سندريلا عراقيه❤️

بارت الرابع

فهو انتبه..ورخه ايده وبعدين هد..ايدي وضل يباوع مكان اصابعه صار احمروكال::

صدوك..اني ليش لازم ايدج اكيد وجعتج آسف..حنة؟

ولا يهمك..يجوز دايخ وممنتبه..عادي تصير!!

وشفته يمسح كصته جان عركان رغم الجو حلو وموحاروسمعته يكول:

شنورأيج بميساء؟؟

مبينه خوش..بنية ربي يسعدكم؟؟

قصدي شنو رأيج اني وهي متوالمين؟؟

والله همام اني ما اعرف بهاي الامور..بس تريد الصدوك انت احلى منها؟؟

اهاااا هيج تشوفين ..يعني..اني استاهل..وحدة احلى منها؟؟

ولو الجمال مو كولشي ..بس حتى البنات سمعتهن يكولن العريس احلى من العروس..بس ولا يهمك همام..مبينه خوش بنية وراح تسعدك..معليك بحجي الناس..

بس..حنين..اني...اني..

انت شنو همام..شبيك بعد اختك..شو احسك ممرتاح؟؟

هاا..لاماكو..شي..ماكو شي..حنة..روحي..روحي نامي..

همام:::

طلعت حنين بقيت كاعد وحدي...اوف..شلون عذاب..شلون قهر حتى ما اكدر احجي وياها..لساني ينعكد..هسه شأكولها بالله اكولها سطرتيني سطر..اكولها ما اريد ميساء واريدج انتي..شكولها..ربي ساعدني..صدوك ملخت كلبي..بت الاوادم يربي شلون تباوع بعيوني فديت عيونها السود المكحلة ..فديت الشفايف..لزمت ايدها بس حسيت روحي ردت الي..لزمت ايدها حسيت كلبها راح يوكف..حقها محد لازم ايدها شلون رجفت شلون نبضها..يدوك بقوة جوه ايدي.. استحت وخدودها صارن طماطة لعد اذا شبكتها..وضميتها لكلبي شراح يصير بيها..يمكن تذوب بايدي..ويمكن من حركة كلبي اشبكها واكسر عظامها..بشبكتي..استغفر..الله..استففر الله شهالتفكير راح اتخبل..وحق رسول الله

من جهة ما اريد العب بمشاعرها خطية تسميني اخوية..ومن جهة اريدها..والله اريدها بالحلال..شلون بيه شسوي؟هسه زين اذا صارحتها
راح تصدك وتتفهم لو راح تكول عني مخبل..

خليت راسي ع المخدة مدري شلون نمت

ثاني يوم امي تلح تكول :

روح على بيت اهل ميساء لازم تتواصل وياهم
وبقيت اروحلهم بين يوم ويوم عشر دقايق واطلع من يمها..بالي..مو يمها..ولا اريدها..كلبي معلك بحنين..حتى من انام كمت اتحلم..بيها..وهي تتصرف وياي عادي..محاسة بالنارالي بكلبي الها..ورة اسبوع من العقد توفت..خالتي الجبيرة بصراحة كيفت لان الزواج راح يتأجل..وراح تصير عندي فرصة  اتقرب من حنين واصارحها..بس من صارت الفاتحة وراحن النسوان...امي اخذتها وياها حتى تساعدهم..حيل ضجت..خالتي..جانت متزوجة رجال غريب وولدة كلهم شباب اضطريت ابقة بالفاتحة حتى محد يضايق حبيبتي..جانت عيني عليها كل الوقت خطية تشتغل بدون ملل واخواتي كاعدات يم النسوان دخلت للمطبخ لكيتها تغسل مواعين كتلها:

ها..حنة اساعدج بشي؟؟

يااااا شتساعدني روح شعندك بالمطبخ..روح ليشوفك احد يم النسوان؟؟

ضحكت وكتلها:

واذا شافوني..اكلهم يم بت عمي اخاف عليها وانتو غربة؟؟

يااااصدوك تحجي منين تخاف عليه؟؟

ولج كلهم غربة وشباب ..وانتي طالعة تملخين بالنفنوف الاسود؟؟

ههه شبيك همام..لتزعل.اشو انت استهترت ورة العقد؟؟؟

لا اني من زمان مستهتر بس انتي متدرين!!

ضحكتوكالت؛
اكو واحد يكول على روحة مستهتر؟؟

اي..اكو..اني!!

فدوة شلون ضحكتلي ضحكة وفجأة سكتت وكالت:

روح منا همام..ولتضحك سد حلكك هسه يكولون خالته ميته..ويتمضحك؟؟

اي ولج صدوك هسه يشوفوني ولدها ويزعلون يالله راح اروح..بس بداعتي..لاتسولفين..ويه احد من ولد خالتي؟؟

دروح..حباب ..روح شلكيتني اسولف ويه الولد..اصلا كولهم جكمان..غمان؟؟

هااا يعني لو جانو حلوين تحجين وياهم عادي؟؟

اي طبعا..هسه مو.دا احجي وياك..لان انت حليو..

خرب يومج شكد لوتية..تعرفين شلون

تسكتيني..

وعفتها وطلعت..شكد فرحان لان ضحكتلي وسولفت وياي عبالك الدنيا زهتلي كولها
ما صدكت..الفاتحة خلصت ورجعنا للبيت..ومرت الايام وطلع اربعين خالتي وخلصنا من الروحة والرجعة ع بيت خالتي..رغم اني مفاتح وياها موضوع بس مرتاح لان  اسولف واضحك وياها..اوف حياتي تغيرت والابتسامة متفارك وجهي والناس عبالهم فرحان بميساء وبالعقد ميدرون النار البكلبي..شلونها..

جنت كاعد بغرفتي وسمعت امي تصيح ع حنين:

ولج حنين بدلي ملابسج لبسي هذا النفنوف ورتبي شعرج النسوان راح يجن يشوفنج

طار كلبي قلقت وطلعت من الغرفة:

شكو يمة شبيج تصيحين يانسوان الراح يجن على حنين؟؟

يمة نسوان شافنها بالفاتحة وعجبتهن ويردن يخطبنها ؟؟

عقلي وكف واختنكت:

يانسوان يمه..اشو ما عدنا علم بالموضوع..شنو تريدين تزوجين حنين سكتاوي؟؟

يمة شبيك اكلتني شنو ازوجها سكتاوي اليوم النسوان يجن يشوفنها..يعني اليوم بس حجي نسوان..ومن نتفق يصير حجي الزلم..غير هيج الاصول لولا؟؟

بس..بس يمه حنين بعدها زغيرة..غير تتزوج ميادة بالاول:

ميادة تدرس..وحنين موزغيرة عمرها20سنه خلي تتزوج وتشوف نصيبها احسن ما ضالة على كلوبنا

ضاله على كلوبنا شنو يمه البنية شايلتنا على راسها..

يمه..مصيرها تتزوج واني ما اريد اضل مكابلة بت عفاف طول عمري!!!