رواية أعترف مجنون في حبك رغم عقلي الكبير / الكاتبة : أوراق خريفية ، كاملة

البارت العاشر

وينك
انجرح صوتي وانا انادي عليك
يعني ماهمك عذابي؟؟
وإلا مرتاح بغيابي؟؟


بالمزرعه
الساعه ثلاث العصر

بالمسبح المسكر للبنات

طلعت جنى من المسبح ودخلت بالحمامات الداخليه وغسلت ونشفت جسمها ولبست ملابسها اللي يت فيهم وطلعت: بناات منو عندها حمره نفس اللي كنت حاطتها؟؟

ريان ابتسمت وهي تطلع من المسبح بمايوها الاصفر: أنا..تلقين فوق بدارنا..بشنطني الـlv‏ السودا

جنى ابتسمت: اووووك ثانكيووو

أمثال: وااي بنات الساعه ثلاث وانا مت من اليوووع

روعه طلعت من الحمام لابسه جينزها البرمودا وبلوزتها الحمرا وشعرها مبلل ونازل : ئي والله انا حدي ميته من اليووع

ورود : خلااص نطلع كلنا نبدل ونشوف شنو طابخين؟؟

اتفقوا كل البنات على هالشي وطلعوا من المسبح تنشفوا وبدلوا وراحو لامهاتهم يشوفون الغدا


.....

فوق بجناح الشباب
وبالتحديد بغرفة مساعد وزياد

زياد دخل عشان يبدل وينام لانه حده نعسااان..وما يبي غدا

ما انتبه لوجود كارلا واخذ له بيجامه خضرا برمادي ودخل الحمام..لبس وطلع منزل ويهه ويحرك شعره بأصابعه..وصل للسرير وتوه رفع اللحاف بيتمدد وتفأجا بالنعوومه اللي نايمه

زياد بصدمه واهو يتلفت ويشوف ان هااذا مو سريره: اوووف هااذا فراش سعيدان..بس ليش كارلا نايمه اهني؟؟ غريبه..بس ليش جذي معقده حواجبها شكلها تعبانه او مو مرتاحه بنومهاا

وبدون شعور لقى نفسه يتأملها وعلى هالوضع دخل فيصل وشافه

فيصل بضحك: هييييي تراك مو خالها مثل ياروووو لا تقعد تخز هههههههههههه

زياد ما يدري ليش هالكلمه حركت شعوره وضحك واهو يروح لفراشه ويطرد هالافكار: ههههههههههههه جبببب انتوا اللي منومينها هني..ييت بنام واخترعت

فيصل ضحك ويا لأخته وشالها وطلع فيها واهي مو حاسه فيه: هههههههه انزين اسفين عمي حقك علينا ما نعدينها مره ثانيه

زياد بقهر: لو اني مو نعسان جان قمت وعلمتك اشلوون تتطنز

فيصل ضحك واهو بالممر: هههههههههههههه
نام نااام


زياد ابتسم وظل يتقلب بفراشه بمحاوله للنوم لكن النوم طار من عينه واهو يتذكر صورة كارلا من شووي لحد ما تعب وغفى بدون ما يحس


......

وبجناح البناات


جنى دخلت وطلعت الحمرا البرتقاليه الفاقعه من شنطة ريان وراحت تعدل مكياجها..عدلت الكحل والماسكرا وزادت البلاشر البرتقالي الخفيف وحطت الحمرا البرتقاليه وتعطرت..ويابت الاستشوار تنشف شعرها فيه ع السريع بالهوا بس

واهي جذي ما حست بدخول فيصل اللي يا حط كارلا بأول فراش شافه وانصدم بوجودها واهي مو حاسه فيه..قزها قز(اوووف هااذي كلش مو حاسه..بس قطعه قطعه..الله ياخذك رئوود على هالحظ) تركها وطلع واهو يضحك على نفسه..


وبالصدفه شاف رائد عالدري بيصعد وراح له طيران

فيصل بحماس : رئووود ألحق الحب بروحها بجناح البنات

رائد فج عيونه: احلففففففففف

فيصل ضحك: هههههههه والله العظيم روح بسرعه وانا بصفر لك إذا يوا

رائد تحمس: فديتك انا

فيصل ضحك: هههههه لا تتفدى بس ريموووه

رائد انصدم : حتى انت

فيصل يضحك: هههههههه روح الحين رووح ويعدين نتفاهم

رائد ضحك وراح عنه بسرعه لجناح البنات وكان عباره عن غرفة نوووووووووووم واسعه حيللللللللللللللل وفيها خمس سراير كباااار وبلازما وفيديو وديفيدي وبلكونه فيه قعده بنات طاولات وكراسي وشرحه وايد

لكن اللي ذوب قلبه..الجمال اللي واقف يستشور شعره ويغني واهو مغمض عيووونه..

ظل جذي ثوواني وبعدها يت بباله فكره عشان يشوفها بدون ما تحس انه قاصدها..وبسرعه طلع من الجناح ووقف يم الباب واول ما حسها بتطلع وقربت من الباب سوا نفسه ياي ينادي على غرام: غرااام غراموووووو....احححح

جنى طلعت وما لقت نفسها الا بحضنه ويا راسها بصدره وتعورت: احححححح عمي انت ما تشوووو(وانصدمت وبلعت ريجها) أنت؟؟

رائد وده يضحك عليها وعلى شكلها واهي مصدومه ومبتسم بداخله لكنه يمثل انه متفأجى: أنتي؟؟

جنى بعد ما استوعبت بعدت عنه وهي ماسكه راسها: سوري بس ما انتبهت لك

رائد ابتسم: لاا عادي انا اللي اسف بس كنت ياي ادور عن غراموه اختي ما شفيتها

جنى بصدمه: الحين تغريد وغرام وشوق خواتك!!

رائد ابتسم: ئي شفيج متفأجاه؟؟

جنى ارتبكت: هااا..لا ولا شي بس مستغربه الصدفه امس دعمتك بالممشى واليوم تطلع اخو رفيجاتي..

رائد يسحب حجي: اممم بس انا ولا مره شفتج ييتي بيتنا

جنى ابتسمت: لاا انا رفيجة ريماس واهي عرفتني عالبنات..

رائد : اها اوكي فرصه سعيده يا....

جنى بحرج: جنى

رائد ابتسم: وانا رائد..فرصه سعيده مره ثانيه والحين عن اذنج بروح قبل ما يشوفنا ومو حلوه بحقج ولا بحقي

طبعا اهوه وده يظل معاها بس قال هالشي عشان يكبر بعينها وما يحسسها انه مغازلجي وعينه زايغه..ومشى

جنى توها تستوعب الموقف اللي صار..ابتسمت وهي تسترجع كلامه وتضحك على نفسها: واااي يزوغ القلب..يهبلللللللل يهبللل ههههههههههاي الحمدلله والشكر..شفيني انا مو صج اي شي ههههههههههه

وراحت للبنات واهي فرحانه بس لما شافتهم يتغدووون ورق عنب ومحاشي مع معكرونه بشاميل وسالت سعابيلها من اليوع وقعدت تتغدى معاهم ونست رائد وطوايفه ههههههههههه

أما ريما كانت تتغدى واهي متضايقه لانها طبت المسبح بدون ما تهتم بجرحها والحين زاد عليهاا وتحس ريلها مورمه..كلت بسرعه وقامت

ام مشاري: وين كملي اكلج؟؟

روعه وهي طايحه بورق العنب: وين ريموووه قعدي اكلي الامتحانات خذت عافيتج..

ريما تبتسم مجامله: الحمدلله شبعت..بروح انام ما نمت عدل امس..

راحت عنهم وهي تحاول ما تعرج بمشيتها
..دخلت الجناح وشافت كارلا نايمه..راحت قعدت يمها بعد ما يابت شاش ومعقم وبلاستر من الحمام..شالت الشاش القديم وانصدمت من الورم وخذت قطنه وحطت فيها شوية معقم وبدت تنظف جروحها : ااااااااااه..

كتمت صوتها غصب ونظفت الجرح بسرعه ولفت الشاش

دخل فيصل مستعيل ويطالع الارض: وينه..اكيد طاح مني هني..افففففف الحين ويـ..
(وانصدم بوجودها وبلع ريجه بقوه واهو يشوفها ببرمودا جينز وبدي ابيض من دكني بس انكسر قلبه لما شافها تنظف الجرح) ريمااااااا

ريما عصبت بويهه من الالم: شفت شسويت..دخلت المسبح وريلي ورمت بسبة الجرح اللي سويته حضرتك!!

فيصل ابتسم: آسف ريمووووه قتلج من امس مو قصدي بس انتي بعد غلطانه الله يهداج..جرحج يديد وطابه المسبح

ريما استحت من طيبته وتفشلت من نفسها..وبسرعه حطت البلاستر وقامت: سوري فيصل مو قصدي اعصب عليك بس والله من العوار

فيصل بدون شعور قرب منها ومسك ايدها وباسها: تمونين قلبوووو..المهم ما شفتي فوني طيحته هني وانا اييب كارلا

ريما طارت عيونها ودقات قلبها من جرأته وخلته وركضت للحمام بدون شعور وقفلت الباب

اما فيصل ضحك عليها وعلى نفسه واخذ فونه من الارض وطلع واهو مستانس انه ضيع فونه عشان يشوفها


بالحمام

ريما تطالع نفسها بالمرايه: واااي شنوو هااذا؟؟ جريء وااايد..شنوو تمونين قلبووو..لا وامس داق بنص الليل يتطمن علي واليوم يبوس ايدي ويقرب مني..واي لا لاا مو فيصل مو فيصل..كل العايله تدري انه مغازلجي..معقوله يكون يلعب بمشاعري..بس لاا انا بنت عمه..عااتي يمكن بس فريندز مو شرط يحبني..

ابتسمت لنفسها وطلعت من الحمام وهي مو مهتمه للي صار وايد وراحت انسدحت بفراشها ونامت..


*

*

*


روما
الساعه عشر ونص بالليل

فتحت يارا عيونها وهي تحس براسها ذابحها من الصداع..شافت نفسها اشلون نامت عالارض بدون ما تحس ولمت شعرها بضيق وقامت دخلت الحمام وخذت شاور بارد ومسحت المكياج اللي لعب بويهها من الدموع..طلعت ولبست بيجامه ناعمه من فكتوريا سكريت لونه سلفر قميص علاق وبنطلون

تعطرت وراحت بطلت الباب وما شافت احد لا بالمطبخ ولا بالصاله

يارا بشهقه وهي تشوف الساعه: هئئئئئئئئئ امبيه الحين انا نمت كل هالوقت..اااه ياراسي بيفجر

رجعت داخل ويابت لبس الصلاه والسياده وخذت مخده وطلعت للصاله..طلت الصلوات اللي طافتها واستغفرت ربها وبعدين قامت وصفطتهم وحطت مخدتها عالقنفه وتمددت عليهاا واول ما غمضت عيونها تبطل الباب
كان ودها تشوفه..تلمحه..كانت مشتاقتله..مشتاقه لحضنه..وريحة عطره وانفاسه بس مسكت نفسهاا

مشاري اول ما دخل كان متضايق ونفسه بخشمه من العصبيه وصاكه بويهه الدنيا واول ما شافها ارتاح..كان خايف عليها طول الوقت اللي فات تكون حابسه نفسها بالدار
راح لها وقعد عندها عالارض يتأملها وهي نايمه ويتحسس خدها المورم وصاير فيه كدمه زرقا كبيره ومتيمع فيها الدم..انقهر من غبائه ما لقى الا يعطيها طراق..زفر: افففف

قام بسرعه دخل الحمام وخذاله شاوور بارد وسريع وطلع ولبس اول بيجامه شافها وكانت عنابيه..سرح شعره وتعطر وطلع للمطبخ..ياب ثلج وشاش وراح لها..قعد عندها ولف الثلج بالشاش وبدا يكمدها عشان يخف الورم

يارا اللي كانت حاسه فيه من الاول..شهقت اول ما حست بالبروده ودمعت عيونها لا شعوريا

مشاري شاف دموعها وعرف انها قاعده وتحس فيه..ومسك ايدها وباس باطن كفها: يارا حبيبتي

يارا فتحت عيونها هاللحظه وتعدلت وصارت جباله بالضبط وما يفصل بينهم الا انفاسهم: لاا تقول حبيبتي..لأن الحب ما يأذي اللي يحبه ويشوهه بهالطريقه

قالتها وقربت منه وباست شفايفه بنعومه وقامت عنه وخذت مخدتها معااها ودخلت الغرفة وانسدحت بفراشها بتنام

مشاري ظل مصدوم بمكانه وكلامها يرن بأذونه..هااذي مو يارا البرئيه..هااذي لبوه مجروحه..وقف وراح وراها..اخذ مخدته وشرشف وراح انسدح بالصاله بالمكان اللي كانت فيه ونام واهو يشم ريحتها عطرها بالمكان

اما يارا ظلت طول الليل تتقلب بمكانها ومو يايها نووم..اخر شي قامت طلعت للبلكونه وظلت تعد نجوم السما وروعتهاا

*

*

*

بالمزرعه
الساعه تسعه ونص بالليل


بجناح البنااااات

فتحت كارلا عيونها بضيق..غمضت مره ثانيه وهي تحاول تستوعب اللي صار..تذكرت ان مساعد عطاها ابره وقامت وهي تشوف الساعه وشهقت: هئئئئئئئ نمت كل هالوقت
معقوله محد قعدني
راحت الحمام غسلت ويهها وتروشت عالسريع وطلعت ودهنت جسمها بلوشن بريحة المسك والورد وبعدين لبست سكيني جينز ابيض وتوب احمر كت عليه علامة دكني بالاسود بالوسط وفوقه قميص اسود قصير ينربط لتحت الصدر وكمومه وسط..تعطرت وراحت صلت صلواتها اللي طافتهاا وقعدت تستغفر خمس دقايق بعدين قامت وقبل ما تطلع حطت كحل وماسكرا وغلوس احمر ناعم وفلات اسود ناعم ونزلت تحت..

مرت عالصاله والمجالس الداخليه والمطابخ وما لقت احد..استغربت وطلعت للحديقه ولقتهم حاطين طاوله طعام عند النافوووره وعليها اشهى انواع الاكل والعصاير والمقبلات مقصها بطنها من اليوع وابتسمت ابتسامه هاديه وهي تروح لهم : مسااء الخير

الكل بصوت واحد : مساء النووور

ابوعبدالمجيد: وينج أنتي من اليوم ما شفتج؟؟
كارلا ابتسمت لأبوها : ولا شي بابا كنت دايخه شوي ونايمه..(وطالعت البنات)ليش ما قعدوتني لهلوقت؟؟

ريما ابتسمت وهي تلذذ بالورق العنب اللي بشوكتها: اممم انا كنت نايمه معاج بس قعدت وقلت اكيد بتقعد وراي

ام عبدالمجيد بطيبه: خلااص الحين خلي عنج هاالحجي وتعالي تعشي..

كارلا ابتسمت: آوك ماما

ام عبدالمجيد ابتسمت لها..من يات وهي تحسها وحده من بناتها وعمرها ما فرقتها عنهم وكملت اكلها بهدوء

كارلا راحت عند فيصل اللي قاعد يمه مساعد وبكل ثقه: قوووووم

فيصل رفع حاجب: نعممممم ما سمعت

كارلا بابتسامه هاديه: قوووم بقعد مكانك

فيصل ضحك ورجع ياكل: روحي زيننننننن هههههههههه

مساعد ابتسم : خلااص قووووم عنهاا (وبهمس)يمكن منحرجه من خوالك

*لأن المكان الوحيد اللي كان فاضي بين زياد وضاري

فيصل ابتسم وقام عنهاا : تعالي يالدلوعه..

ام عبدالمجيد: وين كمل اكلك؟؟

فيصل ضحك: ههههههه من قالج اني خلصت بس دلوعتج تبي تقعد بمكاني..

كارلا طلعت له لسانها بطفوله: امممم

الكل ما عدا زياد : هههههههههههههههههههههه


فيصل عطاه كوع: هييييي وين سرحان؟؟

زياد ابتسم وكمل اكله: ولا شي..

فيصل غمز له: ئي هييييييييييييييييييييييييين.. صدقتك

زياد طنشه وكمل اكله وهو يحاول ما يشغل باله بشي..


أما راكان وأمثال طول القعده يطالعون بعض بنظرات حب وما دارين بالدنيا كلهاا

راكان بهمس: اااه بس ما ادري متى يمرون هالشهرين واشوفج بحضني على طول

أمثال حمر ويهها: وااي بيبي اسكت لحد يسمعنا

راكان ضحك واخذ قطعة ستيك وحطها بحلجها: ههههههه انزين هاج من ايدي

امثال بحرج خذتها: تسلم بعد عمري

شوق ما قدرت تسكت : هييييي يالاخو تراكم مو قاعدين بروحكم معاكم بنات وعواااايل

الكل: ههههههههههههههههههههههههههههههههه

راكان ضحك: هههههههه وأنتي من حرق خبزتج..الكل شايف ساكت انتي شكوو؟؟

شوق بقهر : يااخي هم ما يستحون بكيفهم اما انا بنيه استحي تبي تغازل خذ مرتك وروح بعيد عناا

ام عبداللطيف: هههههه عيب يابنت اسكتي..

روعه : هههههههههه خليها عمه والله كان كلامها واقف ببلعومي

راكان ضحك: هههههههه طلعنا غاثينكم واحنا ما ندري

عبدالله ابتسم: اشوا انك حسيت على دمك

الكل: ههههههههههههههههههههههههههههههه


جنى طول الوقت سرحانه باللي صار لها مع رائد..معقوله تشوفه امس صدفه بالممشى واليوم تكتشف بالصدفه انه اخو رفيجاتها..او بالاصح البنات اللي تعرفت عليهم وصاروا رفيجاتها

ريماس: هيييي جنوو جنوو وين سرحانه انتي بعد..شحقه ما تاكلين؟؟

جنى صحت من افكارها: هاااا لاا بس كنت افكر ان الوقت تاخر ولازم ارجع لبيتنا

ريماس طلعت عيونها: شنوووو شنوووو؟؟

ام عبدالمجيد اخترعت من شهقتها: بسمله شفيج انتي صبيتي قلوبنا

ريماس بسرعه: يماا شوفي جنوو تقول بترد بيت اهلهاا

حنى بحرج لأن الكل انتبه لها: اممم انا قايله لأمي وابوي اني برد بالليل..بيقعدون يحاتوني..

ام عبدالمجيد : ميخالف يما البنات مستانسين معاج دقي على امج وقوليلها انج بتباتين عندنا الليله

ريماس: ئي وبعدين انا ما اقدر اسوق هالحزه

ام عبداللطيف: ليش انتي ما عندج اخوان

جنى ابتسمت: لاا خالتي انا وحيدة امي وابوي وما عندي اخوان ولا خوات

ام مشاري: عيل وين رايحه خليج الليله وباجر ردي احنا اصلا قاعدين يومين بس

جنى استسلمت: خلااص اللي تشوفونه..

ريماس بحماس: يسسسسسسس

الكل: ههههههههههههههههههههههههههههههههه


اما رائد فكان بعالم ثاني..عالم فيه اهو وجنى وبس..


وبعد العشى قاموا الحريم والرياييل يغسلون ايدينهم
والشباب الكبار..عبدالمجيد وزياد وضاري وعبداللطيف وفايز راحو الديوانيه يلعبون دوري كرة قدم وبلوت
اما فيصل ورائد وعبدالله وراكان راحو مع بعض يتمشوووون
والبنات كلهم قاموا مع بعض يكملون لعبهم وسوالفهم

ومر الوقت وراح كله بالسوالف واللعب والضحك والوقت الحلو والقعده على الافلام واخر شي ناموا كلهم مع بعض تحت نسمات هوا التكييف البارد


*

*

*