Unicode
" ငါ့အတွက် ဒီနေရာက အကောင်းဆုံးပဲ ဒီနေရာမှာနေရင် ငါစိတ်အမောပြေတယ် ပျော်တယ်။ အရာရာဖြူစင်သွားတယ်လို့ ခံစားရတယ် လွတ်လပ်တယ် ငါ ဒီနေရာလေးကို ဘယ်လောက်တောင် တွယ်တာရသလဲ မင်းသိလား "
ဘုန်းဓနဟာ ဒီနေ့မှာတော့ မိဘအိမ်အလည်ဟုဆိုကာ အာကာ့အိမ်လေးသို့ရောက်နေခြင်းဖြစ်သည်။
" အဲ့ဒီလိုလွတ်လပ်ပျော်ရွှင်မှုတွေကို မင်းကိုယ်တိုင်ပဲ ထားပစ်ခဲ့တာလေ... မဟုတ်ဘူးလား "
တစ်ချိန်က အိပ်ခဲ့ဖူးတဲ့ နှစ်ယောက်အိပ်ကုတင်လေးရဲ့ တစ်ဖက်တွင် ကျွန်တော်မြတ်နိုးသော အာကာ စာအုပ်ဖတ်ရင်း ခေါင်းငဲ့ကြည့်ကာ ပြန်လည်တုန်ပြန်လာခြင်းဖြစ်သည်။
" ဒီလိုတွေ လုပ်ခဲ့တာ ငါတို့အတွက်လို့ပြောရင် မင်းကငါ့ကိုဆူဦးမယ် "
အာကာသည် အလိုမကျသလိုကြည့်ရင်း သက်ပြင်းချကာ ဖတ်လက်စ စာအုပ်ကိုသာ ဆက်ဖတ်နေပြန်သည်။
" ငါရောက်နေတာကို ငါနဲ့ပဲ စကားပြောကြရအောင် မင်းစာအုပ်ကြီးကို ခဏချထားပါလားကွာ "
" ပြောပါ့လား နားထောင်နေတယ် "
ကုတင်ခေါင်းရင်းကိုမှီကာ ခြေဆင်းထိုင်ရင်း စာအုပ်ဖတ်နေသော သူ့အနားတိုးကပ်ကာ ခါးကိုဖက်ရင်း ဗိုက်အပေါ်မျက်နှာတင်ထားလိုက်တယ်။ သူက အနေခက်သွားလို့ထင်ပါရဲ့ ကျွန်တော့်ကို အတင်းတွန်းဖယ်နေပြန်တယ်။
" ခဏလေးပါ ငါဒီလိုလေးနေရတာ အေးချမ်းတယ်။ မင်းက တကယ်ကို နွေးထွေးစေတာပဲ "
အာကာသည် သက်ပြင်းကိုချလို့ ရုန်းကန်မှုများအား ရပ်တန့်ပစ်လိုက်သည်။ အရင်လို ဘုန်းဓန၏ ကျောပြင်အား ခပ်ဖွဖွပွတ်သတ်ပေးခြင်းတော့မရှိ။
" တကယ်တော့ ငါပင်ပန်းတယ်ကွာ။ ငါ မုန်းတဲ့ပတ်ဝန်းကျင်မှာ နေထိုင်ရတာ ငါပင်ပန်းတယ်။ အရာရာ ငါ့အတွက်ဖြစ်လာအောင် ကြိုးစားရတာ ပင်ပန်းတယ်။ လူတွေအမြင်ကို ဂရုမစိုက်တတ်တဲ့ငါ လူတွေအမြင်ကြည်ပြီး ငါ့ဘက်က ဖြစ်လာအောင် ကြိုးစားနေရတာ တကယ်ပင်ပန်းတယ်။ အထူးသဖြင့် မင်းနဲ့ဝေးနေရတာ ပိုပင်ပန်းတယ်။ "
YOU ARE READING
MASK ( Editing )
RomanceBehind every mask there is a face, and behind that a story !!! လူသားတိုင္းရဲ႕ မ်က္ႏွာဖံုးေနာက္ကြယ္မွာ ေဖာ္မျပႏိုင္တ့ဲ အေၾကာင္းအရာတစ္ခုစီကို ကာကြယ္ထားတတ္ၾကစျမဲ .... လူသားတိုင်းရဲ့ မျက်နှာဖုံးနောက်ကွယ်မှာ ဖော်မပြနိုင်တဲ့ အကြောင်းအရာတစ်ခုစီကို ကာကွယ်...
