حبيبي أصبح زوجي 💏👰

دخول الجامعة 😍

ميلو & عبد الرحيم & رضا & كوكي :  قرب وقت لقراية و حنا هذا هو عام لول فالجامعة تلاقينا و دسرنا شويا وخممنا و تنقشنا وش نديرو في النهاية ميلو :خيرت نكون صيدلانية كانت هذه المهنة رغبة الاهل و انا حققتها ليهم مع اني  كنت نحوس نكون مصممة ديكور  ، وعبد الرحيم : صيدلاني على خاطر أهلي رفضو نكون طيار بحكم كل طيار يموت في سماء   و  رضا : طبيب القلب وهذا اختياري و حلمي  و كوكي : جراحة كانت  مهنة هذه  احد احلامي   😍😍😍

ميلو : بعد فرحات متتالية و تحواس و تقلاش جا  وقت لقراية تاع صح كنت متشوقة بزاااف الجميعة و القراية فيها المهم  بالأحد على 6:00 صونا tel هزيت بلا ما شفت كان خنفوسي 🐞 متشوق عيط باه ينوضتي نوجد روحي و يجي يديني نروحو كيفكيف .فطرت b1 ورحت لبست قشي و كان هذا هو  اليوم لي درت فيه الحجاب باه نفاجئ عبد الرحيم وننحقلو  رغبتو ⬇⬇

عبد الرحيم : وأخيراا وصل وقت لقراية و ندخلو للجامعة من حمااااس بزاااااااف مرقدتش مليح ما كانت 6:00 عيطت للبينازة تاعي باه نوضها رفدت عليا و قاع معلابلهاش مع شكون تهدر على خاطر كانت راقدة هههه المهم قتلها توجد روحها باه نجوز ليها نروحو كيكيف غير كوبيت رحت  لبست قشي 😎 ستكيت روحي b1 ⬇⬇

كوكي : نضت صباح فرحانة و مزالني حابة نرقد وجدت روحي بالخف عيطت لميلو قاتلي بلي رايحة مع عبد الرحيم وليت عيطت ل رضا باه نتساعفو فالطريق لبست حوايجي وقعدت نستنا في رضا باه نهبط ⬇⬇

رضا : نضت  مكرفس صباح ربي عيطت لعبد الرحيم قالي بلي رايح مع ميلو انا كوبيت من عيطت كوكي قالي لا تروح معيا قتلها وجدي روحك دك نجوز ليك رحت فطرت و ضربت فيها تبيشة ⬇⬇

كرم :  لحق وقت لقراية في دزاير بصح في تركيا لالا مزال كنت راح نكمل قرايتي في لبلاد بصح والد قالي لالا و رفض فكرة كي عاد ليوم لول لصحابي رضا و عبد الرحيم حبيت نوصلهم و نروح عبد الرحيم قالي بلي رايح مع خطيبتو ورضا قالي وي نروحو مكان حتا مشكل لبست حوايجي  هبطت نسخن طموبيل⬇⬇

ميلو : انا وجدت من و خنفوسي 🐞 عيط قالي هبطي اني لتحت هزيت tel و ساكي هبطت غير حليت باب طموبيل خزر فيا مشوكي و فرحان  وانا لحشمة قتلتني هههه 😂 مع الحطة لي رآه فيها و تبيشة هذيك خفت عليه من عين الحساد و لبنات هههه   قعدت قدامو سلمنا وطبعلي وحدة في رأسي 💋قالي جيتي تهبلي بالحجاب فرحتلك  حط لغنا و قلعنا lsl طريق كاملة و حنا نتمهبلو و نهدرو تقول بالعين كسيطات

عبد الرحيم : ركبت طموبيل ورحت لميلو عيطتلها باه تهبط كي حلت باب طموبيل وحزرت فيها دهشت 😱 والله راح تقتلني بزينها للبينازة هذي زاد  دارت حجاب لي كنت متمني ديرو و ضربتلي روووج منحكيلكمش مهم هبلت عليها وخلاص بعد نا سلمنا حبيت نطبعلها وحدة في راسها و ديمرينا ديراكت مع تمهبيل و لغنا هههه الحماس الحماس 😂

كوكي : بالخف وصل رضا دزلي msg هبطت كان هو و كرم خمست عليهم و قعدت من لور  رضا يتبهلل و كرم غير سقسي فيا و عينيه لا حب يهبطهم  قلقني بصح على خاطر رضا و عبد الرحيم سكت و لميتها

رضا : وصلت قدام إكرام قتلها تهبط غير شافت كرم تردت شويا ولات خمست علينا وركبت لور انا كنت نتمهبل و كرم لا حب يسكت ولا يهبط عينيه تقول اول مرة شاف طفلة و هي كانت مقلقة منو و انا تاني بصح الله غالب صاحبنا و ضيفنا   

كرم : هبط رضا كنت مديه ديراكت للجامعة بصح هو حبسني وقالي كوكي راهي جاية معنا لازم نفوتو نرفدوها فرحت بزاف وصلنا لدارها قالها رضا تهبط بالخف كانت قدمنا والله شابة بزاف عينيا غلبوني مقدرتش نقلهم من عندها و غير نسقسي فيها بصح حسيت بروحي كثرت عليها و هي تلقتت وليت غير نخزر و ساكت نهدر غير كي يهدرو هذا كامل باه متزعفش  و تقلق مني