محمد،،،شلون شلون!!! بصراحة انصدمت من حجي ناهد وماعرفت شنو اجاوبها
ناهد،،،اي قابلة بيك على ضرة واني عاجبتك وتحبني واكدر اسعدك واعوضك عن حرمانك
ميار الشمري
وللقصة بقية
الجزء 12
محمد،،،ظلت تلح علية ناهد وماجانت تجوز مني جانت اذا مااردلها تستلمني مسجات حسيتها فعلا تحبني ةمتعلقة بية ومستعدة تسوي اي شي حتى متخسرني بس مجنت مستعد اخسر بيتي وعائلتي على نزوة جانت شهد بغير عالم واني هم تركتها براحتها وحتى مرات جنت انام بالصالة وهي والطفلة بالغرفة ولاجانت تهتم ولا تسأل اصلا مرت الايام واحنة على هالوضعية وجانت ناهد متاركتني ابد ومسجاتها وحجيها يذوب الصخر وجنت لو اردلها لو ماارد اصلا
شهد ،،،حسيت محمد متغير بالفترة الاخيرة وشنو السبب مااعرف وموبايلة دائما بأيدة ومسجات كل وكت تجي بدأ ينام بالصالة بحجة ليونة متخلي ينام بالليل شكيت بي بالرغم واثقة منة كل الثقة واعرف حبيبي كلش زين بس كلت هاي دنيا بعد وكلشي يصير بيها
مرة من المرات كعدتني ليان بالليل رضعتها ورجعت نامت سمعت بسبسة رحت للصالة وسمعت محمد ديحجي بالتلفون وجان واضح انه ديحجي مع بنت
محمد،،،وج كافي لخاطر الله اشتعلت وين اطفي روحي وين اودي وجهي وضحك
شهد ،،،،حطيت ايدي ع حلكي ودموعي تنزل من السمعتة حسيت مثل الصاعقة لزمتني معقولة محمد يطلع منك هالشي
رجعت لفراشي وبجيت من كل كلبي ديتكلم معاها وكأنه ماتزوج ولا اكو زوجة بحياتة ويكوللها وين انطي وجهي انقهرت على نفسي وع وضعنا وعلى محمد الي متصورتة بيوم ينجرف هيج
ظليت افكر طول الليل شنو اسوي حسيت مثل الكف اجاني وصحاني على وضعنة وحياتنة زين شلون حتصرف وياه مانمت الى الصبح
سمعت صوت بالمطبخ رحت لكت محمد ديسوي ريوك
شهد،،،صباح الخير محمد واباوعلة متأسفة
محمد،،،هلا حبي شو كاعدة من وكت امبين ليونة مكعدت عليج وخوش نمتي
شهد،،،اي خوش نمت
محمد،،،اسويلج ريوك وياية تتريكين ؟؟
شهد،،،لأول مرة انتبه لمحمد يسوي لنفسة كلشي ومافد يوم صخرني وكلي سويلي هالشي جنت واكفة بس اراقبة شلون يقلي البيض ويحضر الريوك وشلون ينظف ومعتمد على نفسة وعبالك عزابي
كعدنة نتريك وكاعدة كبالة اكل واباوعلة ماشلت عيني عنة متغير محمد كلش معقولة وعيت متأخر وخسرتك
بجت ليونة وكمت عليها اجة محمد اخذ ملابسة ودخل للحمام وترك جهازة بسرعة فتحت جهازة وظليت اكلب بجهازة جان الظاهر يمسح كلشي اول بأول بس جان اكو محادثة بينهم على الفايبر دخلتلها وجان الحجي فضيع منها واغلب المحادثة حجيها بس ومحمد ميردلها او يرد كلمة وكلمتين حتى صور الها دازتلة وبلبس جدا فاضح وعاري وحجيها جان كلش جريء وميتحملة اي رجال حتى اكو حجي دكولة جربني مرة وشوف الفرق بيني وبين زوجتك راح تحس انت اصلا مامتزوج ومحمد رادلها كتلج الف مرة زوجتي خط احمر لتجيبيها بالطاري
YOU ARE READING
بين نارين
ChickLitمنقوله للكاتبه ميار الشمري قصة عن المشاكل الزوجية والتعامل مع الزوج الخائن او العشيقة المتطفلة على الحياة الزوجية
جزء 11+12+13والاخيررررررر
Start from the beginning
