#لمة_بنات
●من كتابات زهراء العراقية ●
12
زينب
كنت اشتغل وية خالتي انريد نسوي همبرجر و فنكر وهاي السوالف على العشا
{{ اني من اول ما ازوجت كالت الي خالتي انتي صرتي ام البيت حالج من حالي البنات اعتبريهن ضيوف ضيافتهن اتم الى ان تجي قسمتهن مع هذا هنه عليهن المواعين والتنضيف والحملات اني وزينب وخاله انسويها والطبخ علينا اني وخالتي . اصلا اني عندي اهلي شاغولة الاخت الكبيرة وام البيت كنت لان امي عاملة يعني متعلمة على الكراب من يومي}}
سمعت نعمان كال :- زينب ..عوفي كلشي وتعاي
خالتي ندستني حتى اكوم وراه . كمت واني ما الي نفس احجي شي اهه شحجي مثلا كم مرة خنتني ؟؟؟
دخلت خلفه للاستقبال كنت واكفه واني على اخري ما متحملة اسمع صوته
وكف كدامي وحط اديه على امتوني كان يطاردني بنظراته يريد بس نظرة مني واني ما اباوع اله منزلة نظري عنه
:- باوعي الي زينب خل اكلج شي
زفرت نفسي وباوعت اله بنفرزه من هزني حتى بس اباوع اله كانت نظرتي ثاقبة وحاده ومؤنبة اوف بس شفت ضعف بعيونه كسرلي خاطري نعمان دومه قوي كدامي ما اريد اشوفه هيج !تنحى اشوي عني كأنه يريد يشرد من نظراتي !!
:- صدكيني ما خنتج زينب هي الي تودد الي صح ....... لكن اني دوم اصدها
كلت واني ما مقتنعه
:- ليش ما كلت هيج من البداية
كال متنرفز :- ازعجتيني ردتج اصدكين بيه اكثر ........زينب انت اقل شي وتتهجمين عليه ......ما اتحمل اني نظرات الشك
:- شك !!!! قصدك غيرة . من حبي الك اغار
:- مو حب هذا تملك
:- اي اتملكك مثل ما انت متملكني واني اعتبره منك حب طلع شنو لعد هذا
:- اشبيج زينب اني رجال وانت عرضي ماكو وجه مقارنه .... انت محرمة علية احجي وية غيرج واقل شي اتعلين صوتج تغيرتي زينب وين الاحترام ......طبيعي اني انفر من تصرفاتج
:- اهااا يعني انت اتريد متنفس ههه واني مجرد سلام بيني وبين اخوان ست ناهد اذا كعدت اشويه تخزرني اكوم لا وبعد اتريدني اشوفك تتمضحك وياها وعادي ورييلاكس
قاطعني وكال
:- هي بت عمي وبالسابق بينا صداقه طفولة انت لا همه اولاد عمج ولا يعرفوج و اني رجال دمي حار شنو تردين انت ؟؟
:- همه ما يهموني اني ما اريدك تتقرب منها انت من شفتني اغار منها اتقربت . هسه عوفنا من البداية ......... هسة شو اطورت علاقتكم وصارت بالغرف سيد نعمان شسوي البارحه هي بغرفتك وغير مره هم شفتها وانت نكرت
:- خليني احجي اسكت...
ما خليته يكمل خزرته وكتله واني صايره نار عصبت حيل
:- انت الي اسكت كافي جذب البارحه شفتها بعيوني فوك راسك اتفليك . و سمعتكم غير مرة وعرفت بينكم علاقه اني مو مخبلة بدون دليل اتهمك
صفن بوجهي صدمته مكان يدري بيه اعرف كلشي وضاله وياه
خنكتني العبرة وكلت :- اني مرة واحس . ويه زينه من تشاقه عادي ولا اهتم ويه زهراء واسراء هم ولا اهتم . نعمان اني اعرفك من نظرتك .. اول ما شفتها حسيت راح يصير شي فوك راسي . انت كل هذا ما اهتميت لمشاعري احترك حرك من اشوفك وياها تحجي ولا كأن عندك عادي .. احسك تفرح بكسرتي ... بس هاي هي مدام واجهتك كلشي انتهى بينا . انتهى نعمان ... روح الها ولا يهمني بعد
:- وين تعاي
اني التفت ردت اروح اطلع و ابجي لزم ذراعي
:- انت خليتها ببالي غيرتج الزايدة خلتها .. والله ما كنت اصلا منتبه الها ثقي ما غلطت وياها ثقي بكلامي ..
