عذاب يتيمة 🔗 (باللهجة العراقية)

البارت الخامس

#من تأليفي انا الكاتبة :

اخذوني من ايدك و لغيرك صرت ..🙇
گلولي تنزفين و چان احسن لو متت ..😢
اخذو حلم وياهم زفتي وياك ..💒
و كلم حلم مثله بطشة الماي و رحت ..✊
جبروني اقبل و صحت باسمك ..✋
"اي اقبل بس غصب عني والله" گلت ..👊
ترسو عيني ماي من لزم ايدي ..💧
حلقه ابيده و اني گلبي بيدي لزمت ..💚
لبسني الحلقة و طشو الچكليت ..💍
و اني گبل حيل ارجفت ..🚺
مدري خوف من عگلهم ؟ ✔
مدري لان انت علية تاخرت !؟❌
مدري گلبي نايم چان ..💤
و فززته من باسمك صحت ..😨
گلت تعال و احضر اجنازتي ..⛪
هو جرني و يم رجله صرت ..👞
تقبلها يا فلان هيچ تصير !؟ 🔕
و اني ما انزل راسي وياك چنت ..🚫
گلي اسكتي و انتي الي ..🔗
گتله خسة كلمن ظن اني اله صرت !! .💦
راحت ايام مني و مشت ..⏳
و اني صدگ اله انزفيت و لغرفته فتت .🚻
مرته باسمه بالشرع و القانون ..🔏
كل هذا و فكري يم بس انت ..⛔
صار عندي جهال واحد و ثنين ..🚼
ولهسه بس باسمي تصيحنك ردت ..💥
بس كافي بعد مرت كومة سنين ..🙏
و بعد كلش اني ايست .. 🔛
مريت علية بشريط الموت ..👨
و على صورتك عيني بعد غفت ..☑

(اخذت الفكرة من قصتي بس هاي النهاية مو مثل النهاية يلي محظرتها اني الكم 😉)
"هذا الشعر مالتي و ما اقبل احد ياخذه وينشره باسمه !!"

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

#الكاتبة :

جرها من شعرها و هيه صاحت ، هو خله ايده الثانية على حلگها ، امه تريد تهدأه بس ماكو !!

عباس : هششش ... ليش ما گلتيلي !!؟؟ ... و من حچيت وياچ بالتلفون شلون تردين هيچ بوجهي هااا !!؟؟

رونق تريد تحچي بس هو مخلي ايده على حلگها امه تجر بايده بس هو مثل الجبل ولا تحرك ، هيه باوعت عليه و دموعها تصب عشرة عشرة مو دمعة دمعة .
هو ظل صافن عليها باوع على عيونها المكسورة ، هو ترك شعرها هيه دنگت راسها و وخرت اديه من حلگها ، هو شغل السيارة و گام يسوق و يستغفر ربه كل ما يسمع صوت بچيها .

عباس : انيـ....
رونق : ا .. اني اسفة ... حقك علية .. سامحني .
عباس : لا اني الاسف اعتذر بس چنت عصبي و تعرفين اني اغار عليچ من الهواء و انتي طالعة بدون ما تگولين الي !!
رونق : بس والله اني چنت ويا عمتي و مدنگة راسي حتى اسألها !!
عباس : حقچ علية يالله اسكتي ها هية ما صار شي ..

هو جرها و باسها من راسها ، هي لزمت ايده الثانية و كردة فعل ، امه ابتسمت على منظرهم .

عباس : سامحيني !!
رونق : لا انت سامحني ..
عباس : يالله اتركينا من هذا ..... شنو سويتو !؟
رونق : اممم .. اجرنا بدلة ... و حجزنا بال... بالصالون .

تحچي و هيه مستحية و ميتة من الخجل ، هو هز راسه بمعنى و بعد ؟ ، هيه هزت راسها بمعنى ماكو شي بعد .
وصلو لبيتها ، من رادت تنزل لزم ايدها ...