نزلت لقيتهم كلهم رقدين خذيت فوني من الدار اللي كنت راقده فيها انا والبنات وطلعت فالصاله .. قعدت نفكر في حسام ووجعتني اللقطه .. وقعدت نبربش في فوني طلعت نسرين ..
انا : مازلتي واعيه ؟
نسرين : ماجانيش نووم
انا : اها
نسرين : شنجو حسام ؟
انا : توا خطر عليك حسام :3 را اسمعي هذ كبيدتي ولنقاني مانتحمل فيه حاجه
نسرين : هو جاني فجئة وصدمني وانا ماعمريش مريت بموقف كيف هذا
انا : انقولك حاجه را خالي مافيش زيه بكل وانتي اول بنت ينعجب بيها
نسرين : مستحيييل
انا : انا نعرف خالي اكثر منك وانا اللي شجعته عليك وهو قلبه صافي وكان كبد علي وحده حيعطيها عيونها
وانتي عارفه توا مش زمان امانه كثروا يا عيني الخوانه .. ماعندش ثقه فالبنات .. لكن انتي غيرتيله نظريته
نسرين : تبي الحق ؟
انا : ياريت
نسرين : حتى انا معجبه بيه
انا : وليش ماقلتيها له ؟؟
نسرين : انقولك اول مره نطيح في موقف زي هذا تقوليلي نقولها له ؟؟
انا : باهي بتصارحيه ؟
نسرين : مشعارفه خايفه تصير قصة فالعيله
انا : صدقيني لو طلعتي كيف مايبي خالي حيجي يخطبك دغري
نسرين : كلامك خلاني نزيد نتعلق بيه
انا : انا مانحكيش الا فالحق
نسرين : باهي تساعديني ؟
انا : عيوني لك اكييد عشان خالي
نسرين : ..........
وقالتلي نسرين شن اندير وكنت طايره من الفرحه قريب ركبت لحسام ودويتله لكن مسكت روحي ..
رقدنا ونضنا ثاني يوم انا ونسررين ع قصاد 7
انا : رقدنا 4 ونضنا 7 عنجد راياتك رموشي لصقات -_-
نسرين : ما قلتيلي يوعى ع الـ 7 ويطلع وكلهن راقدين ؟
انا : اها لكن قدامك ساعه الشياب 8 يوعوا
نسرين : تمام
وسمعت خالي نزل .. طلعت فالسقيفه
انا : صباحوو يا احسن خال :D
حسام : هههههههههـ صباح النور يا مانا كيف نايضه ؟
انا : اه قصدي نضت وخلاص :D
حسام : ههههههههـ هبله باهي تبي حاجه ؟
انا: راجيني فالسقيفه بنجيبلك حاجه
