عذاب يتيمة 🔗 (باللهجة العراقية)

البارت الاول

هذا البارت لخاطر اخواتي و حبيباتي :-
dgfydudh 💞
metso_111 💋
#الكاتبة :

تمشي بهدوء و رزانة و مدنگة (مطأطأة) رأسها مو خوف بس هذا اسمه مستحة و حياء ، و ايضا هذا المساحة و الحياء لشخصين بس ..
الاول - تخاف ربها و ما تعصيه ابدا
الثاني - ما تحب يشارك واحد ابن عمها بيها .
تفكر بشخص معين و تبتسم و هي مدنگة ، تحاول تكتم بسمتها بس ما تگدر ، اكيد عرفتوها !!
هاي رونق .. رونق مو مثل كل البنات ، رونق إنسانة خلوقة و مؤدبة ، رونق لما جيت ابن عمها خلت كل شي بجهة و هو بجهة و اله معزته الخاصة بگلبها .

..

#رونق :

يا ربي ما اگدر امنع نفسي من الابتسام كله بسبب مهدي ، كل ما اتذكره ابتسم و هذا دليل حبي اله .
بالمناسبة يا گلبي العزيز اليوم راح يجي يلي مجننك و مخليك تدگ بسرعة لما تتذكره ، اي اليوم راح يجي مهدي ويا عمي .
لازم ارجع بسرعة علمود اسوي الغدة اخاف تصيح علية شذى لو يجون قبل الموعد بيت عمي .

..

#الكاتبة :

مشت هيه سريع ، وصلت للبيت و فتحت الباب بالنسخة يلي عندها ، من دخلت شافت مرت ابوها واگفة بيدها الحزام و منتظرتها .
حاولت ترجع لورة ، يعني تطلع للشارع بس سحبتها و ضربتها بالحزام ...

شذى : وين چنتي هااا !!؟؟ ... ادب سز (بعد ما اگول حشاكم 😝) .. صاقـ** وين چنتي جاوبي هاااا !!!؟؟

ظلت تضرب بيها و هيه بس تبچي ، مع أن هيه تعرف أن رونق اشرف من الشرف نفسه بس هذا الضرب متعودة عليه يومية تفرغ اعصابها بهاي الطفلة اليتيمة البريئة ..
رونق !! .. ولاول مرة بحياتها تدفع شذى و تتصدى لضرباتها ، دفعتها و طلعت گبل للشارع بس الحمد لله چانت لابسة حجابها .
من طلعت شذى گامت تصيح عليها و تغلط ، و رونق واگفة بالشارع بس دموع ما تعرف شنو تسوي بهاي الحالة .
رونق باوعت من الجهتين فلمحت عمها و ابن عمها دا يجون ناحية بيتهم ، هيه ركضت و حضنت مهدي بكل قوتها و گامت تبچي .
هيه متعودة تحضنه بس مو گدام أحد ، هيه متعودة تشكي اله بس مو گدام أحد .
هو فزع و حضنها هو هم ، عمها استغرب و خاف و ظل يسأل بيها ، هيه من رفعت راسها نزل على عمها و ابنه انتقام .
چانت وحدة من ضربات الحزام على وجها و وجها بي جرح و ينزف و جسمها يرجف من الخوف و الضرب .

عماد : ولچ عمووو ولچ رووونق شبيچ !!؟؟ .. هاي منو هيچ مسوي بيچ !!؟؟؟
مهدي : رونوقتي .. اهدي اهدي اني يمچ .. بس گولي منو هيچ مسوي بيچ !؟ اكيد شذى مووو !!؟؟؟

هيه باوعت الهم و هزت راسها بمعنى اي و حضنت مهدي من جديد و گامت تبچي .
الناس تباوع الهم بس هم ما اهتمو ابد ، مهدي و اخذها للبيت و دخل لگه شذى واگفة و بيدها الحزام .
دخل عماد عم رونق هم و شافها ، گبل عصب و گام يصيح ، هيه شمرت الحزام على الگاع و بقيت صافنة مصدومة و خايفة من أن يگولون لابو رونق .