امراة غلبها القدر

امراة غلبها القدر الكاتبه هند التميمي

الجزء العاشر قصة
#امراة_غلبها_القدر#
اجوي النضباط جايبين لمة شباب لان اكو اهالي هم ولدهم اهنا مرحليهم من ضمنهم خليل يومه خليل شفته من بعيد نزل من السياره ركضت عليه وهوه يركض واحد حضن الثاني ظلينا مشابكين وبجي بجينا هوه يبجي واني ابجي والناس عافت ولدها ويباعون علينا ويبجون على بجينا يبوس بيدي وبراسي اباوع عليه شعره الاشقر الحلو مزيني وزيانه مركع مو عدل كتله خليل وين عفتني ورحت ليش خليتني بهيج موقف وين راح انطي وجهي كلي حبيبتي انتي زوجتي وميبعدني عنج بس الموت بس هاي ارادت الله رجعنا كعدنا يم امي باسها من راسها واني لازمه ايده وكاعده بصفه صافنه على وجه كلي حبيبتي راح يرحلوني الوحدتي للموصل يومه طلقه وضربها بكلبي كتله ليش شنو السبب هيج لازميك ومسوين بيك كلي لان فرار وهارب من الخدمه من طلعت منج بليل دا امشي وماشوف اله مفرزه مال امن كالولي هويتك طلعتلهم الهويه مالتي وحان يصعدوني بالمنشاة اني وجان اكو هوايه شباب كتله والحل شنو كلي لازم يرحلوني الوحتي ويصعدوني محكمه واشوف الحكم يلا كتله واني شلون شسوي كلي انتي الي مصيرين الغيري ادعيلي الحكم قليل كلي بعد لتجوني اهنا راح يرحلوني باجر تعالولي للموصل وراها جوي الانضباط اخذوهم المكانهم ورجعنا الطريق كوله ابجي اتامل على اسبوع الجاي اروحله شيجيب الاسبوع يخلص الايام اووف ياربي ظليت بالبيت اباوع المكانه فارغ واذاكر ايامنا من جنا نتريك ونتغده ونتعشه سوه وراها يصعد بالسطح ينام اااه ياليل شطولك شيكضي الاسبوع حتى اروحله ظليت بليل بنومي ابجي واون امي كالت لازم انشيل منا راح تتخبل بنتي من ذكرياتها بهذا البيت دورتلنا امي على بيت لكت بالشعب بيت اشترينا وحولنا بي بس خليل ميروح من بالي ولا ذكرياته وكلامه وضحكته متغير شي بيه بس البيت بيتنا الجديد متكون من اربع غرف ثلاثه فوك وحده جوه وهول ومطبخ اني اخذتلي غرفه فوك انفرد بيها حتى انفه عن نفسي بجي ولطم وونين حتى محد يسمعني مره الاسبوع عليه مو اسبوع سنه راحت امي حجزت النا بالقطار ساعه بالسبعه بليل لازم احنا بالمحطه حضرنا غراضنا واكل وشرب جهزنه كلشي طلعنا للمحطه صعدنا القطار كام يمشي واليل كوله يمشي القطار لحد مصبح الصبح اني كاعده انتظر الفجر يطلع حتى اشوف خليل وصلنا المحطه مال الموصل احنا 13 ساعه احنا بالقطار نزلنا بالمحطه ركبنا للكراج دلونا على مقر يجيبون الملزومين من بغداد الها

حبايب. باجر اكمل الاجزاء الباقيه تحياتي للجميع
هاي عشر باردات والبقيه باجر يوميه عشره انزل