كرة النار 🔥🔥🔥
روچين v.s آدم "٤"
"بس تستحمل"
كانت هذه الكلمة التى صرح بها آدم قبل ان يترك والده ليخرج مندفعا ودون ان ينتبه اصطدم بآسر المسرع نحو والده ووالدته ومعم روچين ابتسم ادم وهو يعتذر بهدوء " اسف يا اسر مخدتش بالى" وكان اسر يبتسم وسيجيب بهدوء لم يحدث شئ ولكن صوت ساخر اندلع " يا بنى قولتك مية مرة انسى القطب الجنوبى الى كنت عايش فيه ولا عشان كان وسع بقى وانت وقرايبك بس هناك ومقضينها تصقيف وأكل بقى ....مش كدا فى ناس ع.....اااااااااه"
دون الحاجة لتوضيح كانت روچين من تتحدث بتهكم لتصرخ فجأة وتكمل بلوم " يا بابا وراكى كفاية قرص !! ارحمنى يا بابا مش كدا "
وضع عامر يده على عينيه يفركهما بضيق ويزفر " يارب ! يارب ارحمنى" ليزيح يده وهو يصرخ بها " روچين انا لازم اسفرك برا " تهللت اساريرها فرحة وهى تهتف بمرح " بجد هكمل دراستى برا " اجاب بهدوء "لا هبعتك يعملوا عليكى ابحاث !! لازم يستفيدوا من الطاقة الى عندك ويستنسخوها لازم " ما زادها اشتعال ليس سخرية والدها بل صوت ضحكته الرخيم وهو يتشفى منها لتهتف حانقة " انت بتضحك على ايه ..انت....."
هتف عامر يجرها خلفه لأعلى " انا كدا اتاكدت ان مامتك نسيت وشربت بنزين وهى حامل فيكى "
كادت تتعثر روچين على الدرج " يا بايا كفاية برستيجى باااظ حرام عليك مش كدا ...انت بتحب تجرجرنى تكونشى فاكرنى جماد انا عندى رجل يا حاج والله وبنى ادم طبيعى سيبنى امشى"
تذمر ساخرا منها "برستيج يا ام برستيج وربنا شكلك فكراه اكل !"
فغرت هاتفها بحنق وابوها يلحقها به للأعلى !!
بينما مال ادم على اسر وهو يهتف بتودد " ممكن اخد من وقتك شوية لو معندكش مانع "
اجاب اسر بهدوء " لا معنديش مانع تعالى نقعد برا فى الجنينة"
خرجا سويا وجلسا على متجاورين ليهتف اسر مبتدأً الحديث " بص انا عارف ان روچين صعبة شوية ولسانها طويل تلات اربع شويات بس والله طيبة !! هى بس مش بتحب حد يفرض حاجة عليها !!"
ابتسم ادم يحاول قدر الإمكان الحفاظ على الصورة التى نوى ان يرسمها ليهتف ادم بهدوء محبب " انا فاهم دا عشان كدا مش عايز احسسها انى مفروض عليها العكس عايز اتقربلها انا هتكلم مع عمى نخلى الخطوبة الإسبوع الجاى وعايز بكرا افاجئها بحفلة لعيد ميلادها وكدا !!"
تهللت ملامح اسر وفرح ان احد ما فهم اخته وسيحاول قدر الإمكان اسعادها ليهتف بمرح وحماس " وانا هساعدك !! صدقنى يا ادم انت شكلك شخص محترم وانا عايز اساعدك !! "
" خلاص يبقى تقولى الحاجات الى روچين بتحبها وبتكره ايه بتخاف من ايه كدا عشان اعرف اتعامل معاها "
" القطط!! " همس اسر بحذر و حرج
"نعم!!" هتف ادم بتعجب ! " قطط ايه ؟!"
احاب اسر بصدق " روچين عندها فوبيا من القطط فالى يقولك قلب الأنثى قطة والحاجات دى اوعى الا روچين !! "
"على اساس انها انثى " كاد يهتف بها ولكنه تراجع فى اخر لحظة ليهتف بدلا عنها " طب بتحب ايه ؟؟"
وشرع اسر فى اخبار ادم على اشياء تحبها وغيرها تكرهها ولا يدرى انه يضع الكبريت بجانب اخته بنزين عذرا "روچين "
________
" انا !! انا روچين موجه اول مقالب ..لواء دفعتى ...معايا وسام فى كيفية تطفيش المدرسين ! جبت لابويا ضغط وسكر ومرارة وجلطات متنوعة عرض واحد ارخص من كارفور !! يجى واحد زى دا ويضحك عليا ااااه وابويا نازل فيا تهزئ تقوليش فرحان فيى" صرخت روچين فى حديثها مع ملك على الهاتف !!
" اهدى حرام عليكى ودنى بااظت مش كدا انا ذنبى اهلى ايه !!"
" انا يا ملك ! انا يقولولى اتخطب لكلب البحر دا ودا اخلف منه ايه سمك سلمون !!"
هتفت ملك تحذرها " ارحمى نفسك وارحمى ابوكى وادى للواد فرصة !!"
اجابت بسخرية " اديله فرصة!! ودى اديهاله وريد ولا عضل ؟! فرصة ايه هى ناقصة !! "
ضحكت ملك من روچين ومزحها لن تتغير ابدا فى احلك مواقفها تحولها لنكات " خلاص منتى مقدمكيش حل غير انك تتخطبيله وبعدين تطفشيه !"
" مش راضى يطفش !! تقوليش بيرضع صمغ !! كدا هيخلينى انتقل لخطة ب وانا مبحبهاش!!"
" هى خطوط دفاع استهدى بالله يا روچين كل حاجة بالعقل مش كدا "
" تعرفى عن صاحبتك انها مستسلمة ؟!"
" لا " اجابت ملك بحذر !
" خلاص يبقى يستحمل !!"
_______
بعد ان تناولوا العشاء وغابت روچين عن العشاء فساد الهدوء وحدث ادم عمه فى تأجيل الخطبة مع ابقاء حفل عيد ميلادها خرج ادم بعد ان اخذ بنصيحة صديقه مالك فى هدية عيد ميلادها !
حل الصباح واستيقظ ادم قبل الجميع رغم انه عاد متأخرا البارحة كان يحمل فى يده صندوق صغير بفتحات تهوية فتح باب غرفة روچين فتحه صغيرة ليفتح الصندوق ويضعه امام الباب ليخرج كائن ذو فرو يركض داخل الغرفة لينهض ادم يغلق الباب بهدوء وهو ينهض هامسا بسخرية متوعدة بالشفا !!
كانت الساعة حلت السابعة وروچين تشعر بيد صغيرة مشعرة تلهو فى وجهها وتعبث معها تحاول ايقاظها ازاحت تلك اليد الصغيرة لتلف جسدها للجهة الأخرى فشعرت بعد قليل باقدام صغيرة تمر فوقها وتعبر للجهة الآخرى ... اصابها الذعر وارتعبت .. لتفتح عينيها وليتها لم تفتحها صرخت روچين تنتفض من على الفراش ليخاف القط ويفر كل منهم هربا من الآخر وروچين تصرخ بصوت عالى " يا نهارى ازرق ومهبب حد يلحقنى !! انا يطلعلى دا ..انا يطلعلى بتاع بفرو ويقولى نو ... يا بابا ...يا حاج الحقنى.. " ظلت تتخبط هى والقط فى كل ارجاء الغرفة لتتسلق مكتبها ومن ثم دولابها الشخصى وفى تلك اللحظة يدخل والدها مذعورا من صراخ ابنته " خير هببتى ايه "بحث عنها فى ارجاء الغرفة " انتى فين يا اخر صبرى !" هتفت "انا هنا يا سلامة انا فوق الدولاب يا بابا " هتف بسخرية "ليه حلمتى انك قرد ولا عندك ميول ايه الى مشعلقك كدا "
هتفت بضيق " لولا انى اخاف على نفسى كنت اتشعلقت فى المروحة !! فى قطة تحت السرير !!"
"قطة ؟؟ ايه الى هيجيب قطة البيت ودون عن كل البيت هتدخل أوتك "
هتفت ساخرة بذعر " وربنا كان فى قطة وفضلت تجرى ورايا وكانت بتبصلى نظرات شريرة منحرفة مرتحتش لها !!
"قطة هتبقى عايزة تغرغر بيكى !! انزل يا روچين يلا هتكسرى بالدولاب "
هتفت بذعر " وربنا ما انزل الا لما تصطادها !!"
" هى ارنب !!" رفعت حاجبها وهتفت
" لا قطة مش فارقة كلهم ثديات .. وبعدين ماله الأرنب يعنى !!"
" لا حلو .. مهو شبهك" وانحنى عامر ينظر اسفل الفراش يرى ما حدث فوجد قطة مذعورة تلتف على نفسها بالطبع فروچين تخيف بلد يشعبها لن تخيف قطة وعجبى !! " بسبس تعالى " ترددت القطة خوفا لتقترب منه وكاد يمسكها وتخرج ليسمع صوت شيئا يدب فى الأرض واذ بابنته تهبط كدب باندا نائم على فرع شجرة فكسره وسقط معه خافت القطة وتراجعت ليهتف بها " مش عاتقة لإنسان ولا حيوان خوفتى القطة " هتفت بسخرية " بابا انت خايف على مشاعر القطة ومش خايف على مشاعرى " اجابها ساخرا " وهو انتى عندك مشاعر..طلعتلك امتى دى ؟"
زفر عامر وهو يحاول استمالة القطة مجددا لتقترب منه بحذر ليلتقطها اخيرا وينهض واذ بروچين تحتمى بكرسى تسريحتها الصغير امام صدرها وهى تهتف " حساك محترم القطة عنى وربنا "
هتف بها " كويس ان ادم مصحيش وشافك بالمنظر دا ..طول بعرض واحتار منك طولب الأرض ..خايفة من قطة يعنى مطهقانى وجيبالى العلة والمرض وخايفة من قطة "
" ايه يا حاج طب مانت مبتحبش الحشرات ولا نسيت اخر صرصار مين الى خلصك منه "
" المأسوف على شبابه كان يوم اسود يوم ما قصد بلاعة بيتنا دا انتى علقتيه من شنبه اسبوع بعد ما مات عبرة لغيره "
" خلينا بقى فى الماضى وننسى المصيبة الى فى ايدك امسكها كويس بابا انت لازم تعرف البتاعة دى دخلت هنا ازاى !"
" هروح اسربها واعرف حاضر اتوكسى ونامى او قومى روحى الكلية وانا هحقق مع البيت واعرف مين العميل الى سرب القطة حاضر "
وانصرف عامر يتحسر على ابنته وهو متذمر منها لتستعد ايلينا للكلية وقبل ان تتحرك من مكانها سمعت طرق على الباب لتهتف " ادخل "
فطلت رأس ادم من الباب يهتف بمرح " كنغر !! مشوفتش القطة بتاعتى "
رغعت حاجبها وجرس الإنذار بدق بشدة " كنغر !! ودا عرفته منين متقولش كان عندكم كناغر فى القطب معرفتش... وايه مشوفتش دى بتكلم واحد صاحبك "
"العفو انا اقدر دا انتى فى مقاا..." قاطعته هاتفة " قط!! قطة انت قولت قطة انت تعرف البتاع ابو فرو الى كان هنا !! انت الى جبته ؟"
" ايه دا هو شيكو جه عندكو!! واضح انه حبك اوى طبعا مانتى هتبقى فى مقام امه بعد كدا !!"
" امه !! " زفرت لتهتف ساخرة " بص تصدق انك غريب "
تعجب منها فهتف " مش اغرب منك !!"
" لا بجد غريب اول مرة اعرف ان كلب البحر بيربى قطط على اساس انكم بنحبوا السلمون سوا وكدا اااااه يا لئيم "
كاد يضحك منها ولكنه تمسك ببروده وهتف " عامة اسف لو شيكو ازعجك وخلاكى تطلعى فوق الدولاب بس حرام عليكى شعره وقف منك المرة الجاية اوعدك مش هيخضك دا هيحبك اوى اوى وكمان صاحبه هيحبك اوى "
اقتربت من الباب وهى تهتف " انت عارف كويس اوى انى مش طايقاك ومتحسسنيش انى مرلين مونرو وانك بتحبنى واضح جدا انك مش طايقنى فاخلع احسنلك "
فتح الباب يقترب منها " تؤ تؤ معرفش انك بتستسلمى بسرعة كدا !! انا معجب بيكى جدا جدا وعشان كدا هخطبك بارادتى الكاملة "
" اااه نويت تروح بلدكوا من ذوى الإعاقات تمام جيت فى ملعبى بس ياريت مترجعش تزعل "
نظرا لها من اعلى لأسفل ليهمس بسخرية " مبقاش الا انتى يا نص سنتى تهددينى .. دا انا اخاف وانا ماشى ادوس عليكو بالغلط "
وقبل ان تنفجر به وقد استدل على ذلك من وجهها الأحمر هرب ادم وقد احرز اول اهدافه بنجاح !!
