غاليتي انتي

بارت 2

اندك الباب

غاليه : اني افتح الباب
ركضت حتى افتح الباب ومثل متوقعت
على موعده بالضبط
غاليه : يا الله اشكد مشتاقتلج عبالك صارلي سنه مشايفتج

مريم : لج هللللللوز مشتاقتلج بكد رحمه الله
وحضنه بعض والله هاي تؤمي اتصدكون
دخلنه وامي تضحك علينه
مريم السﻻم عليكم
ام غاليه : و عليكم السلام بنتي اشلونج مريم الحمد لله عمتي ورحت بست راس بيبي مريم بيبي اشوكت رجعتي مشبعنه منج
بيبي رجعت الضهر بنيتي انتي جنتي يالدوام
وكعدت اسولف ويا بيبيتي وعمتي ام غاليه كلش حلوه سوالفها
مريم :لج غﻻتي اشو اليوم خابرتج متردين
غاليه : اي نسيت موبايلي بالسيارة
ام غاليه : كلش قلقتنه عليها خابرت سيف طمني عنها

غاليه بكلبي اوف مراح اخلص من هذا الغثيث : مراح تتكرر ماماتي

صعدنه اني ومريم الغرفتي
مريم اشبيج غاليه انقلب وجهج من جابت عمتي اسم سيف
غاليه : مريومه انتي تعرفين اني ما اطيقه كلش ينرفزني باسلوبه مستفز الى ابعد حد
مريم :ها ولج ابن خالتي ورده مال الله
غاليه : ها اشو صرتي بفريقه ويا امي
مريم ﻻ ولج انتي الكبد مالي اشلون ميجي من كلبي

غاليه : اي عبالي اشلونج بالامتحان اليوم
مريم زينه تعرفين مروان جان مراقب علينه وﻻ كانه يعرفي اشكد متكبر بس هم احبه
غاليه : هله عيني اليوم الحب جان مراقب يمكن مجاوبتي كله صافنه عليه
مريم اي ....ها ﻻ قصدي ﻻ
اووي غاليه اتمنى يجي يوم ويحبني احسه اصﻻ وﻻ يهتملي اني كلشي سويت علموده جان حلمي اصير رسامه كلش احب الرسم بس ﻻن هو أستاذ بكليه الصيدله دخلت هاذا المجال علموده
غاليه : اني نصحتج متخسرين حلمج علمود احد بس انتي وحبج اله دمرتي حلمج
(مريم رسامه مبدعه تعشق الرسم اختارت حبها على حلمها اني ما اتخيل نفسي يجي يوم ممكن اضحي بمستقبلي علمود اي رجال ميستحقون هذا الشي هسه اتكولون انو اني شايله على جنس ادم ﻻ بلعكس اتمنى يكون الي سند اب او اخ ولكن الي شفته ابحياتي احيانا يقسى قلبي )

بقينه نسولف اني ومريم وبعدين رجعت على بيتهم ﻻن اثنيناتنه عدنه امتحانات هاي الفتره

كعدت اقراه اشويه ﻻن دراستي ابد مو سهله مهنه الطب مهنه اعتبرها ساميه وحياه انسان يعتمد على الجهد الي ابذله كلش احب الطب خاصه اذا كدرت انقذ حياه انسان اعتبر نفسي سويت انجاز كلش جبير
ضليت اقرا للساعه 2كلش تعبن غفيت على كتبي من التعب
كعدت الصبح متكسرة من نومتي دخلت للحمام اخذت شاور سريع ولبست تراك نيلي وبي اشكال ميكي ماوس نزلت يم نبع الحنان مالتي
غاليه : صباح الخير يا احﻻ وردات

بيبيتي وامي :صباح النور
ان غاليه : بنتي تعالي اتريكي
غاليه مشى اليوم عادي واني اقرا ﻻن باجر امتحاني
كعدت ثاني يوم كملت روتيني الصباحي لبست بنطرون جنز ازرق وقميص ابيض طويل وحجاب وحذاءاحمر نزلت سلمت
و صبحت على امي
غاليه : ماما اني اروح
ام غاليه : ديري بالج على نفسج وركزي بالامتحان وسوقي على كيفج ماشي
غاليه : من عيوني بس ادعيلي
ام غاليه : الله يحرسج يا بنتي
طلعت ركبت سيارتي ورحت للكليه
شفت صديقاتي
غاليه : صباح الخير بنات اشلونكم
البنات صباح النور
نبأ بنات شنو رايكم ورأى الامتحان نطلع نغير جو ملينه من الامتحان
روح اي والله اني موافقة
غاليه : تمام بس ﻻزم منتاخر
اتفقنه نطلع ورا الامتحان نروح نتسوق ونتونس اشويه صدك حتى اني مليت من جو الامتحانات
اشويه ودخلنه للامتحان ورا 2 ساعات طلعت الحمد لله جاوبت زين كلش درست اريد انجح وارفع راس امي
طلعت من الامتحان مشفت البنات رحت للكفتريا كعدت
اشويه واجه احمد زميلي نفس المرحله
احمد السلام عليكم اشلونج غاليه
غاليه وعليكم السلام الحمد لله
احمد اشلون جاوبتي بالامتحان
غاليه زينه جانت الاسئله
احمد اي بس مو سهله
غاليه : اي صحيح
سيف مريت يم الكافتريا مال كليه وشفت غاليه واكفه وتحجي ويا واحد كلش ضجت رحت عليه واني اعصاب انسه غاليه لو سمحتي تعالي المكتبي علمود البحث مالج
غاليه : جنت احجي ويا احمد وما اشوف الا سيف على راسي ومﻻمحه بينه عصبيه ويحجي برود اي أستاذ بس اني سلمت البحث مالي قبل شهر
سيف يبين عليه انزعاج من كﻻمه اكو بيها معلومات ﻻزم تتغير واضافات
غاليه : حاضر أستاذ
سلمت على احمد واشوفه هذا خازرلي اشبيه هذا وراشويه

رحت على مكتبه شفته كاعد ويباوع بلبحوث مال طﻻب سلمت ودخلت
غاليه : أستاذ سيف اعتقد بحثي مبي شي كامل واني دققته (بحثي جان عن امراض السرطان )
سيف اي بس اكو اشياء ناقصه بيها مثل كيفيه مساعده المريض على التغلب على هذا المرض
كعد يشرحلي اشلون اطور البحث مالي فعﻻ يستحق يصير أستاذ رغم انو هو مو جبير بالعمر بس عنده خبره ومعلومات يستحق منصبه
ورا نص ساعه من الشرح استاذنت اريد اطلع وصاحني
سيف :غاليه
غاليه شعور غريب اول مره ورا عشر سنوات يصيحني باسمي :نعم أستاذ وكف وأقترب مني بقت بيناتنه كم خطوة باوع بعيوني بتركيز
سيف كعدتج بالكفيترة وحدج ويا شاب ماريدها تتكرر
غاليه انصدمت من حجيه ورديت ببرود ﻻن اني واثقه من نفسي :أستاذ اوﻻ اني مو وحدي الكافتريا مليانه وثانيا اني جنت احجي ويا زمليلي ما اعتقج بيها شي واثقه من نفسي
سيف :غالييه اني نبهتج هاي المرة وماريد تتكرر كلتها بعصبيه ﻻن هي متعرف شنو صارلي من شفتها واكفه ويا احمد
غاليه...........

مرحبا اتمنى يعجبكم بارت قصير رجاءً اريد تفاعل ويا روايتي