لمة بنات

البارت السابع

:- اها يعني هي نورة ماتعرف مواهبج ؟؟؟
:- هههف هسه شتريد مني كتلك مو اني كاتبته
وكفت امامة وسحبته من ايده
اني:ارجعة لصاحبته افضل

رحت واني مزعوجة حسيت بيه ما مقتنع وفهمني وعرف اني سويت هيج لخاطر تيم مو نورة ...

دا اريد اصعد لغرفتي وسمعت صوت نورة شفتها كاعده بالمطبخ
من لمحتني كالت  بدهاء
:- هلا بسرووش
كتلها واني مزعوجة
:- اشجابك ؟؟
باوعت الي امي وكالت :- هليام ما عاجبني وضعجن .. مو هاي نورة الي كانت ابتسامتك اشق حلكج من تجي اشو تحجين وياها بثقل

نورة :- اني ادري خالتو صرنا ما نعجب

اسراء :- هي لو تجي الي اهلا وسهلا بيها

عفتهم ورحت كان مزاجي بالنازل كلش
ومغثوثة حيل مدري ليش اني دوم اصرف واكول كلام واندم عليه يعني ذياب مو طفل حتى هيج اتعامل وياه والله ضايجة كله من نورة هاي اني شجاني وصرت مثلها وكذبت هيج كذبة دنيئة وياريته يستاهل اني ذبحت نفسي عليه على شنو ؟؟؟؟؟!!!!!

.....................

نيفين
  كنت كاعده وامي صاحت علينا تعالو ساعدوني رحت واني ادردم على الخطار الي مايحس بس ياكل ويتأمر علينا ..
كانت زينب مرت نعمان رايحه لبيت اهلها واختي زينب شو راحت وياها مدري ليش صايره لازكه بيها اكثر من اللازم  !،امي كالتي الي :- يمة صرفني ارداناتج و اعجني الكباب عدل ..
دا اعجن وانتبهت لأمي اتباوع لأدية وصافنه ..
ابسرعه نزلت رداني حتى ادمرت عجين
:- لج يمه اشبيها اديج ؟؟؟؟؟؟؟؟؟؟؟؟؟؟؟
اني بتلعثم
:- ها لا مابيها
:- لج شو خل اشوف
ما قبلت وطلعت من المطبخ .
امي كأنها حست اكو بيه شي مو طبيعي من لاحظت الخطوط الي بأيدي فعلا اني هم لاحظت وسالت اخو صديقتي كال لا هاي اتروح لان دا اسمنين ما عليج ...

بعدها حسيت امي طلعت من البيت ..
..........................
زهراء
كنت اكتب واجتني  خالة ام نعمان سألتني عن الغرابة الي تحس بيها اتجاه ازدياد وزن بتها نيفين  بوقت قصير جدا خافت لا مريضه او بيها شي خصوصا هي مو بمرحلة بلوغ حتى انكول كبرت وهاي اعراض تحولها الى انثى .!
فطلبت مني سأل احد الطبيبات بالمستشفى
بس كالت شفت بجلد أيدها خطوط بيض تخوف اني كلت بعفوية
:- يا اخاف ماخذه دكسون مرة صديقتي اخذت منه وهيج صار بيها  سمنت ابسرعة وبعدين اجعد جلدها
صفنت خالة بوجهي وما جاوبت بعدين ابتسمت وكالت
:- لا بنتي ما اسويها اني مراقبتهم وهمه ما يسون شي من ورايه
عافتني وراحت يم امي واني ضليت ارسم !!
مو عبالكم رسامه لا بس اجيد رسم العيون ..

......
نورة

اجتنا مروة وكعدنا بالهول ...
مروة:- ولجن اليوم ابات يمكم عود اتوسلن بامي حبابات حتى تقبل
إني  :- اوك
اسراء :- اكول انت ليش ماتجينا الا لمن تجي نورة ؟؟؟
مروة:- لا هي صدفه وبعدين انت ابد ما اطلبين مني
اسراء:- ها ههههه يعني هي اتخابرج سوري
نورة :- لا ولج ما خابرتها هي خابرتني ما كتلج ههههه اشترت تلفون واخيرا
باوعت اسراء وهي مضيقه نظرها على مروة وكالت
:- لعد ليش ما اتصلتي بيه عود هااا
لو بس لنورة
مروة :- اهووو اخذتها بحساسيه اشكد ادققين والله مو قصدي بس هي بعد كالت تعاي كلت ليش اخابر واخسر
نورة :- يمممة البخل
مروة :- مو بخل بس اني ماعندي والله
اسراء :- اووف اسكتي يلا انت
و صدك نورة ترة اني كلت لذياب الشعر مو مالتي
مروة :- ياشعر
ما اعارت اسراء اهمية لسؤال مروة وكالت الي
اسراء :- وصدك ترة اني ما عليه بعد بالاستاذ تيم اشبعي بيه
ضحكت بعلو صوتي من فرحتي
مروة: - يا تيم يا شعر شنو القضيه ولجن
نورة :- والله الا اضل يمكم لعد اويلي اويلي
اسراء :- هذا كل همج ما همج اني .. شعوري شنو
نورة :- اشبيج انت كنتي اتلعبين
بانزعاج وغضب وحزن ما فهمته بوقتها كالت اسراء :- لج اني ..
اشرت على نفسها وكملت والعبرة خانكتها :- لا حبيب كدرت اطبق مثلج ولا دراسه فلحت بيها هاي مروة كانت تاخذ مني الملازم والاسئله تطلبها طلبه وتقرة تالي ما تالي هي تاخذ الطب واني اطلع منها اني احس بالفشل وحده مثلج فاشله بكلشي ،، تجذب واحد ...
قاطعتها واني غاضبة
:- اني فاشله .. انت هيج اشوفيني ..