نتناقش مع ماما كان صوتنا طالع
اني: ياماما منبيش نمشي تي يكرهوني
اسماء( امي):يابنتي مهما كان هادي جدتك وواجب عليك تزوريها معانا
اني:قلت لا يعني لا واضيعي في وقتك معاي
ايهم نزل: خيركم اصواتكم طالعه شن في
اسماء: اختك الهانم متبيش تمشي معانا
ايهم: ووين بنمشو احني
اسماء:بنمشو لحوش جدتك حليمه
ايهم:تبي الصراحه ياامي عندها الحق متمشيش وهما يعاملو فيها زي الكلبه حاشاك
اسماء:ربي يهديكم وخلاص
ومشو قعمزو ع صفره الفطور ونزلو خوتها
محمد:علاش اصواتكم طالعه امبكري
اني:وانت شن دخلك😒
محمد:ماهو اني الحمار الي نسأل
فطرو وكملو وبعدها قعمزو ع الصالون
محمد:يما بعدين مش ماشي معاكم لي حوش اميما حليمه
اسماء:وعلاش😕
اني:اكيد بيطلع مع شله الفساد متاعه😏
محمد:ضمي فمك ياانسه ايه😒
ركبت لي داري غيرت حوايجي ولبست سروال اسود وتيشرت ابيض وفيه ورده سوده ولبست فوقهم عبايه ونزلت
اسماء:وين علي خير
اني:بنمشي لي روان
اسماء:بري متعطليش
اني:باهي
وطلعت واتجهت لي حوش عمي فتحي
ملاحظه! احني وعمامي في سانيه وحده
طقطقت فتحت ابتسام(مرت عمي):اهلين يابنتي تفضلي
اني:يزيد فضلك☺روني قاعده
ابتسام:ايه فوق اركبيلها
اني:تمام
وخشيت لي دارها:روني يابقره
روان:شن الجو
اني تمام وانتي
روان:تمام.فتحتي الفيس
اني:لا علاش
روان:سمعت جواد تصاوب
اني:من جواد
روان:جواد الي في السانيه الي ورانا
اني:ايه عرفته مسكين شن بنديرله
روان:يابقره مفهمتيش قصدي
اني:وشن قصدك اطربينا😪
روان:شي شي تعالي ننزلو
اني:هي
طبعا مهمنيش موضوع جواد بكل لاني نكرهه
لقينا رزان مقعمزه تتفرج
رزان:اووو يوته عندنا شن الجو اميره في حوشكم؟؟
اني:لالا للاسف مشو حوش جدتي حليمه
رزان:اها كويس
وقعدنا نهدرزو لعند لما جيت بنروح
اني: هي بالسلامه
ابتسام:بالسلامه سلمي على امك والبنات
اني:يوصل انشاء الله
روان:ايوته بتجي لي حوش اميما غدوا
اني:ايه
روان:تمام نتلاقو
اني:تمام
وطلعت وسكرت روان باب الحوش وفجأه ننخبط في حاجه
اني:احيييه يارسي
......:😂😂
متنسوش لايك وتعطوني رايكم
أنت تقرأ
العيلة
Randomروايه تحكي علي حوش الجد او بالاحرى على العمام باللهجة الليبيه( الطرابلسيه ) 👌👍
