البارت 11 Rawan
صعدت الغرفه خليت مكياج طبعا ماعرف خليت بس حمرة وكحله وأنه بيضه شوي وصعد عباس وراي
عباس..سلام عليكم
زينب. وعليكم السلام طبعا مدنگ استحي منه حت الحجاب ماذبيته
عباس. شوفي يابت الناس أنه اخذتج بس حت ماتصير مشاكل وماريدج تتبهذلين وعد مني ما تقرب الج اله برضاتچ اني مو مثلهم هنا عدهم كله غصب اني لا واني ادري بيج انتي مؤدبه ومتربيه وبت ناس واذا تحسين وجودي يضايقج بلغرفه اطلع منها
زينب..لا خويه ماتضايگ من وجودك بس ما متعوده عليك بعدني وان شاء الله اكون عند حسن ضنك رفعت رأسي وهذا فضلك مراح انساه بس انطيني وكت اتعلم عليك
عباس..رفعت راسها بووويه تخبل اول مره اشوفها ما منتبه عليها ..اخذي راحتج واني هم ماضال هنا هواي لازم ارجع لبغداد هل اسبوع وبعد لاتكولين خويه تره اني هسه رجلج
زينب..ها الله كريم نزلت سويت عشه وصعدته فوگ
عباس..ليش متعبه روحچ جان صحتيلي انزل جوه
زينب..لا تعبك راحه.خرب شوف أسلوبه يخبل ياربي الحمد لله والشكر جازاني عله صبري
عباس.وين رايحه تعاي وياي شنو اتعشه وحدي
زينب..ها خاف ماتاخذ راحتك
عباس..زينب تره اني مو ضاري حاولي تتعودين عليه
زينب..ماشي تعشيت وياه وهوة ضل يسولف ويضحك ويشاقه اباوعله يخبل اول مره هيج اركز عله تفاصيله اسمر وعيونه كبار وعنده لحيه خفيفه وطويل وجسمه متروس شكله هيبه وضحكته تخبل ضلينه نسولف ونشاقه ماحسيت اله اذان الفجر
.يا ساعه بيش هسه
عباس..عاااا ب 4
زينب..خلي اكوم اصلي وانام والله ماحسيت بلوكت
صلينه ونمنه هوه نام بلكاع خطيه
گعدت الصبح
هديه..صباح الخير عروس 😉اليوم شمسچ عاليه
زينب..هههه والله يمه ضلينه للفجر نسولف ونشاقه ماحسيت بلوكت تصدكين هسه يله حسيت روحي ادميه يمه أسلوبه يخبل ويعاملني مثل الجاهله
هديه.. الله يسعدكم انتي يمه عله نيتج ومادچ گلب وهل ربج عوضج وان شاء الله يرزقكم بلطفل اليفرحكم تره ادري بيج مو عاجر كالتلي ام محمد الدايه
زينب..هااااا 😔😔 الله كريم
مره 5 ايام على زواجنه وكل يوم نفس الشي ضحك وسوالف
عباس..زينب أنه عگب باجر اروح لبغداد اطول اقل شي شهر
زينب..شني شهر لا عليك الله 😢😢
