ဆူး

Part 37

သူ့စိတ်ထဲမှာ ဖခင်ဖြစ်သူကို မသိစိတ်နဲ့ အပြစ်တင်နေမိတာလည်း ပါ ပါလိမ့်မည်။ ဖေဖေ့အနေနဲ့ မေမေ့ကိုသာ ဒီထက်ပိုပြီး ဂရုစိုက်ခဲ့လျှင်၊ မိသားစုအပေါ် တာဝန်ပိုကျေခဲ့လျှင်ဆိုသည့် အတွေးများနှင့် သူ နာကြည်းနေခဲ့သည်ပဲဖြစ်သည်။ အခုတော့ သူ့မျက်စိရှေ့မှ ဇရာရိပ်သန်းနေသော ဖခင်ကို အပြစ်တင်လိုစိတ် မရှိတော့။

"သားလည်းပင်ပန်းနေပြီ။"

ခပ်တိုးတိုးပြောသော ဖခင်၏စကားသံသည် ကွဲအက်တုန်ရီနေသည်။ ဒီမိုးယံ ခေါင်းခါရင်း ဖခင်ဖြစ်သူ၏ လက်များကို အုပ်ကိုင်လိုက်သည်။

"ဖေဖေသာ ကျွန်တော်တို့အတွက် အများကြီးပင်ပန်းခဲ့တာပါဗျာ။"

တကယ်တော့ ဖေဖေသည်လည်း မေမေ့အတွက် အကောင်းဆုံး အဖော်မွန်တစ်ယောက်ဖြစ်ခဲ့သည်။ စည်းစိမ်ဥစ္စာချမ်းသာစွာ မပေးနိုင်ခဲ့ပေမယ့် နွေးထွေးသောမေတ္တာကို ပေးခဲ့သည်။ အချိန်တန်လျှင် အရက်ကို အဖော်ပြုပေမယ့် မူးယစ်ရိုင်းစိုင်းခြင်းမျိုး မရှိခဲ့။ ဖေဖေ့ကြောင့် မေမေစိတ်ဆင်းရဲ ငိုကြွေးခဲ့ရသည်လည်း မရှိခဲ့။ အပြုံးနွေးနွေးများနှင့် ခွင့်လွှတ်တတ်သည့် မေမေသည် ဖေဖေ့ကိုတစ်ခါမှ အပြစ်မတင်ခဲ့ပါလျှင် သူကရော ဘာများပြောခွင့်ရှိမှာလဲနော်။ ဒီမိုးယံ ခေါင်းကိုကုတ်ရင်း အရှက်ပြေရယ်လိုက်သည်။

"ကျွန်တော်လေ စကားကိုနားထောင်ကောင်းအောင် မပြောတတ်ဘူး ဖေဖေရာ။ ပြောချင်တာတွေတော့ အများကြီးပဲ။ ဟီး။ ဖေဖေနဲ့မေမေရဲ့ သားဖြစ်ခွင့်ရတာ ကျွန်တော် ကံကောင်းတယ်လို့ အခုနောက်ပိုင်း အမြဲစဉ်းစားဖြစ်တယ်။ သိလားဖေဖေ။"

သူ့စကားကို ဖေဖေကြားရဲ့လားလို့ လှမ်းကြည့်တော့ေ၀၀ါးသောအပြုံးကိုတွေ့ရသည်။

"ဖေဖေ။ ကျွန်တော်ပြောတာ ကြားရဲ့လား။"

တဖြည်းဖြည်းေ၀၀ါးလာနေသော မြင်ကွင်းကြောင့် သူ ကြိုးစားကာ နောက်တစ်ကြိမ် ပြောဖြစ်သည်။ ဒါပေမယ့် ဘာ့ကြောင့်ရယ်မသိ။ သူ လျှာတွေက လေးလံလွန်းနေသလိုလို၊ သူ့မျက်တောင်များက လေးလံလွန်းနေသလိုလိုနှင့် တစ်ကိုယ်လုံး ပင်ပန်းနွမ်းလျသလို ခံစားနေရသည်။