Just to love you (THE BUDDIES SERIES 1) COMPLETE

Closure

Pare - pareho kaming napatahimik ng tumunog ang telepono ni Naureen. May nag - text sa kanya.

"Oh my. Josh is outside. I really have to go," sabi ni Naureen at tumayo na.

"Magkikita pa tayo ulit?" Tanong ni Ellie. Parang natataranta na naman siya. Siguro kasi maiiwan na naman kaming dalawa dito sa bahay.

"I'll to see you again before I leave. I missed you so much, Ellie. 'Yung mga ibinilin ko sa iyo. 'Yung pagpi - prepare ng food. And huwag mong pababayaan ang sarili mo, ha? Dapat laging maganda para hindi maghanap ng iba si Mr. Samson," at tiningnan ako ni Naureen.

Ngumiti lang si Ellie. "Sige. Halika hatid na kita sa labas."

"No. Sige na. Ako na lang ang maghahatid sa kanya," sabi ko. Tumingin ng makahulugan sa akin si Naureen. Parang hindi niya nagustuhan ang sinabi ko.

"Ah, okay. Sige. Magligpit na lang ako dito," sabi ni Ellie. Lumapit siya kay Naureen at yumakap dito.

"I'll see you again," at humalik si Naureen sa pisngi ni Ellie bago tuluyang lumabas. Sumunod ako sa kanya.

"Did you tell her about us?" Iyon ang tanong ko sa kanya ng makalabas kami sa pinto.

Tumingin sa akin si Naureen at umiling. "I don't want to hurt Ellie. She is so fragile and I know how much she loves you." Sabi ni Naureen.

Napahinga lang ako ng malalim. Ang dami ko pang gustong sabihin sa kanya pero ewan ko, bigla yata akong napipi ngayon sa harap niya.

"Weird 'no? Who would have thought na magkikita pa tayo ulit?" Sabi pa niya. Tumingin siya sa akin at napapailing. "What happened to us, it was all in the past. Hindi ako galit sa iyo dahil tinanggihan mo ako noon. I know how important is your family to you. You would do anything for them at hindi ko kayang lumaban doon. I moved on and I am happy now."

"Mahal ko si Ellie, Les. Napakabait na tao niyan. And she doesn't deserve to be hurt. Sana ingatan mo siya. Because I won't forgive you if you break her heart."

Hindi ako nakasagot. Gusto kong sabihin sa kanya na akala lang nila na mabait si Ellie pero sobrang tuso ang babaeng iyon. She is like a wolf hiding in a sheep's coat.

Kumaway si Naureen sa nakaparadang kotse. Bumukas ang bintana at kumaway doon ang isang lalaki. Ito siguro ang asawa niya.

"Bye, Les. At least meron tayong matinong goodbye ngayon." Nakangiting sabi niya.

Pinilit kong ngumiti. Yeah. That's my consolation. At least I have my closure now.

Kumaway pa si Naureen sa akin ng makasakay sa kotse. Tinanaw ko lang ang sasakyan hanggang makalayo ito tapos ay pumasok na ako sa loob.

Naabutan ko si Ellie na inaayos ang mesa. Mabilis siyang umiwas sa akin ng makita ako doon. Tumuloy siya sa kusina at narinig ko siyang naghuhugas ng baso. Sumunod ako doon sa kanya.

"Naureen is your bestfriend?" Paniniguro ko sa kanya.

Tumango lang si Ellie. "P - pasensiya na kung biglaan ang punta niya. Si daddy kasi. He told Naureen that I got married and she got excited kaya inalam niya kung saan ako nakatira." Sagot niya sa akin.

"Did you tell her how you got me?" Sarcastic na sabi ko.

Umiling lang siya.

Tinungo ko ang ref at kumuha ako ng beer doon. Tuloy - tuloy ko iyong ininom.

"Sana sinabi mo sa kanya kung ano ang ginawa 'nyo ng daddy mo para maging asawa mo ako. Akala kasi ng mga tao santa ka. Hindi nila alam, daig mo pa ang demonyo sa galing mong magmanipula."