الجزء السابع
محمد،،،،رجعت للبيت ولكت شهودة تحس بأوجاع بظهرها وبطنها وديناها للدكتورة كالت الطفل نازل واحتمال اكو ولادة مبكرة فلازم ديرين بالج ع نفسج وتنامين على ظهرج ومتشيلين اي شي ثكيل وايضا منعتها عن المعاشرة
فحبت تروح لاهلها حتى يديرون بالهم عليها وترتاح هناك كتلها ماعندي مانع ولو حشتاكلج
شهد،،،اني هم راح اشتاكلك بس كل يوم تجيني
محمد،،،اكيد طبعا ...وفعلا كمت من اطلع من الدوام كل يوم اروح اتغدة يمها واطمن عليها وارجع للبيت ومرات بالليل هم اروح اتعلل يمهم
ومرة من المرات بالليل واتصل بية رقم غريب رفعتة بس صوت نفس ماكو اي كلام وسديتة
مااعرف ليش فكرت بناهد احتمال تكون هية
رجع اتصل الرقم مرة ثانية وكلت الو وانتظرت بعدين كالت شلونك محمد
محمد ،،،عرفتج انتي المتصلة
ناهد،،،ليش جنت منتظر اتصالي ؟؟
محمد،،،لا بس هذا رقمي الخاص وماانطي لأي كان فعرفتج انتي
ناهد،،،يعني بعدك تحسني مو أي كان
محمد،،،اهووو ناهد هم رجعتي لهل موضوع
ناهد،،،امبين زوجتك مو يمك
محمد ،،،لا وسكتت
ناهد،،،مو دأشوفك ماخذ راحتك
محمد،،،ممكن اعرف شنو مشكلتج وبشنو اكدر اساعدج لان مكدر اطول وياج احتمال زوجتي بأوي وقت تتصل
ناهد،،،هالكد خايف منها محمد
محمد،،، مو خوف وانما احترام وتقدير الها وبعدين اني الي منتظرها ع نار تتصل لان مشتاقلها
ناهد ،،،تنهدت وغمضت اوووف منو جان يتخيل بيوم من الايام هيج تحجي عن وحدة غيري
محمد،،،الوو وياية
ناهد،،،اي وياك ،،،محمد تحبها
محمد،،،، ناهد زوجتي خط احمر مااحب تجيبين سيرتها احجيلي شنو مشكتلج
ناهد،،،اووف مشكلتي انت
محمد،،،هاا شلون بلة
ناهد،،،مدأكدر اشيلك من بالي كل هالسنين
محمد ،،،ههههه ضحكتيني ولج بطلي هالسوالف مو علية ناهد لو تحبيني متتركيني بدون اي سبب
ناهد،،،،اوف غلطة عمري هاي
محمد،،،اي وتحملي نتيجة غلطج
ناهد،،،محمد لتصير انت والزمن علية
محمد،،،ليش شبي الزمن وياج ناهد احجيلي
YOU ARE READING
بين نارين
ChickLitمنقوله للكاتبه ميار الشمري قصة عن المشاكل الزوجية والتعامل مع الزوج الخائن او العشيقة المتطفلة على الحياة الزوجية
