زواج مصلحة?

البارت 4

دخلت كبل للغرفه لكيتها ماكو احد يمها فتحت الباب وشفته 😳😳واحد واكف يتصل بس صوته سامعته وين وين بقيت اباوع وهو داير وجهه انوب حس بوجودي دار وجهه باوعلي وبقى مستمر بااتصاله اني بقيت اباوع بس احس كلبي صار طبل ي متأكده هذا هو نفسه الي بسيطره نفس صوته نفس نضرته احس صوت النفس مالتي صار عالي وهو عيونه بااعيوني نسيت كولش بس بقيت اباوع عليه احس بعيوونه خوف وامان مااعرف شنو الي احسه نضراته حاده جانت شنو هالثقه الي بالنفس الي عنده اتمنيت مثله اني بعدها خلص اتصال وحجه ويااي برود كولش
علي..نعم!؟
شهد.ارتبكت كولش كوتله اريد سجلي جان يمه اشر عليه كلي هذا تعالي اخذي اتقدمت بس اي احد يشوفني يشووف الخوف بيه جسمي كوله بده يرجف حتى رجليه بعد ميمشن عدل وصلت يمه واني صوت التنفس مالتي اعلى من صوتي خليت ايدي ع سجل وصرت قريبه عليه كولش حتى عطره شميته ردت اشيل السجل خله اصبعه ع سجل..
علي..شنو اليثبت هذا الج
شهد..من حجه ويااي تخبلت ذكرت راح يسجني بسرعه بجيت صار وجهي احمر
علي..متحجين؟
شهد بقيت اكثر ارجف وصلت مرحله ردت اترك السجل وانهزم كلبي صار طبل منه ليش بس يم هذا اخاف وين راحت قوتي شنو الصار بيه يارب متت بهااي الاثنااء دخل صاحبه كله علاوي اجااك ابو المعارض شافني واكفه كلي ها اشو وحدج وين صاحبتج محجيت شي بس حمدت الله الف مره اجه صاحبه نقذني منه سحبت السجل بسرعه وطلعت اركض..
علي😌 وينه خلي يجي...شهد طلعت متأكده طلعت من الموت هو نفسه ابو السيطره هم زين ماعرفني ليش هيجي من اشووفه اخاف مو وضعيه هاي شوون بيه وصلت للجامعه بس مابيه قطره دم.
منى..لج شصاير وجهج اصفر شكو
شهد..شفته لج طلع نفسه ابو المكتب
منى.منو؟
شهد ابو السيطره الي وكفنا
منى😍😍😍خلي نرجع
شهد.والله ماارجع بعد ولا ادخل ذاك المركز ع موتي شتحجين انتي ردت اموت يمه
منى😒اريد اشوفه
شهد..انسى...بقيت كاعده اصفن منو هذا وليش هيجي انرعب منه بقى بالي اريد انسى ماكو يارب دخيلك نسيني شكله صار مده طويله من صار الحادث ولحد هسه اذكره ليش مااكد انسى شنو البيه😔..انتهى الدوام طلعت للبيت وصلت لكيت بابا زين الحمد لله وماما باجر فرحت كولش سويت الغده وكملت خلصنه الغده نظفت وصعدت لغرفتي تمددت ذكرته ذكرت شكله ليش مااكدر انسى جنت اعتبر نفسي قويه بس هسه طلعت بس كلام اريد انسى كول مااغمض عيني اشووف نضرته الي منو هذا مراح انسى اسمه علي...مااعرف شون نمت وهو بالي كعدت العصر جهزت نفسي وكولت لبابا راح اروح لبيت عمي ابو محمد ارجع ملابس زهراء....
علي...ماعندي بعد صفرت ولا ربع هاي الشقه الي كاعد بيها اخذتها مااكدر ابقى كاعد باايجار انوب سيارتي اندعمت بعتها بخساره وشتريت غيرها سياره ودفعت فلووس لتصليح السيارتين اووف مااكدر اسحب فلوس من ابويه ولا سياره كرار مااكدر اضغط عليه ديبني بيته اتصلت ع زهراء..الوو
زهراء..هلوو حبيبي شونك..
علي...الحمد لله ابويه وين؟
زهراء..طالع
علي..البيت فارغ
زهراء بس ماما/علي..اوك جااي...زهراء فرحت كولش رحت ع ماما كوتلها علي جاي فرحنه وره شويه اجه علي...وصلت لبيت اهلي خرب يوومج مروه شكد مشتاقه اله لبيتنا لغرفتي اتهذلبت😔 تخلص..دخلت تلكتني امي حظنت وضلت تبجي..
علي..يوم شنو السالفه بعدني عدل.
الام..يمه مشتاقتلك مشتاقه لعيوونك
علي....بوستها وكوتلها جاي اخذ عشر اوراق وارجع😂
الام...متطلع يصير بيه شي اذا طلعت
علي يووم مااكدر والله ابقى دااحجي وياها اتصل عليه ابو المعارض واصل للبيت كوتلها تدخل دخلته للاستقبال واستلمت السياره وانطيته الفرق وخلص طلع بقيت كاعد بالاستقبال...بهاي الاثناء اندكت الباب..طلعت ام كاظم فتحت الباب ودخلت ابنيه للاستقبال جنت مدنك دااكتب اريد اكوم سمعت صوت ناصي مساء الخير رفعت راسي واشوفها نفس البنيه الي جانت بالمكتب..بس ردت فعلها فاجئتني
شهد وصلت للبيت دخلتني المره للاستقبال باوعت لكيت شاب كاعد بيها بس منزل راسه كولت مساء الخير رفع راسه اول مشفته 😳😳😳صحت وخليت ايدي ع حلكي رجعت ليوره عثرت بالسجاد وكعت ع تحفيه وانكسرت ..بقيت مذهوله شنو هااي حلم لو علم بقيت كاعده بالكاع واباوعله ودموعي بعيووني شيريد مني ليش بكول مكان اشوفه كام اجه عليه ..
وصل يمي نزل رفعني من ايدي بس ضليت اشتغل ع هزاز..من الخوف
علي...شنو سالفه لهاي الدرجه اني اخوف تركتها وطلعت من الاستقبال ورحت سلمت ع امي وطلعت...
شهد..اجتي زهراء بس لكتني بحاله تعبانه كوتلها خايفه ع بابا حتى مكدرت اسألها هذا منو اعتذرت عن الي صار بقيت مستحيه كولش خجلانه😔 انطيتها الملابس وطلعت...ميته بعد ماادخل الهم لو مااعرف شيصير..
انرعبت صار الليل درست بس مااكدر حتى انام بقيت كاعده للفجر افكر كل ماانام اشوفه وافز😖😖
ثاني يوم داومت مالي خلك خلصت الدوام ورجعت لكيت ماما جايه بووستها وكعدنه نحجي كلي بابا ابو محمد راح يسااعدني اليووم بليل يمر علينه ويحل هذا الموضوع..
ابو محمد..قررت بليل اروح اني وام محمد وزهراء نخطب شهد لعلي حتى صير بينا صله قرابه واكدر اساعد والدها وعمها طبعا حبيتها البنيه مااريد افوتها من ايدي هي الوحيده الي تكدر تجيب علي للطريق وام محمد هم جانت هاي نضرتها وحتى زهراء ومحمد شجعوني ع هذا الشي البنيه كولش مؤدبه وخلقوقه وهادئه بس قبل مااخطي اي خطوه لازم علي يكون عنده علم بالموضوع وناخذ موافقته كولت لمحمد يكعد يمي ويتصل بي. واتصل
علي...كاعد يم كرار واتصل محمد
محمد..الووووو شونك شخبارك
علي..تمام..امر خدمه
محمد 😒😒علي لازم تجي للبيت ابويه يريد يخطبلك بنت صاحبه ولازم تروح ويانه بليل
علي..جنت دااشرب عصير وسمعت هيجي حجه العصير من الضحك حتى من اذاني طلع😂😂شنو خطوبه ابوك يريد يزوج لو شنو؟ محمد..ولك انته تزوج؟ علي..محمد بااعتبارك الجبير بالعائله ليش متروح لا اسمعك شي ميعجبك؟محمد..احترم نفسك لك/علي..ماازوج زوج انتو بالرفاه والبنين وسديته..
محمد..بابا سمعت ابنك المدلل شنو رده
ابو محمد علاجه عندي اني رايح اله واجيه غصبن عليه
علي.كرار ضل يحجي عليه عفته وطلعت لغرفتي خليت هيتفوون بااذني ورجعت الكرسي ليوره ورفعت رجليه ع مكتب وغمضت عيووني عشت بعالمي الخااص شغلت اغنيه طير انته واني الكاااع لابد تحط يوم مااعرف ليش اجتي هاي البنيه ع بالي بقيت مبتسم واذكر موقفها من وكعت ومن بجت ...ابو محمد وصلت للدائره وحدي بس احس كلبي يوجعني هالولد شووكت ينعدل معقوله اني السبب اغلى ولد هذا عندي واكثر واحد معذبني اريد اشوفه مرتاح تعبني دخلت للمكتب لكيته مغمض رحت عليه شلت السمااعات من اذنه..
علي ..اخذت غفوه شويه حسيت واحد سحب السمااعات فزيت سحبت السلاح وجهته عليه بسرعه ع وجهه باوعت هذا ابويه ضليت صافن عليه دار وجهه كلي..
ابومحمد...متغير صاير نومك ثكيل
علي..شونك؟
ابومحمد...بسببك موزين
علي..اووف رحت جبتله مي وعصير حطيتهم ع طبله وكعدت كدامه بالكرسي المقابيله كلي اريدك تزوج هاي البنيه اني دخلت كلبي واهلها خوش ناس..وحتى امك وزهراء حبوها
علي ..مااريد ازوج هسه اني اختار.
ابو محمد..مثل اختيارك قبل مو؟
علي انفعلت كولش كمت كوتله ماازوج والي يصير يصير انتهى الحديث والي صار قبل مو باارادتي وعرفت شون اربيها
تفاعلو للبارت التالي
ارجو المتابعة و التصويت