.
.
.
"ဒီဒီ.."
ခပ်ဝေးဝေးမှ ခေါ်သံတစ်ခု။
ခေါ်သံနှင့်အတူ ဆူညံသောစက်သံများကို အဆက်မပြတ် ကြားနေရသည်။ ခေါင်းတစ်နေရာမှ ထိုးကိုက်နာကျင်နေမှုကိုလည်း သတိထားမိလာသည်။
"ထတော့ ဒီဒီလေးရဲ့။ လေယာဉ်ဆင်းတော့မယ်။"
မမရဲ့ခေါ်သံဆိုတာ သေချာပါသည်။ မျက်လုံးများကိုဖွင့်ပြီးတာတောင် ဘာတွေဖြစ်နေသည်ကို ဒီမိုးယံ မသိ။ သူ့ရှေ့မှာ ဖေဖေ မရှိတော့။ သူ့ဘေးမှာရှိနေသော မမရဲ့မျက်နှာကိုလည်း ၀ိုးတ၀ါးသာမြင်ရသည်။ မျက်စိတွေကို လက်နှင့်သေချာပွတ်သပ်ကြည့်တော့လည်း အရိပ်တွေလို နှစ်ထပ်ဖြစ်နေသည်။ လေယာဉ်စက်သံက ဆူညံစွာ ပေါ်ထွက်နေသည်။ ထို့အတူ သူ့ခေါင်းထဲမှာ ဦးနှောက်တွေကို ဆွဲညှစ်ခံရသလို နာကျင်လွန်းနေသည်။
"ခဏလေးမမ။"
သူ မျက်စိတွေကိုပြန်မှိတ်ကာ မူးနောက်နာကျင်မှုများပျောက်သည်အထိ စောင့်ဆိုင်းမိပေမယ့် မထူးခြားလာ။
သူ အိပ်မက် မက်နေတာလား။
အိပ်ပျော်နေတာလား။
အခုရော။
နိုးလာပြီလား။
တစ်ခါတစ်ရံမှာ အတိတ်၊ ပစ္စုပ္ပန်နှင့် အနာဂတ်ဆိုသည့် အချိန်ကာလတွေက သူ့အတွက် ထူးခြားမှုမရှိတော့သလို။ အာခေါင်တွေခြောက်ကာ နှုတ်ခမ်းတွေ ကွဲအက်နေသလို ခံစားရသည်။
"ဒီဒီ။ ဘာဖြစ်လို့လဲ။"
မမ ကမ်းပေးလာသော ရေဗူးကို နှုတ်ခမ်းနားတေ့သောက်လိုက်သည်။ ဒါပေမယ့် ရုတ်တရက် အန်ချင်သလိုဖြစ်လာတာကြောင့် သူ့စိတ်တိုင်းကျ မသောက်နိုင်။ နှုတ်ခမ်းစိုရုံလောက်သာသောက်ပြီး ပြန်ကမ်းပေးလိုက်သည်။ လေယာဉ် ပြတင်းပေါက်မှ လှမ်းမြင်နေရသော ပင်လယ်ပြင်ကို သူ ငေးကြည့်ရင်း ခေါင်းထဲမှ နာကျင်မှုကိုလျစ်လျူရှုဖို့ ကြိုးစားဖြစ်သည်။
ပင်လယ်ပြင်၏အလှသည် အမြင့်တစ်နေရာမှကြည့်လျှင်လည်း ရှုမငြီးနိုင်လောက်အောင် လှပလွန်းပါသည်။ အပြာရောင် ပိုးသားစကို ဖြန့်ခင်းထားဟန် ပင်လယ်ပြင်ထက်မှ မညီညာသော လှိုင်းလုံးဖြူလေးများက ပျောက်လိုက်ပေါ်လိုက်နှင့် ချစ်စရာကောင်းနေသည်။ ဖြတ်သန်းသွားလာနေသော သင်္ဘောကြီးများသည်လည်း ကစားစရာ အရုပ်လေးများ ချထားသလို။ ကမ်းစပ်ကိုကျော်ပြီး မြေပြင်ကိုမြင်ရချိန်မှာလည်း စိမ်းညို့သော တောတန်း တောင်တန်းများနှင့် ၎င်းတို့ကြားမှ ဖြတ်သန်းစီးဆင်းနေသော မြေဆီသြဇာကြွယ်ဝသော မြစ်ချောင်းများ၏ အလှသည် စာဖွဲ့၍မကုန်နိုင်လောက်အောင်ပင်။
YOU ARE READING
ဆူး
Romance(Unicode & Zawgyi) သူက ကျွန်တော့်ရဲ့ နှလုံးသားမှာ စိုက်ဝင်နေတဲ့.....ဆူး.....။
Part 37
Start from the beginning
