غاليتي انتي

البارت 8

غاليه شفت الجناح مالنه يخبل كلش حلو ومرتب بس ياالله ماكو كنبه بس اكو واحد كلش صغير ادري وين انام مستحيل اشاركه
غاليه : كلش حلو
سيف :عجبج
غاليه : اي كلش ....بس
سيف:بس شنو
غاليه درت عليه يباوع بنضرات تسليه
يعرف شنو اريد اكول بس يريد يسمع مني
غاليه : بس وين انام
سيف بعدم اهتمام :وين الناس تنام اكيد على السرير
غاليه : اي اكيد اعرف بس انته ..
سيف : اكيد اني هم عليه ولتنسين انتي زوجتي شرعا وقانونا فﻻ عيب وﻻ حرام
غاليه ياربي خفت من هاي الافكار ماريد اتزوج ما اتقبل هاي الفكره موبيدي :: وهسه شنو
سيف:انتي الكﻻم وياج ماله معنى نامي باي مكان يعجبج
غاليه حجه بنتر وراح والله يا الله وهو بس هذا باقي
دخل سيف للحمام اني استغليت الفرصه وحجيت ويا امي وطمنته انو وصلنه للبيت وصتني عليه اهتمي بي وما اعرف شنو والرجال يضوج من المره الفاهيه صيري سباعيه وكسبي زوجج ومن هل حجي
غاليه : ماشي حياتي من عيوني
شفت سيف طلع من الحمام ديجفف بشعره باوع عليه مستغرب 
اكللكم اشكد اضوج منه  بس منضره هيجي يجذب عبالك هسه انسان طبيعي من تشوفينه هو وكفشته هههههه
غاليه : ماشي حبيبتي مع السلامة ههههه يوصل باي
سديته التليفون ::ماما تسلم عليك 
سيف::الله يسلمها
راح تمدد على السرير واني كمت ارتب بغراضي الباقيات ﻻن امي خطيه مرتبه هي وخالتي مﻻبسي من جنت بالفندق
اخذت تراك وردي ناسك ودخلت للحمام
سبحت كملت طلعت شفته نايم اشكد مسالم من ينام وماكو نضرات ههههه
مشطط شعري وحطيط مكياج خفيف
كعدت على القنفه الصغير تصفحت موبايلي مريم دازتلي كومه رسائل
))هلو
((اشلونج غاليه ))
))ولج شفتي الحبيب نسيتي الصديق ايا خائنه ))))
))غاليه متصدكين بعرسج شنو صار ويايه ))

غاليه ضحكت عليه اكيد متعاركه ويا مروان
شفت اذن العصر كمت صليت ونزلت جوه
شفت مﻻك كاعده
مﻻك ::  هلا والله شرفتينه تعالي كعدي ويايه ضجت وحدي
غاليه : شكرا عمري بس والله هاي العزيمه مالتج مو خاليه كولي شكو
مﻻك :ﻻ مو هيجي بس سامر مسافر واني ضجت مدايجاوب عليه
غاليه : ايا مستغلة مو دا اكول
مﻻك :هههه والله مو هيجي بس واخيرا راح يكون عندي احد ويايه بالبيت
غاليه كعدنه نسولف اني ومﻻك تعشق خطيبها وهو هم يعشقها كتل نفسه عليها الله يهنيم محسينه بالوقت صارت
غاليه : لج مﻻ عزه ساعة 7اذن مغرب خلي نصلي وبعدين نسوي عشه سوه شنو رايج
مﻻك ::اي والله اخذنه الوقت بس انتي بعدج عروسه مﻻزم تدخلين مطبخ
غاليه : عروسه ههههه اي بس مو لدرجه ما ادخل مطبخ يﻻ جهزي نفسج
مﻻك:: اوكي
غاليه صعدت شفته بعده نايم مبين عليه كلش تعبان رحت توضليت وصليت
كملت ياربي هسه ما اعرف اكعده لو ﻻ من الضهر نايم
راحت عليه صﻻت العصر هم
بعد مباحثات ومناقشات ويا نفسي قررت اكعده
تقربت من السرير اشكد حلو نايم  وانفاسه منتضمه ومسالم وكيوت بس ينقلب شخص شرير من يكعد
غاليه:: سيف... سيف
هزيته اشويه فتح عيونه باوع عليه بنضرات مصدومه وعدم تصديق

سيف ::غاليه
غاليه: هاا اي مو اذن المغرب