"မင်းမဝင်နဲ့"
"ဘာလို့လဲ? ဖယ်ပါ!!! ကျွန်တော် Jung Woo ကိုတွေ့ချင်တယ်"
တစ်ခါမှ ဒီလိုမယဉ်မကျေးမပြောဖူးပေမယ့် အခုတစ်ခါတော့ Jungwoo ကိုတွေ့ရဖို့ကိုတားမြစ်နေတာကြောင့် စိတ်လောပြီးခပ်ရိုင်းရိုင်းပြောမိလိုက်သည်။
"မင်းဝင်လို့မရဘူး! Jungwoo က...... မင်းကိုအခန်းထဲဝင်ခွင့်မပေးထားဘူး"
ဦးလေးဆီကဒီစကားကြားရတော့ ကျွန်တော်တင်းနေအောင်တံခါးလက်ကိုင်ကို ကိုင်ထားတဲ့လက်တွေက အသက်မဲ့သွားတဲ့ လူသေတစ်ယောက်ရဲ့လက်ပမာအထိန်းအကွပ်မရှိစွာနဲ့ပြုတ်ကျသွားတယ်
"မဖြစ်နိုင်လိုက်တာ"
ကျွန်တော် ရှုတ်ချတဲ့လေသံနဲ့စကားတစ်ခွန်းကိုထပ်ပြောလိုက်မိသည်။
ဟုတ်တယ်
ဒါမဖြစ်နိုင်ဘူး
အမြဲအရိပ်တကြည့်ကြည့်ချစ်ခဲ့ရတဲ့ ချစ်သူဆီက သူ့ဘေးနားကပ်ဖို့ကျွန်တော့်ကိုတားမြစ်ထားတယ်ဆိုတာဘယ်လိုမှမဖြစ်နိုင်ဘူး။ Jungwoo ဆီက "ကျွန်တော်" ဆိုတဲ့ဒီလူသားတစ်ယောက်အတွက်အခွင်းအရေးတွေအားလုံးပေးအပ်ချင်ကိုသာကျွန်တော်အလိုရှိတာကြောင့် ဒီလိုမျိုး ပစ်ပယ်မှုနဲ့ခွင့်မပြုခြင်းတွေကိုကျွန်တော်မဖြစ်နိုင်ဆုံးသောအရာတွေအဖြစ်သာ အလိုလိုသတ်မှတ်ထားခြင်းဖြစ်သည်။
ကျွန်တော့်ချစ်သူက ကျွန်တော့်ကိုတားမြစ်ထားတဲ့အရာတွေထဲမှာ "အမုန်း" ကလွဲလို့ကျန်တဲ့အရာတွေကိုကျွန်တော်လက်မခံခဲ့တာအခုချိန်ထိပါ
"သူ့ရဲ့အခုဒီလိုပုံစံကို မင်းကိုပေးမမြင်စေချင်ဘူးနဲ့တူတယ်"
သူ တရားလွန်လွန်းတယ်။
ဒါ ကျွန်တော့်အချစ်ကိုသူအလေးမထား မယုံကြည်တာပဲ။
ကျွန်တော်စိတ်ထဲကနေတင်းခနဲဖြစ်သွားတယ်။
သူ့ကို လက်ဆောင်ဘူးအဖြစ်ပေးအပ်ထားတဲ့ အချစ် တွေထဲမှာ သစ္စာ ကိုပါလက်ဆောင်ချည်တဲ့ကြိုးလိုမျိုးတစ်ခါတည်းပိတ်လှောင်ပြီး ချည်ထားတယ်ဆိုတာကိုသူမသိခဲ့တာပဲဖြစ်မည်။
ČTEŠ
Stephanotis
FanfikceThis fic is written in both Unicode and Zawgyi Unicode သစ္စာကင်းမဲ့ပြီး ချစ်ခြင်းတရားမစစ်မှန်တော့တဲ့ ဒီလောကထဲမှာ ကိုယ်က "သူ" ဆိုတဲ့ပညတ်ချက်ကြောင့်ချို့ယွင်းချက်တစ်ခုအနေနဲ့ရှင်သန်ခဲ့တယ်.... Zawgyi သစၥာကင္းမဲ့ၿပီး ခ်စ္ျခင္းတရားမစစ္မွန္ေတာ့တဲ့ ဒီေလာက...
Stephanotis Ch-4
Začít od začátku
