Saints

19

"Stop it nuh!"

"Shantel, leave me alone."

Chad sit dung round a di back a di church inna him good good church clothes pon a next Sunday morning a smoke weed.

"A todeh dem a bury yuh mada?"

Him blow out some smoke den say "Yeah."

Him yeye dem did red and swell up, an him did look like him ready fi bawl again.

"Chad, weed nah guh help yuh." Mi voice neva sound strong enough fi convince nobody.

"How do you know what's gonna help me?" Him seh, an him voice sound bitta like cerasee.

Mi tek a deep breath an say, "Jus look pon di fact seh she gone to a betta place.. "

"Well if it's a better place maybe I should join her. "

Lawd God.

"Chad, pass dat. Shantel, what are you doing?"

Mi look up as Curtis brush past mi and head straight to Chad.

"Jus a check up pon him. Weh you a do here?"

"Making sure the pastor doesn't catch him with weed." Curtis seh, as him tek di spliff and drop it right under him shoes as di pastor step round di corner.

"You children need to be inside the church. The service is about to start." Pastor not even look pon Chad properly as him step back inna di church.

"Doubt he would have noticed the thing." Chad seh, an him lean gainst the Church wall a stare off inna space.

"Shantel, guh back into the church." Curtis seh.

"Okay daddy." Mi seh, a cross mi han dem. "Cause since you an Chad tun fren again yuh think yuh can tell mi wah fi do."

"We were always friends. Yuh think you change that?" Curtis seh.

Mi neva know wah fi say.

"Could you two chill with your relationship drama until next week? My mother is being buried today."

"We nuh deh." Mi say, an Curtis fling a vex look my way.

Mi did have a couple tings pon mi mind fi seh but mi neva badda seh nutten. Mi jus lock mi mouth as di whole church start sing Real, Real, Real..

Me, Curtis an Chad stay outside fi di whole ceremony, an wi neva even talk.

When di service almost done, Chad step weh an say him need fi use di bathroom.

Mi an Curtis stan up out deh like two statue. Mi neva wah fi be di one fi start nuh conversation, suh mi tan up deh quiet until him clear him throat.

"Why yuh haffi suh loud?" Mi ask, a cross mi hand dem.

"Loud? Shantel, nuh badda wid it. Plus you shoulda guh inside when mi tell you."

"Yah nuh mi daddy. Yuh cah order mi fi do nutten."

"Yuh faada ah guh wonder weh yuh deh fi di whole church service Shantel. Yuh eva think bout dat??"

No...

Daddy aguh lick me if him eva know seh mi stay outside a church wid two bwoy during the whole service.

"Weh mi ago do??" Mi seh, a flash mi hand dem like mi ago piss up miself.

"Tell him seh yuh sit down roun a back.. Beside me." Curtis seh.

"Why yah help me? Yuh nuh vex wid me?"

"Nuh you vex wid me from last week??"

"Only cause mi did see you and Chad a talk a camp."

"Well mi sure yuh know why by now, so mi nuh understand why yuh still vex wid mi."

"Mi nuh know. Mi just vex." Mi seh, as mi cross mi hand dem.

"That's childish Shantel."

"Maybe mi only gwaan like mah pickney cause yuh love gwaan like yuh people daddy."

Him step closer to me. "If I was your daddy, the things I would make you say wouldn't be childish..."

"Things like what?"

Him grab on pon mi waist as mi back end up gainst di wall. "Yuh sure yuh wah find out?"

Him voice did sound lower, and mi nuh think either one a we did notice how di whole place quiet when him start kiss mi until sista Pauline guh bawl out, "But see yah! A wah type a renkness unnuh lickle pickney out yah a do right outside di Church of God??!"

"Pauline, nuh badda wid it man. You used to gwaan wid worst inside a church." Sista Fay seh.

"Nuh matter. Har faada ago hear bout this!" Sista Pauline seh as she step off.

∆
Please remember to vote, comment and share.

Also, yesterday I was told by @babybhee that I inspired her to write, which warmed my heart 💞 Please check out her story if you have some time on your hands 💕