#جعلوني_عاهره
#المقدمه
#قصه_حقيقه
#من_الواقع_الليبي
.
.
.
.
.
.
.
.
.
اولا اعرفكم بنفسي
الاسم بسمه العمر 25 عام موليد 92
وحيده ماعنديش ولا خوت ولا خوات
امي اسمها سعاد لاكن هيا مغيره اسمها مسميه روحها نسرين اسمها مش عاجبها وكانت هدي اكبر عقده في حياتها
باتي فرج تاجر مخدرات ديما سكران طينه
امي ديما طالعه معا صحباتها ماتروحش غير الفجر
بدت قصتي كان عمري وقتها 12 عام
حسيت نفسي وحيده وحتا اصحاب ماعنديش
كنت نقرا لاكن من نحبش الخلطه واجد
حوشنا كان زي القبر لا صلاه ولا عباده ديما مشاكل بين امي وباتي
باتي ديما سكران ويعيط ديري وماتدريش
وكان لما يسكر يضرب فيا
وامي ولا هيا هنا حياتها كلها ف الشارع الحوش هدا ماتقعدش فيه
الفلوس هدي عندنا زي الرز
كل شي كان عندي تلفون لاب توب
امي ماعمرهاش طيبت ديما تجيب من المطاعم
لما كنت عمري 12 سنه وفي يوم من الايام انا خلاص مليت وكنت ديما نبكي بروحي في داري بس مافيش حد حاسس بيا بكل
اليوم هدا امي كانت مريضه بكل وراقده ع الفراش
كنت جنبها
وجتها حراره قويه بكل
ودرتلها كمدات وقعدت جنبها طول الليل
بعدها سمعتها تخترف بكلام غريب
اغلب الكلام مافهمت منه شي
لاكن سمعتها تقول الله يرحمك ليش سبتني ومشيت
انا استغربت زعمه من تقصد جدي ولا من
طبعا ماكنت نعلم شي ع خوالي ولا عمامي بكل
قعدت وامي مزالت تخترف
بعدها قالت حتا بسمه .......؟
.
من هنا تبدآ قصتي
.انتظروني ف الحلقه 1
