ويبقى بالقلب مكان لشخص لن يهوى قلبي سواه برغم عيوبك عشقتك وبرغم عذابي اردتك لي حياة واخترت لي الممات،،،
رباب،،،،
رائد:رباب شو مو على بعضج معقولة الادوية تاثر عليچ هيج،،
رباب:ماكو شي لاتخاف حديد،،
رائد:ولو اخاف بيچ فقر دم،، دااشوف مدتاكلين شي،
لاتخافين اني احب سمنين شوية،،
والله دا اكل بس نفسي تلعب شوية،
ام رائد:دعوفها بحالها، ابنك حسين متخاف علي بگد متخاف ع رباب،،
رائد:هاا، ام رائد بدينا نغار،
ام رائد:عوذة، ياغيرة فدوة، بس محلوة الملحة تنزل من قيمتك ،،
رباب:لاخالة زعلتيني رائد دومة چبير بعيني، شعندي غيرة ،،
هو اهلي وكل ناسي،،
رائد:شفتي يوم وتريديني مااداريها واحبها،،
وهي تنكط عسل،،
ميخالف يمة صدك رباب تستاهل وبت حلال ، بس فاطمة خطية هم مرتك وحامل وحگهة عليك، انت يومك كلة لرباب، صح مريضة، بس فاطمة بشدة وهم دور كلمة حلوة،،
رائد:شفت رباب ضاجت ، اشرت لاامي،،
مو هسة يوم واني يومية اروح واسال عليها وممقصر، كل راتبي الهة،،،
رباب:اروح اشوف عمي،،، من رخصتكم ،
ام رائد:رباب تعرفين جگد احبج واعزج بس اني ام ولازم اذكر ابني اذا نسى واجباتة مثل ماانتي مرتة ذيچ هم وهي الاولى وام اولادة،،
رباب:خلص خالة الموضوع يم رائد، وبعدين دااروح بالاسبوعين للمركز وهو ديكضيها يمها،،
ام رائد:يمها، تهي هي،
رجلج يگضيها خفارات علما تجين ترة الله ميرضاها،،
رباب:مااعرف داخلي طرت من الفرح بس كلام خالتي يجرحني، كانو تگلي گليلة عادي روح نام يم مرتك واني اموت بس اتخيل هالسالفة،،
وفاطمة ممقصرة ببساميرها الي على هي ام الولد،،
واني مريضىة،
يعني متطلع من گلبي لو اموت واگله روحلهة،،،
رباب:خالة بكيف رائد معلية،،من رخصتكم،،،
ابو رائد: ها عمو شو مغيمة شبيچ ومصوفرة،،
رباب:عمو لاتذكرني هسة تجي خالتي وتستلمك،،
هههه، ليش منو استلمت من الصبح،،
استلمت رائد من الصبح ،رزالة عمود ست فاطمة،،،
اويلي ،، لازم الشكوى عالية،،
اووف ياعمو ابتليت اني ،،
انتي لو شوية تتنازلين،،
عمو شااتنازل بعد،،،
رجلي وسلمتة لفاطمة ،، وخلفت منة اثنين ، واني اسكت لازم بكل شي،،، ع كيفج اعصابج ،
عفية جيبيلي ذاك الكتاب من فوگ ،،
حاضر عمووو،،،
راح رائد،،
اي راح عمو،،
ماودعتة حتة،،،
ديلة هي لازم يومية،،
لعد شون عمو،،
رباب:خل اجيب هاي الطبلة ،،
بس صعدت ،،حسيت اادنيا تلف بية،،
ووگعت،،
ماسمعت غير صوت عمي فوك راسي وخالتي ام رائد،،
ها يمة ، صمالله يمة شبيج،،،
هاي هبط سكرج لان مماكلة،
رباب:لا خالة، اني دايخة من الصبح ونفسي تلعب ،
ام رائد: خاف حامل رباب،،
هااا،،لا خالة مااتصور،،،
خلص يمة بدلي خل اخابر فاطمة تجي تبقى يم عمج بين مااروح ونرجع،،
ابورائد:لاتخابريهة ولاتجي،تگولين جايبيهة صخرة،روحي شكو علية ،،
رباب:لاعمو ،مااروح،اذا اجة رائد،،روح العصر،،،
ام رائد:يمة كلنا روح وحدنا ،الا رائد وياج،،هو جاي تعبان من الشغل،
رباب:خالة ،انتي من الصبح مو وياي صلح،
مااريد يروح وياي،،ولااروح طبيب،
عمودالكل يرتاح،،
ام رائد:شوف هاي شو تعاي ولج لازعلين،،
رباب:ما زعلانة عمة اطمني،،
ام رائد:صح فاطمة گرابتي وزوجت رائد قبل رباب، بس رباب اعز واقرب الي بداخلي اگول تستاهل المداراة والتعب وين چانت وگعدت بنصنا ومايوم تكبرت علينا ،ومثل النسمة تهب عالكل،
بس مااگدر اشوف ابني يجور ع مرتة ةام اولادة،،،
ام رائد:شو تعاي ، انتي شو صايرة متتحاچين،شون تديرين وجهچ وطلعين،
العفو خالة، بس انتي من الصبح ذبين اللوم علية ترة والله تعبانة وضايجة ومو حمل احد يلومني،،
ولچ ع شنو تبچين، ولج انتي بمعزة بناتي،
بس لازم اذكركم انتي ورائد ،يمة الظلم محلو ،
حتى لو هي مو خوش ادمية،بس شايلة ابنة،
تعرفينكل ماترحين لااربيل يدين عمود روحتچ،،
رباب:رائد يداين، ليش ماعندة فلوس،،
ام رائد:يمة هو عايش عالراتب والمشتمل الي بنى لفاطمة لحد هسة ماساد فلوسة،
لعد مووووو،
لعد شنوو،،
خالة اسالج سوال،،
لمن نحكم رائد ،،منو طلعة من الحبس،،
شجاب هالموضوع بالچ هسة،،
ليش تگلبين المواجع،،
خالة اكو شي اريد اتاكد منة،،
ولازم اسالچ،
خير يمة اسالي،،
مو زعلين خالة،،
بس اني متاكدة رائد ميقبلهة ع نفسة،،
ام رائد:خيييير،،،
خالة ،اهلي گالولي رائد اخذ فلوس عمود يطلگني،
يافلوس خالة تبهذلنا ،وجواد رجل سيناء عندة معارف وتوسل بيهم يلة طلعو رائد،
وراها حال الظيم حاله،
وهم ساعدونا خطية عمود علاج عمچ،
وراها بسنة صار السقوط،،ورائد تطوع للشرطة ،وفصل عن العالم ،شاف الظيم والله كل مايطلع احط ايدي ع گلبي لما يرجع الانفجارات والاغتيالات،
الحمدلله تجاوزها، ولماتحسنت احوالنا والبنوات زوجن ،والولد كلمن صار عندة شغل وكمل شهادة،زبيدة هم ساعدنا،،
الحمدلله مستورة ،وراتب عمچ،،،ع كد علاجة ،
رباب:اسفة خالة صدگ گلبت المواجع عليچ،،
ولايهمچ،
باعي رح اوصل للصيدلية اجيبلج هذا الفحص مال حمل،،
رباب:خالة اكو هيج شي،،خالة اني فاصلة مااعرف،،
اروح اجيبة ومن تجي زبيدة تعلمج علي،،،
خالة لاتعبين روحج خلي زبيدة هي وجاية جيبة،
خ نلحك نسوي الغدا اخذتنة السوالف،،
اروح اجيب حسين هاي فاطمة تتخربط وحدها خطية،وحسين وحدة،،
اعرف ضوجين منها ،بس هي ناقصة عقل المفروض تعرفين رائد يحبچ،،،
رباب:اعرف خالة ،گليلها خ تجي هي تتغدا ويانا،
بارك الله بيچ،،
مو لخاطرها، صدقة جارية ع روحي،،،
صمالله يمة لاتگولين هيچ عمرج طويل وتفرحين رائد بالولد،،
سويتيني حامل بسرعة،،
ام رائد:يمة مخلفة كومة واميز الحمل مبين الله لايچذبني،،
رباب:فرحت هواي وتخيلت حملي وفرح رائد،،الللله، جكد حلو هذا الاحساس،
كون يكمل يارب ويطلع صح،،
رائد منع فاطمة تدخل البيت من ذيج العركة،،
بس خالتي جابتهة،صدگ شكلها تعبان كلش،
هيچ الحمل يتعب ،الله يعين،،
ام رائد : تعاي فاطمة، تعاي يمة فوتي ،
تعال حسوني اگعد راحة ولاتتحرك هواي ،
رباب، رباب،،
تعاي يمة،،،
هااا خالة ،،تعاي عاونيني لگيتهة متخربطة بالبيت وحسين يبچي،،
رباب:خيرج فاطمة ،،سلامات،،،
لاتباوعين علية هيچ،،صح مااحبج واطيق العمى ولااطيقج بس خطية انتي اسمچ ادمية ،اني بزونة انقهر عليهة،،
ام رائد:وفري لسانج الطويل ،المرة متخربطة عاونيني،وفتحي كارتون لحسين،ممتريك وهاي الحيوانة المسكينة هم،،،
رباب:ههههه،
امشي ولچ لاتضحكين،،،
اني حچيت شي انتي دتحچين،،
هسة اسويلهم ريوگ،،
صدگ فاطمة تعبانة ،،يمة الوحدة تموت لما تحمل،،،وتجيب،،
رباب:خالة،،فاطمة من تحمل هيج تصير،،شو صفرة ،،وشكلها يخوف،،،
ام رائد:لا والله بس هذا حملها شو متعبهة ومن القهر ،،
هااا، خالة رجعنا،،ترة اخرب هسة وتصير جنازتين وحيري بينا،،
امشي ولج،،،
خلص خالة اني اودي،،
انتي ولچ،،
والله خالة مااسوي شي،، هي مريضة بيا حال،،
جبت الطبلة حطيتها گدامها،،
فاطمة،،فاطمة،،
هاااا،،
گومي اكلي،،
صح متستاهلين ،بس يلة،،گومي،،
مااريد مااشتهي،،،
انتي لگيتي احد يدللج گومي،،
حسوني،،حسوني،،
هااا، شو فزيتي،داا اصيحة يتريگ،،
تعال حبيبي، هاك لفة اكل،،
شكرا،،رباب،،
گول خالة،،،
شكرا خالة،،،
فاطمة گومي يلا،،
اكلي،،
تلاگيج تاكلين بروحج لهذا متشتهين،،
فاطمة:رباب مالي خلگج،،،
رباب:دگومي والله،شكلچ رح تموتين بعد ساعة،انقهرت عليج،،
فاطمة:رحم الله والديچ،،
ووالديچ،،
كومي يلا،،،
هاج حطي مخدة وراج،،
اي گولي منداريج تشتكين لخالة علية،،
فاطمة:لا والله هاي امي،،
هاچ عصير،،
واكلي جبن خاف يااذيج البيض،،
اكلي لاتتفرجين،منو لاگي ضرة تخدم،
فاطمة:هههههه،خاف حاطتلي سم،،
رباب:لا متستاهلين هيج موتة مريحة،،
فاطمة:هههه، انزول عليچ،،
ام رائد:ظليت اباوع من بعيد، واشوف مناگر فاطمة ورباب،اكثر شي رباب ولسانها الطويل،،بس الحمدلله رباب رغم غيرتها گلبها طيب،وتنقهر عالواحد حتة لو اذاها كون الله سامحنا اذا عرفت احنا النا ايد بالي وصلتلة،،
الله يشيلج ياسيناء كلة من وراچ،،
چان محد راح بالرجلين،،
رباب:فاطمة اني اعرف الحامل تاخذ مقويات بالحمل،خاف متاخذيهم،،
فاطمة:لا، اخذهم،، بس كلبي خلصان مابية حيل،،ابد،،،
ماعندچ احد يجي يداريج،،
فاطمة:تعاجزتي مني، لماخالتي وزبيدةشايلج بالصلوات،،
رباب:اويلي ع نيتج الكشرة،،
اني رائد جابني مسبية من اهلي ، شفايتلي امي عايشةلو عندي احد،
ياعيني امج متوفية،،،
اي والله يافطيم من زمان،،،
انتي جگد عمرج،،،فطيم،،
17سنةعزةالعزاج اصغر من اخوية ليث شجابج ع الزواج،،
نصيب غير،
خرب ضميرك يا رائد ،،مو باايدي وغصبا عني ميگول شافج كتكوتة،حجيت بسري،،
رباب،،رباب،،
ها حسوني شبيك،،،
مو گلنا كول خالة ولا اگولك،لاتگول خالة تكبرني،،شتريد ماما،،،
فاطمة موتيني بساع،،،
رباب:خرب ضميرج كلمة وطلعت مني ليش دا اربي جهاب غيري وامة موجودة،،
فاطمة:يعني مناوية تخلين رائد يطلكني ورا مااجيب،،
رباب:استغفرالله ،منو گلج هالحجي،،ليش تحمليني شي مگايلتة،،
ياهو الگلج،،،
خوات رائد ،،سيناء وحوراء،،
سيناء مشايفتهة بس اسمع تهايمهة،،،
وحوراء ليش تكرهني مااعرف،،،لا وتكرهچ بعد يافطوم،،
مو من عندي،،هي تگول،،
فاطمة:اي مو رادت حماتهة تزوجة ورائد مقبل،،،
رباب:عفيةرائد دنجوان والبنات كلهن ملتمات عليه لما مصلبخ وكرشة كدامة،،
فاطمة:بس يجي اگله،،،
اسكتي لاازوعج الي اكلتي لاحكيني على هالرائد،،
صدگ لو كالوالكعكةبيد اليتيم املة،،
فاطمة معليج بحچيهم ،،انت ام اولادة وان شاء الله لاحگتج اني،،
ور ح اتنازلج عن يومين بالاسبوع،،
بعد شتردين وايام الدورة ومن اروح لااربيل،،،
فاطمة:رحم الله والديج خلي الچ، اجة ولا مااجة نفس الشي،،
اني غسلت ايدي من زمان ،
شنووو،،
لاهيچ،،
يلة ارتاحي خلي رائد العصر يوديج للطبيبة ،ليش هيچ حالچ،،
ومومال تبقين وحدچ،،
لازم امچ اختچ تجي يمچ،،من رائد مموجود،،،
محد يجي،، يگولون خ يحير بيج رجلج واهلة،،
رباب:شنو هاي ،خطية رائد ياهو اليزوجها يحير بيها اهلها شامريها،،
ههههههن،
ضحكي فاطمة ضحكي،،،
يلة اروح اساعد خالتي اذا احتاجيتي شي دزي حسوني،،
رحم الله والديج،ربي يشافيج،،
لاتتعلمين ،هاي لان شايلة ابن رائد،،
اني مااحبچ،
هههه، انقهرت صدك بعدها صغيرة صدگ شنو ذنبها وجهالهة خطية ساعدت خالتي ،وحسين كل شوي يطفر يمنا،،
واشيلةواطلعة فاطمة مابيها حيل حتى تراقب،،
بس اجتي زبيدة استلمتني مو گالج الطبيب ميصير صيرين حامل ،ليش مااخذتي احتياطاتچ،،
رباب:الدكتور منعني من اي علاج غير القررة واخوج ميكعد راحة ،
باعي هذا الفحص ،،هيج وتنتظرين خمس دقايق اذا طلعو خطين حامل ، واذا لا ،،الة الحمد،،
چانت خالتي وفاطمة وزبيدة گاعدين ،
دتقيس ضغط فاطمة هابط،،
سويت الفحص وراسا شفت الخطين فرحت فرحة ماالهة حساب،،
رباب: زبيدة خالة اني حامل،، حامل،،
ام رائد:بالخير يمة بالخير،،
فاطمة:مبروووك،
رباب :يلة الحگ بيج ولدنا يكبرون سوا،،
زبيدة:رباب بس،،،
بس شنو؟ماكو شي خل يجي رائد ،ونشوف،،
للعصر فاطمة تخربطت كلش،، خابرو ع رائد واخذناها للمستشفى زبيدة ظلت يم حسين وعمي،،
تحاليل وسونر، وفحص الدكتورة حولتها عايكو لان ضربات قلبهة مومنتظمة،،
خالتي بهالاثناء طلبت من الدكتورة تفحصني،،
رائد: بيهة رباب ليش،،
رباب:ماكو شي،،غير مرة خالة،،
ام رائد: دام اجينا خلينا نطمن،،
دكتورة اليوم سوت فحص بالبيت وطلع اكو حمل،،
رائد ،،جان لازم فاطمة هدها، وصاح شنو ،شون،،،
رباب:
انصدمت لمن شفت ردة فعلة،،،
شون وشوكت الطبيب مو وصاچ،
الدكتورة:شصير من المريضة،،
زوجها،،
وذيج المريضةهم زوجتك،،ماشاء الله مفارغ ابد انت،،
عادي ماطول اكو علاقةوماكو مانع يصير حمل،، لعد شعبالك،،
رائد:دكتورة زوجتي عدهة وضع خاص،،
الدكتورة:خيرها،،،
رائد:يووم اخذي فاطمة سبقينا، ولاحگكم،،
دكتورة، زوجتي دتتعالج من الادمان والدكتور مانعها من الحمل، عمود لاياثر عليهة وع الطفل،،
الدكتورة:بس حسب الفحص مبينة صحتها زينة،،
رائد:تضمنيلي ميجي الطفل مشوه،،
الدكتورة:استاذ التشوهات ممكن تصير حتة بالحمل الطبيعي واذا زوجتك مدتتعاطى اصلا شنو وصلها،،
رباب،، دكتورة القصة،،
رائد :اني اريد انزل الطفل مااخاطر،،
رباب:رائد،،
حتة مسمعني جان عصبي وحتة محاولات الطبيبة تقنعه فشلت،،
ورفضت تسويلي عملية الاجهاض وظل يلوم بية كل الطريق، ونسة فاطمة وخالتي ام رائد،،
رباب:كااافي رائد، كافي تلوم بية ،،
انت تعرف مااگدر اخذ علاج يعني كان لازم تاخذ احتياطك انت،،
يمككككن،،،
رائد:هذا الطفل ينزل وخلصنا تفضلي نزلي،، اروح اجيب امي وفاطمة هاي هم على حظي تخربطت ودتموت،،
رباب:متخيلت هاي القساوة تطلع من رائد،،
دبرلي مستشفى اهلي ، ومااوصف نظرات الممرضات وحچيهم علية
ومو زين الرجال قابل بيچ ، ومكمل،،
حسيت روحي ، چكد حقيرة،،
وخسرت اجمل فرحة تمنيتهة،،
بجانب اجهاضي ، بعد ما فاطمة سوت تخطيط وايكو للقلب طلع قلبها ضعيف وميتحمل،،
وبين كآبتي بعد الاجهاض ، واهمال رائد الي عمود فاطمة،،
انتكست انتكاسة جديدة متتعلق بالادمان،
بس صار عندي اكتئاب ،
وقررت اتركة وارجع بيت اهلي،،
ومن هنا بدت علاقتنا تتوتر،
الغريبة موقف وليد الي چان بجانبي،
وطلب مني مااتنازل عن حقي لو شما يصير،
وسافرت هالمرة على حساب وليد،،، وهذا الشي خلة نيران رائد بااعلى مستوياتها
للحكاية بقية،،،
🌺🌺🌺🌺🌺🌺🌺🌺🌺🌺
طبعا اني جدا اكره الرجال الي يكون موقفة ضعيف بهيچ مواقف تحتاج المراة دعم سواء رباب او فاطمة،،
تابعوني وسمعوني ارائكم واكيد رح تكون الاحداث الجاية اكثر تشويقا،،
تحياتي ،،
نازك الملائكة،،
أنت تقرأ
رصاصة الرحمة
Romanceتحكي عن قصة حب تقف بوجهه ضروف العرف والعائلة وااطبقة الاجتماعية لتعود الصدفة وتجمع المحبين
