رواية أعترف مجنون في حبك رغم عقلي الكبير / الكاتبة : أوراق خريفية ، كاملة

الجزء الخامس

في فيلا أبو مشاري..
الساعه اثناعش الا ربع..

بغرفة مشاري..
دخل ووراه يارا..حط شنطتهاا وابتسم لهاا..الكل انصدم وعارضه..أمه وخواته تفاجوا من قراره السريع وترجوه يسون له عرس ويفرحون فيه بس اهو اقنعهم بطريقته اللي محد يقدر يجاريه فيها..حتى عبدالمجيد وقف بويهه بشده واحتدت أصواتهم لكنه بالنهايه اقتنع لما قاله أنه يبيها وبياخذها شهر عسل وإذا ردوا بيسوي لها حفل استقبال: تفضلي يازوجتي العزيزه..


يارا تدري أنه يتطنز..بس اهي الحين مجروحه..مكسوره..ما تصورت أنها بتيي له بهالطريقه اللي تحسسها بالذل وجنها مسويه فضيحه وبيسترونهاا بسرعه بسرعه ولا خطر ببالها أن أخوانها وأمها اللي ربتها بيرخصون فيها بهالشكل..ومالها خلق تجادله فدخلت بكل برووووووووووود وقعدت على طرف السرير..

مشاري حاس بشعورها بهاللحظه..بس اهي اللي يابته حق نفسهاا..قفل الباب ورجع لهاا..وقف عند الكوميدنه ونزع غترته وعقاله وبطل ازاراير دشداشته: مصدومه صح؟؟ ما توقعتي أن اسوي اللي ابيه..
(وانحنى لها ومسك ويهها بيدينه)لكن لازم تعرفين أني ما اقول كلمه الا انفذها لو فيها موووتي..

يارا تحاول بالباقي من قوتهاا..دزت ايده بقووه وطالعته بنظرات حاقده: لا مو صح..للحين ما سويت اللي قلته..صج يبتني لبيتك بس مستحيل اخليك تجيس شعره مني ولو فيهاا موتي سمعت ياازوجي العزيز..

مشاري ما تحمل كلامها وعطاها طراق حااار طيحهاا عالسرير وانحنى لهاا وثبت ايدينهاا وبدا يفتح ازارير قميصها: الحين نشووف اشلوون تقدرين تمنعيني عن حقي..

يارا بخوف وصراخ وهي تهز راسها بعنف وتحاول تبعده وتشمخه بأظافرها بس ما قدرت: وخر عني وخررررررر..مابيك تلمسني وخررررر..وخررررررررررر
..وخر...لااااا لااااااا لاااااااااااااااااااااااااااااااااااااااا


...........

وبنفس الفيلاا..لكن بغرفة أمثال..

طلعت من الحمام لابسه روبها بعد ما خذت شاور طويل ترتاح فيه من التعب وشافت خواتها وابتسمت: أنتو هني؟؟

روعه وريماا : لاا هناك ههههههههههههههه

أمثال رفعت حاجب: هه هه هه سخافه وما تضحك..طلعوا يلا لاني ببدل وبنطر مكالمه من ركووني حبيبي

ريماا ضحكت: هههههههه وصار ركوني بعد..

روعه بضحك: ههههههههه محنا طالعين الا لما نعرف شصار بينكم

ريما بسرعه: وبالتفاصيل الممله لو سمحتي..وااااي والله مو مصدقه أنج تزوجتي..لا ولا مشاري اشلون قال أنه بياخذ يارا وما يبي عرس صج انصدمت بس وناسه بتيي عندنا ياروو على طوووووول..يعني بشوفها بالمدرسه وبالبيت..واااااااااااااااااااااااو



أمثال ضحكت: ههههههههههه انزين عيل سمعوا

وبدت تقولهم شصار معاها وروعه وريما مبطلين عيونهم عالآخر..

...........

نرجع لغرفة مشاري..
وبعد ساعتين من العذاب النفسي والجسدي


مشاري قاعد على طرف السرير ومعطيها ظهره العاري ومدخل راسه بين ايدينه

يارا منسدحه بالفراش وشاده الكمبل لجسمها وميته من البجي وهي تشوف ملابسها المقططه: ليش سوويت جذي ليشششش حرااام عليك مابيك موو غصب..

مشاري انجرح من رفضها له..وحس بتأنيب ضمير والتفت لها ومسك ايدها: يارا..أنا آسف..والله ما كنت حاط ببالي شي من اللي صار بس أنتي حديتيني أسوي اللي سويته..انسي اللي صار وخلينا نفتح صفحه يديده

يارا بصراخ ودموعها تنزل: بعد شنوووو؟؟ بعد ما اغتصبتني وخذت اللي تبيه

مشاري من بين اسنانه: اتوقع هاااذا حقي..أنا زوجج..اخذه برضاج أو غصبا عنج..الشرع محلل لي هالشي..

يارا بحرقه: انزين قوووم عني قوووووم..خلااص مو خذت اللي تبيه شتبي فيني الحين >>وغطت ويهها بالكمبل

مشاري تنهد بضيق..كسرت خاطره..بس اهي اللي يابته لنفسها..تركهاا وقام دخل الحمام يتسبح..


طلع بعد ربع ساعه تقريبا وشافها على نفس وضعها بس ما سمع صوتها شكلها نامت من التعب..راح ولبس بنطلون بيجامه حرير بيج وترك قميصه مفتوح وتعطر ومشط شعره..صلى ركعتين ودعا لربه يوفقه ويسعده ويسخرها له وقرا له صفحتين من البقره وبعدها استغفر ربه وقام لما شاف الساعه ثلاث

طفا الليتات وشغل الابجوره الحمرا والتكييف وراح للفراش..رفع الكمبل وانسدح يمها..كانت نايمه على يمينها ومعطيته ظهرها العاري وخصلات من شعرها الاشقر الحريري مبعثره حولها


مشاري واهو يتنهد ويحاول يغض بصره عنهاا: استغفر الله العظيم..(رفع اصابعه بتهور وصار يلم خصلات شعرها المتمرده ويرجعها ورا أذنها) احبج..


قالها وسند راسه على جتفهاا ونااام..ويارا من التعب ما حست فيه

//صـبــــــــااح يـــووم الـســـــبــــــت//

في فيلا أبوعبدالمجيد
الساعه عشره وربع

وكانوا قاعدين على طاولة الطعام يتريقون


أبوعبدالمجيد: وينها كارلا؟؟

ريان بسرعه: نامت متأخر يبه

أبوعبدالمجيد: زين إذا قعدت قولوا لها تييني

ريان: إن شاء الله يبه..

منتهى: يبه بنروح بيت عمي خالد اليوم

راكان ابتسم وطالع أبوه بلهفه: توني ياي بسأل..


أبوعبدالمجيد ابتسم: ئي بنروح..نسيت أقولكم خالد عزمنا عالغدى اليوم..جهزوا نفسكم بعد صلاة الظهر بنمشي

عبدالمجيد: والشركه يبه..

أبوعبدالمجيد : والله مالي خلقها..روح أنت وشوف شنو البريد المستعيل ووقعه..

عبدالمجيد ابتسم: إن شاء الله..

ورود : انزين مساعد بنروح السوووق

مساعد: السوق ليش بعد؟؟

ورود: بشتري هدايا وأغراض حق يارا حرام ما جهزت شي

مساعد ابتسم(ياترى شصار وياك يامشاري):خلااص عيل بعد الريوق بنمشي..

فيصل: بروح وياكم

ريماس ضحكت: ههههههههه ئي حق القز والمغازل مو لله

الكل: هههههههههههههههههههههههههههههههه

أم عبدالمجيد : زين روحوا بس مو تطولون عشان ما نتأخر على بيت عمكم

ورود ابتسمت: اممم يعني ساعتين بالكثير..


*

*

*


في فيلاا أبو عبداللطيف
نفس الوقت..

شوق بالحديقه تسقي الزرع وتلعب بخصلات شعرها الموفي : صباح الصباح فتاح ياعليم والجيب مفوش ولا مليم بس المزاج رايق وسليم باب الامل بابك يارحيم

عبدالله بضحكه: هههههههههههه ما شاء الله شعندها فيروز عالصبح

شوق طالعته وضحكت: ههههههههه ولا شي وبعدين متى ييت ما حسيت فيك

عبدالله ضحك: ههههههه من زمان وأنا هني بس حضرتج مشغوله مع الجمهور..الله يعينج

شوق بقهر: جببببب زين

عبدالله مات من الضحك: ههههههههههههههه


غرام قطعت عليهم: شووقو دقت ريانوووه تقول بيروحون السوق يشترون هدايا حق يارا وجذي تيين؟؟

شوق بحماس: السووووق..أكيد بيي..وااااي ونااااسه..

عبدالله ضحك: هههههههه عيل انا انسحب مالي شغل بسوالف الحريم

غرام وشوق مع بعض: نشوووفك لا تزوجت..

عبدالله ضحك: ههههههههههههه شكلكم حاقدين علي من قلب..اروح احسن ههههههه


غرام وشوق ضحكوا ودخلوا يبدلون عشان يروحون ويا بنات عمهم..


شوق : صج تغريد وينها ما بتيي؟؟

غرام: قتلها تقول لأ..مشغوله بتحضير دروسها

شوق ضحكت: هههههههه الله والدروس..كلها روضه..

أم عبداللطيف: صيري مثلها وبعدين تحجي عنها

تغريد باست أمها: فديتج أنا

شوق طلعت عيونها: أنتو هني والله ما حسيت هههههههههه وبعدين ووع مو ناقص الا ادرس يهالو

رائد : ليش حضرة د.شوق وين تبي؟؟

شوق تخصرت: تتطنز؟؟

رائد ضحك: هههههههههههههه مدري عنج..

أم عبداللطيف: المهم روحوا بسرعه ولا تطولون..

في فيلا ابو مشاري..
الساعه احدعش ونص..

بغرفة مشاري..

فتحت عيونهااا بثقل..تحس راسهاا مصدع..دارت نظراتها عالمكان وبسرعه صارت الصور تتدافع بمخهاا وشهقت لما شافت مشاري اشلون نايم يمهاا: هئئئئئئئئئئئئ

مشاري فز من شهقتها..ولما شاف نظراتهاا..تنهد بضيق وبعد الكمبل : صباح الخير

يارا لفت ويهها عنه : ................

مشاري سكت عنها وقام دخل الحمام

قامت يارا بكسل وهي تحس بجسمها يعورها..طاحت عينها على فوطه طايحه عالكرسي..سحبتها ولفت جسمها فيها وقامت..لمت ملابسها المقططه عالارض وحطتهم على الصوفا..

مشاري طلع من الحمام مغسل ويهه وبيده الفوطه ينشف فيها شعره وويهه..وأول ما شافها بفوطته وبلع ريجه: إذا بتروشين دشي..

يارا ما ردت عليه لأنها منحرجه منه..راحت لشنطتها وهي تحس بنظراته تراقبها..طلعت شنطة السباحه حقتهاا ودخلت الحمام

مشاري كان يراقبهاا خطوه بخطوه..بس متضايق على نظرة الحزن بعيونها..سمع فونه يرن وراح يرد: آلوو هلا يماا

أم مشاري بلهفه: هلا يمه..قعدتوا

مشاري ابتسم: ئي يما قعدنا..نبي ريوق من ايدج الحلوه

أم مشاري ابتسمت: تعال أنت بس وييب مرتك وياك..أنا مجهزتلكم الريوق بنفسي..

مشاري ابتسم: يلا دقايق ونازلين..

سكر منها وراح بيلبس..طاحت عينه على السرير وبقع الدم اللي فيه..تنهد وراح لبس دشداشه بيضا مبينه عضلات صدره النافره ومشط شعره وتعطر ولبس غترته وضبط عقاله وأخذ سويجه وبوكه وفونه وكان بيطلع من الغرفه بس تذكر شي ولف..شاف يارا توها طلعت من الحمام ولافه فوطه على جسمها المبلل وشعرها الاشقر اللي يموت بطوله مرفوع كله بفوطه صغيره..(آآه ياعذابي معاج) راح لهاا وابتسم: نعيمااا

يارا نزلت راسهاا بحرج: .........
مشاري ابتسم على حياها: شنوو ما راح تردين
يارا لفت بتمشي: ........
مشاري مسك ايدها بأخر ثانيه: لحظه يارا..لازم نتفاهم
يارا ببرود رفعت عيونها له: على شنوو نتفاهم..اللي تبيه خذته..خلااص روووووح واتركني..
مشاري سحبهاا بقوه لحضنه: لا تختبرين صبري
يارا بنظرات لبوه مجروحه: وأنت لا تختبر طولة بالي..

مشاري اخذ نفس وباس خدهاا: يارا انسي اللي فات..أنتي الحين مرتي وأنا مسؤول عنج..صج مهرج اليوم بحوله بحسابج وبشوف لنا حجز لروما او باريس

يارا قاطعته: لاا تعب نفسك..مابي منك شي..معطينا عطله أسبوعين وبدرس لامتحانات نهاية السنه..العلمي صعب وبييب نسبة..

مشاري من بين اسنانه: وامتحانات السنه تنطر..كلها اسبوع وبنرد..

يارا طالعته بحقد : قتلك مابي منك شي..

مشاري عصب صج..وطلع وصك الباب بقووه: يكوون احسن..


يارا غمضت عيونها بقوه من صوت الباب ونزلت دمعتها المحبوسه..راحت لشنطتها ودورت شي تلبسه..وأخر شي استقرت على نفنوف سكري كت طوله لتحت ركبتها وفوقه جولييه أسود شيفون شفاف وينربط تحت الصدر ببروش ألمااس ناعم
مع صندل اسود بشرايط حرير ربط عالساق..راحت للمرايه وشافت عيونها اشلون مورمه من البجي..وبدت تحط ميك أب تخفي فيه تعبهاا..استشورت شعرها وخلته كيرلي كله ويابته عاليمين وحطت ورده كريستاليه عند أذنهاا ونزلت قذلتها على ويهها..وبعدها حطت شدو أسود كثيف ودمجته مع الذهبي واللحمي وطلع رووووعه على عيونها الزرق..حطت كحل أبيض من داخل عيونها ومن برا كحل سائل لونه اسود طلع عيونها رهيييييييييييبه..ولمسه من الماسكرا اللي طيرت رموشهاا فوق..ضافت بريق البلااشر الخوخي على خدودها وخطت حواجبها بالقلم البني وغلفت شفايفها النديه بالروج الاورنج الفاقع واللي ذاب على شفايفهاا وأخر شي لبست شبكتها الألماس واللي كان فيه فص أسود ناعم مكون من تراجي وخاتم وعقد على رقبتهاا وساعه..تعطرت وتبخرت وشافت دبلتهاا وما كانت بتلبسها بس لبستها عشان محد يشك بشي من أهله

وقبل ما تطلع شالت مفرش السرير ونزلت بداله واحد يديد وفخم ذهبي مع الاف وايت ..فرشته وعطرت السرير ورفعت الستاير وبخرت الغرفه وهي تدور بنظراتها عليه..فخمه وايد..صبغها ورق جدارن أزرق غامج مع الاصفر الفاقع..والستاير باللون الازرق والكبتات والكوميدنه والمرايا كلها باللون الرمادي..مع صوفا باللون الازرق ومعاه خداديات باللون الاصفر والازرق..عطوارت رجاليه وجم مشط عالتسريحه..ابتسمت بخبث وهي تفكر أنها تضيف لمساتها الانثويه على كل الغرفه..

ونزلت تحت للصاله وهي مستحيه من أول لقاء يجمعها بهالبيت كونها مرت ولدهم..

أم مشاري أول ما شافتهاا راحت لها طايره وحضنتها: هلا والله..هلا بمرت ولدي..تعالي تريقي مزهبتلكم الريوق بنفسي..

يارا انحرجت من طييها وشافت البنات روعه وأمثال وعمها وفايز ولد عمها واللي صار حماها الحين..ابتسمت بخجل وراحت لعمها وباست راسه: صبحك الله بالخير ياعمي..

أبومشاري بابتسامه واسعه: هلا والله..صبحج الله بالنوور..اشلونج اليوم عسى ما آذاج مشاري بس..

بهاللحظه مشاري كان قاعد بطاولة الطعام وجدامه اصناف من الريوق..وانتبه معاها وبغى يكح لما شاف كشختها(بتموتني هااذي)

يارا توها تنتبه له ابتسمت له بخبث: لا ياعمي الا مشاري ما اسمحلك تغلط عليه..

فايز ضحك: ههههههههههه اوووه مشاري من قدك صار فيه احد يدافع عنك

مشاري سرح فيهاا وصار يفكر بكلامها وهو مبتسم لهم: عيل شعبالك؟؟

روعه تصفر: اوووووه بدينا عاد من الحين يارووو..

يارا ضحكت بنعومه: هههههههه ئي عندج مانع..

ريما من فوق الدري نطت ببجامتها النوم برمودا سماوي وبلوزه كت: لاااااا أنا عندي مانع..ماااا يصير ياخذج مني مشااريووووه
>>ونطت عليهاا وحضنتهاا
الكل: ههههههههههههههههههههههههههههههههه

يارا ضحكت عليها: هههههههه انزين وخري عني ترى بروح اتريق ميته من اليوووع..

أم مشاري سحبتهاا : ووووي حسبي الله على ابليسكم لهيتوا البنيه عن الاكل..تعالي يما تعالي ما عليج منهم..

يارا ابتسمت لهاا وراحت قعدت غصب عنها يم مشاري معنه ما ودها تقعد بس غصب عنهاا وبدت تاكل بهدوء وبدون ما ترفع عينها له..

روعه تتحرش: يارووو اشلون تقعدين تاكلين بدون ما تصبحين على ريلج موو عيب..

ريما ضحكت: هههههههههه شكوو أنتي..

فايز يضحك: هههههههههه أنا ادري عنهاا..يعني حركه..

أم مشاري: عيب يابنت استحي..

أمثال: ههههههههههه منوو روعه تستحي زين بالعيد

روعه انقهرت منهم وقامت: جبببببببببببببببببببب
زينننننننننننن
الكل: هههههههههههههههههههههههههههههههههه


أبومشاري وقف: فايز يبه روح شوف لنا الديوانيه نظيفه ولا لأ عشان الريااييل بيونا

فايز ابتسم ووقف: إن شاااء الله يبه..

ريماا وقفت: صج عيل بروح البس قبل ما ييون البنات

روعه نطت من مكانها: فيووووز فيووووز نسيت أقولك..شرايك لو تخطب كارلا والله العظيم وناااسه..شي..قطعه..

فايز يجاريها: حلفي يعني احلى من ياارووووو
روعه بحماس: والله العظيم..بس شعرها بني
مشاري تحمحم: احم احم لو سمحت مرتي ماكو مثلها

ريماا وروعه صفروا: اوووووووووووه
ههههههههههههههههههههههههههه
أم مشاري ضحكت: هههههههه بس أنتي وياها خلو الريال ومرته بروحهم وقوموا لبسوا قبل لا ايوون البنات

روعه : انزين فيووز شقلت؟؟

فايز رفع حاجب: ليكون صدقتي..اقوووول بس قلبي ويهج..
ريماا وأمثال : وااااااااااااو فشلوهااااا هههههههههههههه
روعه تفشلت : وأنا اللي من أمس اخطط مالت عليك

فايز ضحك: ههههههههه اغصان الجنه ان شااء الله
أبو مشاري: ههههههه تعال ما عليك منهاا

فايز ضحك وراح مع ابوه للديوانيه والبنات صعدوا فوق يلبسون وأم مشاري راحت المطبخ وتركتهم بروحهم


يارا ومشاري بالصاله بروحهم..

مشاري انحنى وهمس بأذنهاا: اكتشفت أنج ممثله من الطراز الاول

يارا تركت الخبزه من ايدها وهمست ببرود: تبيهم يعرفون ولدهم على حقيقته..

مشاري من بين اسنانه: شقصدج؟؟

يارا بابتسامه بارده: أنت ادرى ياروووحي..

مشاري يحاول ينكر دقات قلبه اللي الحين وصلت المليون ويتظاهر البرود: لاا تخليني أوريج مشاري اشلووون يعصب..صدقيني بتندمين

يارا بهدوء: شفته أمس!!

مشاري عصب منهااا ورفع ايده بيطقها لكن مسكها بأخر لحظه ووقف: الحمدلله..

يارا عصبت من حركته بس تظاهرت بالبرود لما شافت عمتها طلعت ووقفت وراحت له تعدل دشداشته: بالعافيه على قلبك حبيبي..بتروح الديوانيه؟؟

مشاري لمح أمه وعرف انها تمثل وانجن على نعومتها وكلمة حبيبي منهاا وكمل اللعبه معاها وهو يطالعها بخبث: ئي ياقلبي تبين شي؟؟
وانحنى لها وباس خدهااا بنعووووووومه
وهو يرسل لهاا نظرات الخبث

أم مشاري مستانسه على حركاتهم: هههههه ما تبي شي سلامتك بس روووح وفج عنها قبل ما ايوون خواتك وتبتلش وياهم

مشاري ضحك وطلع ويارا كانت بتعض أصابعها من القهر ورجعت قعدت مع عمتها تسولف شوووووي علما ايووون البنااات..

أم مشاري: رتبتي اغراضك ولا تبين اصعد الخدم يرتبونها

يارا ابتسمت: لاا ياعمه أنا برتبها بنفسي بس العصر إذا فضينا من العزيمه..

أم مشاري: زين بكيفج..

ريماا نزلت تركض عالدري وبيدها تنوره سودا مكسره للركبه وبدي أصفر حرير..وبيدها الثانيه نفنوف اورنج علاق عالرقبه: يارووو شنو ألبس هااذي ولا هااذي؟؟

يارا ابتسمت: البسي التنوره والبدي احلى..وحطي ميك اب دخاني وابرزي عيووونج ترى بيطلع عليج حلووو

ريما ارسلت لها بوسه بالهوا: آمووووووواه فديت مرت أخوووووي أناا
..وصعدت دارهاا بنفس السرعه اللي يت فيهاا

أم مشاري ويارا: هههههههههههههههههههههه