اولا و قبل ما نبدا البارت حبيت نقللكم صحا رمضانكم تصومو بالصحة و لهنا و نشالله تكونو بخير نتو و عائلاتكم طول الشهر هادا ... صلو فالوقت و اقراو قران بزاف متنساوش تتضاعف الحسنات فهاد الشهر الوغ اغتنموه فالطاعات... و لي مزال مجوزوش اختبارات كي حالتي نشالله تخدمو قاع بون كوغااج
_______________________
ثاني شيء هادي هي صورة نور *مكروهة الجماهير*
ثاثا بداية البارت ههه___________________
اياد : اه و عمك راه هنا
نور : نو مزالو فدزاير
اياد : اوك
.... كي لعادة كل واحد طار لبيتو .... و كل واحد يطلع و يحبط و كل واحد يخمم على شي
ياسمين قاعدة فبيتها و تفكر فردة فعل نور و واش دارت قاع و كيما سيات تصيبلها عدر مقدرتش .... و هي قاعدة حتى تسمع صوت تلفونها ... راحت صابت وصلها ميساج من عند اياد يقللها على لعشاء مع ولد عم نور ردتلو ب اوك و رمات تلفون .... بصح مجازتش دقيقة زادت سمعت صوتو راحت صابت ميساج وحدوخر بصح هاد لمرة مش من اياد هاد لمرة من عبد مجهول و كتبلها
''هههههه شدي في هدفك بعشرة يدين عبالي بلي نتي مش سهلة و قادرة تفضحيها فدقيقة الوغ مكلاه تلعبيها طيبة و غير وريلها وجهك الثاني احسن ما تكبر الامور''
ياسمين استغربت بزاف و مفهمتش بزاف الميساج هداك... خافت ترد ...
ياسمين : بففف وش هاد لخرا دك ميخلوش جدي طرونكيل... بصح عليمن راه ... زعما نور... وش قصدو بهدفي... بفففف خرا عليهم قاع
راحت ديراكت للدوش ضربت فيه زوج سوايع قاعدة تريح اعصابها باه تنسا و قررت تنسا قاع وش دارت ليوم نور و تروح كلي ما صرا والو محبتش يصراولها معاها مشاكل
خرجت مالدوش و راحت رقدت شوية ....
ناضت صابت الساعة السبعة تع الليل برك ناضت تفكرت العشاء عالثمنية و نص
ناضت تجري فتحت خزانتها و قاعدة تحوس على كاش حاجة تلبسها و كيما قاع لبنات خمس سنين باه اختارت شي
لباسها
أنت تقرأ
❤ الكاذب الجميل ❤ [باللهجة الجزائرية 🇩🇿 ]
Mystery / Thrillerالقمرُ الذيّ تراهُ أراهُ أنّا والليلُ الذيّ حلَ بمدينتكَ هو ، الليلُ الذي حلَ ،بمدينتيّ نحنُ نوازيَ بعضنَا ولكننّا لا نلتقيّ ..... هل قطعنا كل هذا الطريق معاً كي ننتهي غرباء ...؟ 🎀 إياد 💕 ياسمين🎀 ملاحظة : القصلة سوف ت...