بين نارين

جزء 11+12+13والاخيررررررر

جزء 11

ناهد،،،راحت عمتي واني الطم على راسي وابجي يارب شنو هالمصيبة الي حطيت نفسي بيها شأسوي شأصخم ظليت ابجي ومااعرف حتى افكر عقلي مشوش اتصلت بمحمد مغلق

كمت ادك ع فهد ميرفع ظليت ادك عليه كلت خلي احجيلة واكولة امك هجمت وتبلت علية وهو اكيد يعرف بيها تكرهني فبلكي ميصدك بيها ظليت يومين لا انام ولا اكل ولا حتى اداوم جنت خايفة لان قربت جيتة ومجنت اعرف شأسوي وشلون اتصرف

ورة يومين اتصل بية فهد بس مو هو الي يتكلم استغربت جانوا جماعة فهد من خطة يتصلون وكالوا فهد متصوب بأشتباكات ع الحدود مع الارهابين وتوفى تعالوا استلموا الجثة ميار الشمري

ناهد،،،عزة العزاني جانت صدمة عمري صح جنت مااحبة بس انقهرت عليه لان ماشاف بعمرة شي بعدة شاب وعاشها قهر بقهر جابوا ودفنوا الله يرحمة وعمتي كضت الفاتحة كلة تدعي علية وتسب بية وورة السبعة طردتني وحتى اغراضي ماقبلت اشيل شي منها واني هم ماصدكت اخلص منهم واخلص من الفضيحة

رجعت لبيت اهلي ولزمت العدة واختنكت لا فوتة ولا طلعة واهلي اصلا محافظين وميحبون الفوتة والطلعة طبعا رسبت واترقن قيدي وخسرت حتى دراستي ظليت كل هالفترة واني مااتصل بمحمد ولا يعرف شصار وياية

محمد،،،ورة حادثتي مع ناهد بأقل من شهر ولدت شهودة بداية دخولها الشهر التاسع وجابت بنوتة فدوة لكلبها ليان جانت تخبل حسيت نفسي اسعد انسان بالدنيا

وظلت شهد عند اهلها اول اسبوعين ولحيت عليها الا ترجع للبيت لان كمت مااتحمل الضوجة والملل الي بالبيت وخاصة اجتي العطلة

رجعت شهد وكمنة الليل كلة منكدر أنامة من ليونة وبالنهار حالتنة حالة لا نكدر نام ع نومتها ولا ناكل شوي تعبنة وانضغطنا بذيج الفترة بس مع ذلك جان تعب حلو

ظلت شهد ع حالها تتحجج ودكولي اتأذة وبعدني نفسة وميصير الى ان اطلع الاربعين واني صابر ومتحمل وصار الوضع لا يطاق

ناهد،،،اتصلت بمحمد وكتلة شصار وياية وتأثر وعزاني وباركتلة ببنتة

محمد،،،ياحبيبي من جان فهد عايش ماجنت خلصانحتى هسة من ترملت ناهد الله يستر من الايام الجاية

كامت تتصل بية وماارفع ومرات من ادخل البيت اغلق جهازي حتى متصيرلي مشكلة وشهد تعرف وماجانت ناهد تجوز مني ولا اني المرتاح مع شهد صار كل وكتها مع ليان وهملتني وهملت نفسها كلش صارت عبالك عجوز وحالتها حالة

محمد ،،،ناهد انتي شنو رايدة مني انطيني من الاخر

ناهد ،،،اريدك كلك على بعضك انتي ملكي اني واعرف بيك تحبني لحد هسة واني اموت بيك

محمد،،،دأكولج متزوج وعندي طفلة يعني مدتشوفين وضعي

ناهد،،،واذا الشرع حللك اربعة واني قابلة بيك على ضرة