اشلاء محطمة

باارت 3

اشلاء محطمة
بقلم زهراء الطائي
البااااارت الثالت ..3..

سجلت بدوام مسائي .. وداومت بيه وتعرفت ع احلى ٣ بنات
بهاي الفترة كلها امي حبت رجال جوارينة هوة مزوج وعندة ولد حبها وحبتا كلش مو شلون مجان اول مرة اشوفها هيج عاشقة ع الرغم زيجاتها المستمرة بس جان لغرض المصالح فقط هية هم احسها ملت وتعبت ودتريد تكون حياة مستقلة من بعد مالعبت لعب اني علاقتي بيها محدودة حتى كلامي وياها مو ذاك الگد اني بحالي وهية بحالها وتحاول تعوض الي راح بس شنو الفايدة .. متأخرة حيل .. طبعا الرجال جواربنة اني اعرفهم هم كاتلهم الفكر وفوك الفكر بخيل جان ايئذي مرتة حيل ظالمهالمرتة من الهم والقهر اتمرضت وماتت ومحد
بحالها بس ابنها جان يحاول يساعدها ويشتغل لكن للاسف الاب ظالم حتى فلوس ابنة ياخذهن .. ابنة يشتغل (چايچي ) بأحدى المقاهي الشعبية .. الرجال يقشمر امي انو يحبها ادري بي طمعان بفلوسها مو حبن بيها لا .. بس اني شعلية قابل هية صغيرة وطبهن طوب هيج افلوس اجني بالوسخ يروحن بالوسخ اكيد ..

سوة فلم انو البيت رادو منة لان مدافعين اجار ومن هل الكلاوات ..
بين يوم وليلة ماشوف الة هذا الرجال بيتنة گاعد هوة وابنة بلبداية استغربت بعدين ابتسمت لان صارت عادي خو هية خان شغان .. طبيت محجيت شي .. راجعة تعبانة ونهاية سنة دراسية .. بس الحمدلله لكيت صديقات اتسلة وياهم ونكضي وكت لان كل وحدة حياتها هم جبال لاينشال ولا ينحط وطبعا اني اول وحدة من بينهم انعرضت قصتي اول شي ..

جان صوت الهورن يرن .. طلعت كتلة هيي اجيت كافي صدعت روسنة فوك مااحنة مصدعين الدنيا ظهر والعالم تريح .. ديلة عيني نغومة فدوة اروحلج الة تطلعين ملكة جمال يلة تجين .. باوعتلة صفح حمادة انجب واسكت وسوق من غير ولا حرف .. يابة العفو برنسيسة شحجينة قابل .. حمااااادة كافي .. يلةيلة ولا يهمج كافي ..

في بيت غادة ..
مساء الخير هلا بنيتي مساء الانوار .. يلة بابة تعالي تغدي قبل لتطلعين .. يي بابة ..
مرت ابوية .. يي تغدي ليش متدغدين لعد ماطول سميرة عايشة منو يوكلج هيج اكل ..

عايشة منو يوكلج هيج اكل ..
ابوية .. سميرة ..
سميرة.. سكتنة يابة شنحجي منعجب .
غادة .. بابة اريد مصروفي لان حروح مالحك يادوب اوصل ياسين لبيت خالتي واروح لدوامي ..
يابة اتغدي الاول .. لالا بابة حروح مالحك ..
مد ايدة بجيبة .. واباوع عليها متوترة وتنفخ وضايجة وتباوعلي بطارف عين .. طلع فلوس وانطاني ..
هية باوعت ع المبلغ جان تشهك وتكول شدعوة عيني هلكد ليش يابة بنت منو هية بنت الملكة عالية .. اني روحي تصعد لسمة من تجيب طاري امي حيل اتأذة وانقهر وهية تستغل نقطة ضعفي وتحجي ياسين اخوية واكف ديريد يردها بس لزمتة مومال اجاوبها واتسويلنة هوسة .. عاطت حيل بأبوية رجع رجع منهن وكافي عليها هلكد .. كتلها مو وحدي بيهن اني واخوية. . جان تباع علية بخزر لا والله وبعد تراددين وتحجين والله وطلعلج لسان يبنت صبيحة .. ابوية عاد جاوبها كلها سميرة شنو القضية ترة خير من الله عدنة والدنيا خير ليش هيج دتسوين وبعدين هذا حقهم .. جان جاوب خوش لعد شتنطي لبنتك هاي هسة تنطي لجهال هم نفسها .. كلها شسللفة عيني الصبح مو نطيتهم ويومية دانطيهم قابل مقصر اني.. جان تكول لعد وهذا ياسين شعدة دياخذ هسة هم بعد .. جان يجر نفس بغضب كلها الصبح دانطي وانتي حجيتي وكلتي عندة مال قبل بيوم وجريتيهن منة وماخذ .. هسة فهمتي ..
جان تكوم هية ولشتها وشكولها جنها كاسبر وتعيط هية وحسها الي هارج الفرع هرج .. يي يي مؤيد خو كول اني وحدة ظالمة وماخاف ربي تحجي علية علمود بنتك المشلحة بنت صبيحة العوبة هيج تسوي بية ..
اني هنانة لشتي كامت ترجف بس ماكدر شجاوبها عفتها تعيط وتلعلع وطلعت من البيت اخذت اخوية رحنا
بلطريق لااراديا دموعي كامت تنزل بهدوء اخوية هم حسيتة انقهر رغم عمرة مو كلش جبير بس يفهم ويحس عمرة تسع سنين .. وصلنة يم باب بيت خالتي. .. همزين يكضي الوكت بيت خالتي لما ارجع ارجعة وياية لان سميرة اتاذي .. وهوة هم يقرة ويلعب وية مروان ابن خالتي الصغير وياه .. كلتلة يلة حبيبي روح ومثل موصيتك تصير عاقل ولتضوج العالم زين .. ها وهاي فلوس اخذ واشتري الي تريدة .. بوستة وداروح لزم ايدي وجرني حيل .. رجعت عليه اباوع عيونة حمر كتلة خيرك حبيبي شبيك .. كلي غادة انتي مو اختي انتي امي واني حيل انقهر عليج وانقهر علينة من هاي البقرة سميرة .. يحجي ودموعة بطارف عينة. كتلة انتة هسة ليش تبجي. . شفتيها شلون تحجي ع امي وامي ميتة وممأذيتها بشي ليش هية هيج متحبنة .. نصيت علية كتلة حبيبي انتة بعدك صغير ع هل السوالف مالك دخل بشي انتة اسكت .. واني احبك واداريك هذا ميكفيك . لا بس هية اتأذيج هواي .. ميخالف اني قابلة بعدين لازم نتحملها لخاطر بابة وعدنة اخوان منها ميصير هيج انفكر حياتي بعدك صغير انتة .. لا موصغير واني بس اكبر اشوية ويصير عندي فلوس ناخذ بيت وحدنة ونعيش بي ومعلينة بيها .. حبيبي انتة وحضنتة حيل وبوستة وكتلة روح ولتفكر بشي عوف كلشي..

علية واني اصرف .. يلة روح اخرتني عن دوامي ..
يلة روحي باي .. باي.. مشيت متجهة لدوامي

اني غادة عمري ١٨سنة
امي متوفية اتمرضت وماتت وابوية ازوج سميرة سميرة جانت تعرف امي وعود صديقات هنة ازوجها ابوية علمود تدارينة وهية خوش مرة اتحب امي واتحبنة .. بس من ازوجت ابوية تحولت الى غير وحدة وحب تملك عشعش بكلبها وصارت احقر مايكون وبالذات من خلفت من ابوية توئم ولد وبنية وبعد مجابت لانها كبرت بالعمر هية اكبر من ابوية حتى محلوة ابد بعكس امي جانت خلقة واخلاق .. اني احس ابوية ابد ممرتاح وياها لان هية مرة طماعة وجشعة واستغلالية بس شيسوي عندة اطفال منها وهوة هم شخصيتة اضعف منها لانها هية المسيطرة .. نحاول اني واخوية نتحاشاها بس يوم عن يوم تسوء الحالة حتى ياسين مأمن اعوفة يمها تأذي حيل .. اودي بيت خالتي قريبة علينة. مسافة .. الحمدلله الكيها اشكيلها تحاول تخفف علية وتخلي ياسين وية ابنها .. بس شتريد تسوي مالنة غير الصبر ..

يومية من افوت بلفرع مال بيت خالتي من واوصل ياسين .. اكو ولد يوكف شكلة مرتب وكيوت ويضل مبتسملي ونوبات احس بي يمشي وراية .. بس اني اتحاشاه ابد مانطي مجال هوة هم ابد ميحجي شي بس انتبهت علية يراقبني ومن اباوع عليه يبتسم بوجهي .. احاول اغظ النضر مابية مشاكل وهم فوك همومي .. احاول ابتعد عن كلشي لان سميرة مسوية طعم الحياة بحلگي امر من المر .. حتى مرات من اطلع من دوامي الكاه واكف براس شارع المدرسة مثل حارس طريق صار بقة فترة طويلة وكام يومية هيج مثل اليوصلني ويرجعني من غير اي كلام ولاسلام حتى مرة واحد حاول يتحارش كبل هوة اجة وصار قريب مني وضل يخنز عليه .. مثل الي يوهم العالم انو هوة وياية بس لااني اتجرئت احاجي ولاهوة ..
الي ادري بيه هوة جيران بيت خالتي حتى مرة من المرات شفت مرة موصغيرة طالعة من بيت خالتي وراحت طبت بنفس البيت الي يوكف يمة الولد اضاهر امة .. واني هم خجلت اسأل خالتي عليها اوعليهم
بطبعي خجولة وهادئة كلش حتى خيالي استحي منة عندي اهمشي اروح بطريقي وارجع بطريقي واهتم بياسين وابوية ولو سميرة اخذت حتى ابوية ..

عد نضال ،،،

لبست وداطلع .. شفت ام احسان اتنضف وظهرها مكسور بالتنضيف وهية مرة جبيرة ..
خالة كافي عاد انتي مابيج حيل ع هذا الشغل وثاني شي انتي المن تنظفين والبيت فارغ ..
جان تكول لايمة هذا شغل اذى مشتغلت شلون ندبر العيشة .. اوف لااله الا الله .. زين ميخالف تركي هسة لان مموجودين لاابوية ولاامي من يجون شسوين سوي .. وروحي ارتاح بيتج .. اني ماحتاج شي وان احتاجيت كلشي متوفر جوة ايدي .. روحي خالة لبناتج ولولدج لتهمليهم ابد ..
ابتسمتلي من بعيد واجتي اقتربت وباستني حيل من خدي . وكالت ليش وانتي مو بنيتي .. ضحكت كتلها هوة اني اكدر بلياج .. جان تكول
يمة انتي هم عذريهم ان يتركوج همة ديروحون لشغالهم علمود منو غير لخاطرج حتى يجيبون الي يكفيج .. ضحكت كتلها خالة مو احنة نعرف علمود شنو هل المرة سافرو مالة داعي تمجديلي بيهم .. بعدين منو كلج اني بحاجة الهم .. اساسأ اني متعلمة ع حياة الوحدة ..
بهل الحجي طب احسان   .. ابنها
و..
انتظروني في بارت جديد ..

نهاية الباارت .....