امراة غلبها القدر

امراة غلبها القدر الكاتبه هندالتميمي

الجزء التاسع قصة
#امراة_غلبها_القدر#
الكاتبه شغيرك هسه ونسيت اعيوني

ثاني يوم كعدت الفجر رحت على امي كتلها كومي يومه اروح كالت يومه ساعه بالخمسه بالسبع نطلع منا كتلها يومه فدوه كلبي نار مديبرد كومي بين منتريك وبدل ونطلع كامت امي صلت وسوين ريوك اتريكت امي اني مااكلت صارت بالسبعه طلعنا اني وامي للحارثيه رحنا وصلنا هناك شفنا كومه ناس هم جاين على ولدهم كعدنا انتظرنا لحد مصارت الساعه 10 اجت سياره عسكريه بيكم بيها انضباط لابسين زيتوني وبيرياتهم حمر واسلحه شايلين جان يكلونا رحلوهم اليوم الفجر للدوره الواء 39 اني اهنا جمدد بمكاني يعني هم مشفته اويلي يمه شلون اريد خليل اريد اشوفه يمه راح اموت امي كالتلي يومه امشي خلي نرجع للبيت وباجر الصبح نطلع كتلها يمه شيصبرني للصبح شي طفي نار البكلبي شيهدي نفسي فدوه يومه خلي اروح بوجهنا الله يخليج ابجي واحجي ويه امي وامي تبجي على بجي والناس اتباوع علينا يردون بس يعرفون شكو شبينا اجت امريه كالت الامي شبيها الابنيه كالتلها زوجها البارحه بالحنه لزمو الانضباط لطمت المريه كالت يومه الله يساعدها هاي غير صدمه الها الله يكون بعونها اباوع على المريه وبداخلي اكول ياخاله لو تدرين الالبداخلي شنو اصعب من هذا الشي ابجي ودموعي بس تجري رجعنا اني وامي للبيت دخلنا وخواتي وخواني ها بشرو لكيتو امي كالتلهم جان موجود اهنا ومرحلي للدوره بالواء 39 باجر اروحله ان شاءالله طبيت للغرفه لزمت صورته الي طاكيها اني وياه كتله خليل وين عفتني ورحت وخليتني بهيج موقف شلون شراح اسوي اجني خواتي دينا واسراء كعدن يمي يواسني ويهدن بيها كولي يالله الله يفرج عنا لضلين هيج لا اكل ولا شرب اتاذين نفسج كتلهم اشلووون وخليل بالسجن اشلون اكول واشرب وخليل مسجون هم الي نفس اكول اااه يا زمن شكد ظالم صار الغده امي صاحت عليه تعالي اتغدي كتلها ماريد ما اشتهي تركوني بحالي ظليت ابجي لحد ما غفيت المغرب كعدت باوعت الساعه بالثمانيه جريت حسره كلت شيجيب الصبح ياربي مشي الوقت بسرعه اريد اشوف ظيمي ليون راح يوصل اجت امي كالتلي كومي اتعشي صار يومين ماماكله كتلها ماريد يمه خليني ما اشتهي كالتلي اذا اتحبيني وتحبين خليل كومي اكولي كمت ابجي وحضنتها كتلها يومه خليل راح يطلع مو كالتلي ان شاءالله يطلع اذا ماكو عليه شي وتزوجون وصير سوالف كومي يمه اكوليلج لكمه كمت طلعت وياها كعدت يم خواتي واخواني اباوع على المكان خليل الي جان يكعد بي غصيت وبجيت جني خواتي حضنني وبجن كمت عفت العشه ودخلت للغرفه ابجي وادعي الربي يفرج عنه ويسهل امره صار اليل عليه شطوله شيخلصه صار الصبح للصبح كاعده ابجي وادعي صار الصبح كمت كعدت امي كامت صلت وسوينه ريوك كالتلي تعالي اتريكي كتلها ماريد كالت اذا متتريكين ما اروح كتلها يومه الله يخليج والله مالي نفس كالتلي شويه اكولي فكي ريكج صار ثلاثة ايام ماخاله شي بحلكج يلا اكولي حتى اتبدلين ونطلع اتريكت وبدلت وطلعنا اخذنا تكسي للدوره الواء39 وصلنا طبينا امي كالتله للضابط يمه البارحه جابولكم شباب من سجن الحارثيه حولهم اهنا كلها اي خاله اتفظلي كالتله ولد اسمه خليل يوسف سامي دوره بالاسماء كلها اي خاله موجود هسه ادز عليه يجيبو الكم اشوفو