويرزقهم ذرية صالحة انشاء الله

كوكي : بعد ما رجعت من تركيا قعد بالي غير عند الكرم وهاذ المرة كي نخمم فيه نحس قلبي راح يخرج من بلاصتو  و نستنا غير وقتاش يعيطلي ويقولي راني جاي وقيل وليت نحبو

زينات تاعي  انشاء الله تكونو لباس ولي بيها حاجة ربي يفرجها عليك انشاء الله و mrc bcq bcq على تعليقاتكم و تجيعاتم حلوة نحبك و ربي يفرحكم انشاء الله تعجبكم لحكاية و اعطوني رايكم في قرار ميلو و عبد الرحيم الا راه صحيح ؟ و ما تنساوش 👍👍  و كومنتار نحبكم 😍😍