Last Rose

Chapter twenty eight

Si Kijan iyon ah? Bakit nasa store siya ng pang babae?

Lumakad pa ako papasok sa loob ng hindi niya napapansin at nag kunwariang nag titingin ng ibang mga damit at sumusulyap sulyap ng tingin sa may salamin dito sa gilid ko at nanlaki ang mga mata ko ng nakita ko ngang si Kijan 'yon.

Nakaupo lang siya habang naka dikwatro at nag babasa ng magazine na para bang may hinihintay lumabas sa fitting room.

Hala ka. Sino namang hinihintay niya?

Imposible namang bakla dahil lalakeng lalake itong si Kijan. Ay ano bang iniisip ko? Nag hintay lang din ako habang nag titingin tingin ng mga ibang damit dito hanggang sa makita ko na ang pag bukas ng pintuan sa fitting room kaya't naintriga ako lalo at napaharap.

Tumayo si Kijan ng makita niyang lumabas ang babaeng maikli ang buhok, maputi, bilugan ang mga mata at may nunal sa ibabang mata niya habang suot suot ang simpleng black dress na fit lang sa katawan niya.

HULI KA BALBON!

"How is it?" Tanong ng babae at umikot sa harapan ni Kijan.

Hindi ako makapaniwala ng makita ko ang pag ngiti ni Kijan habang nakatingin sa babaeng pinapakita ang suot suot nitong dress at tuloy lang sa pag ikot. Tumalikod na ako at lumabas ng shop na iyon.

I can't believe this! May bago na agad siyang pinalit kay Mikee? Sa bespren ko pa?! Lakas din palang mang gago nung hinayupak na 'yon eh!

Patay ka sakin ngayon!

Agad kong kinuha ang phone ko at kinontak sila Yiko.

LES

Napatayo si Jaydy ng marinig ang kwento ni Valie at halos kami ay hindi makapaniwala sa kwentong iyon ni Val. "Ano?! Magagawa ba 'yon ni Brader?!"

Tumango naman si Valie. "Oo, bakit ko naman siya sisiraan sainyo diba at lalong lalo na kay Mikee?" Sagot niya.

"Gago pala yong lalakeng 'yon eh! Akala ko may naging problema lang sila ni Mikee sa Japan at masyadong personal kaya hindi niya sinasabi tapos ito pala ang dahilan. Tangina non!" Galit na sabi ni Yiko.

Hinithit ni Polo ang sigarilyo niya bago ito pinatay sa ashtray. Iniangat niya ang tingin kay Yiko at tinanguan na parang nag karoon sila ng pag kakaintindihan bago lumabas ng Studio.

"Ano 'yon?" Naguguluhang sabi ni Jaydy.

"Ano pa ba? Ang lalakeng walang bayag, tinuturuan ng leksyon." Sagot ko.

Mukhang namang na-gets nitong si Jaydy ang sinabi ko dahil gulat itong nag react. "Luh? Gagawin talaga nila yon?! Baka malagot tayo niyan kay Mikee!" Napatingin naman ako sakanya dahil sa pagiging apektado ng pag kaka-react niya.

Sasagot na sana ako ng biglang mag salita si Val. "Luh maka react? Sayo gagawin?" Humagalpak naman ako ng tawa ng makita ko ang mukha ni Jaydy na nainis ng barahin siya ni Valie.

YIKO

Mahigit kalahating oras din ang biyahe namin ng makarating kami sa Hotel na tinutuluyan ni Kijan. Madalas kung sabihin ito ni Mikee saamin at minsan narin namin siyang hinatid dito. Nasa pinaka taas daw ng Hotel na ito nakatira si Kijan at yun ang tinatawag na Penthouse. Hininto na namin ang kotse ni Polo at nauna siyang bumaba kasunod naman ako.