لمة بنات

البارت الخامس

ثاني يوم حضرنا نفسنا ورحنا للسفرة بكوستر لمنا كلنا ..
حتى زينه اصر تيم ياخذها رغم امها رفضت لكن هو اصر .  وهي اصلا عدها عربانه شحن .
كان ودي اغني بس اخاف انكفخ من عثمان ..
وضليت بس الغي دوختهم

نزلنا من السيارة واكلنا هم نزلناه وفرشنا على الثيل وكعدنا ندك سوالف
اني ومروة ورشا ..  وزينه وزهراء و ورد سوة
اما ناهد كاعده مع شهد .  والزينبات سوة يتهامسن و اسراء  مع التؤام واية ..
والولد هم معدا تيم ساكت ... كان كل اشويه اباوع اله ولهيبته ياربي هذا  الرجال  ليش مميز بينهم اووف ماكذبت زهراء من كالت بقصة الرجل القاسي  ارئ جميع الرجال صفرا على الشمال بحضورك ياسيد الرجال .. اااحيييه
مروة :-عابت نورة اشبيج  هيج اتباوعين للرجال عيب ترة
:- ها
ابسرعه دنكت ..

اسراء:- نورة مروة يلا خل انروح نلعب مو نقضيها كعده باوعت لتيم عسى ولعل يكوم يعرض علينا يرافقنا لكن ما سوة .
عثمان  :- يلا كومن اني اوديجن
وكان يباوع لمروة
ورحنا مع عثمان احنه الثلاثه مع التؤام و شهد  واية ورشا و زينب اختي
زينة :- اريد افتر اهنا . 
ايسر :- تعالي
اخذها وراح ..
و ذياب :- اشعندي كاعد اني خل اروح ورة عثمان ..
...
ورد :- همست لزهراء ما اريد اكعد كدام خالد هذا بس يباوع الي  واني مهدوم حيلي خل انكوم

زهراء:- اوك كمنا
ردنا نتحرك
خالد :-وين يا بنات
زهراء:-لحديقه الحيوان ..
و ردنا انروح
تيم :- وين وحدكم
. انتظرن . كام وعدلت تيشيرته وكال

:- اني ارافقكم
زهراء عنترت همست :- ورد خل نكعود ما نمشي ما امشي ويه هذا
اني :- لا فدوة زوزو امشينا ملل
زهراء: - اووف
مشينا وهو خلفنا مثل الرقيب وهذا  شي حلو منه  خايف علينا ..
لدرجه نسينا هو مرافقنا ما راد يزعجنا اضاهر حس بزهراء
..
نورة:-
رجعنا التميناواكلنا وصدوووك اتونسنا كلنا  بس تيم ما اعرف شنو فلمه ضايج متونس ما مبين عليه ..كلامه قليل ووجه جامد ...
هم افترقنا من ردنا نطلع تيهنا زهراء و ورد ..

وكفنا على الشارع . شفناهن اهناك واكفات  .. رحنا اشرنا الهن يجن دا يتمشن ويجي شاب يركض يخطف جنطتة زهراء ويركض حيل  اهنا الولد كلها ركضت  لزهراء
:-جنطتي
نعمان:-راح بعد انسيها
زهراء جمدت ملامحها وكالت بخوف :- صوري صوري تلفوني مابيه رمز
.  اهنا  ركض تيم بكل سرعته صار مثل الزيبق بنفس الطريق الي سلكه السارق ..

وعثمان ركض خلفه ....

وزهراء كعدت على التبليط ما تقبل اتكوم ادموعها طلعن ..وكالت اني ماحب الصور بس نورة ذاك اليوم طكت النا كلنا
عززززة تذكرت  طكيت حتى لنفسي من خرب حظي باجر تلكوني بالبيجات قزمه للتعارف اااوووف اوووف رحت بيها ..
كلها اتكدرت ونعمان كال تعالن اصعدن يلا هذا تيم هيج ركض ما يلحكها ..

ماقبلت زهراء تصعد بالسيارة وضلت بمكانها واحنه نخفف عنها ..
اية :-خو معندج صور الي
كلنا خزرنا ايه
ناهد :- هسه دعوفن هاي السالفه مال الصور اووف منكم ..
زينه :- تلفونج متروس صور . عادي كلنا نطك .
ورة يمكن ربع ساعه اجه تيم وبيده جنطه بيضه شايلها من تعلاكتها يضحك  وكفت زهراء مامصدكه الي اتشوفه اتلكته مبتسمه
:- جنطتي.
وشافت محتواها
عثمات رجع كال لتيم :-اكلك انت وين طرت تيهتك !!!
ورد :- مبروك زوزو
دا انريد انروح للسيارة
كال تيم :- ماكو كلمة شكرا !!!!
التفت عليه زهراء فعلا هو جاب الها جنطتها وتعب واخذتها منه من غير كلمه شكر
رادت اتكول شي لكن معالم وجهه استفزتها حيل  وكالت :- ليش اشكرك !!!!
تيم عقد حاجبه وكلنا صفنه عليها
بهدوئها المستفز :- اظن انت ابن عمي  وما سويت غير واجبك اتجاه عرض عمك
وراحت من امامه للسيارة واني واسراء ومروة احلوكنا صارت مثل المكرافه مفتوحات حتى الزينبات و ورد صديقتها مافهمت تصرفها

يتبع