#عشق رياضي
البارت التاسع عشر
.......................
محبتنه جذب مو كالو
تموت ولتصدّكهم الكالو
لك نسيتك لأن أنت
شراكة بالنّفس ويّاي
وما أتنفّس أني بغير
ريتــــك تدري أنت
شكثر بيك أنّي محظوظ
وأحسّ بختي كعد لمن
لكيتك وإذا فكّرت
أعوفك وأنسى ذكراك
ياخذني الكلب كوّة على
بيتك حجولي شكد
عليك وكلت عذال
عاندت الحجو عنّك
وجيتــــــك كالو صعب
دربه يتعبك هواي
ورغم هذا التّعب
كل اعتنيتك كالو
بس أذيه وعوفه
وأرتاح عفت الرّاحة
أنا وميّت آب ذيتك
................
سافر مجد للالتحاق بصفوف ناديه وكان النادي نادي من الدرجة الثانية ومقره
لندن وبداخله حزن والم وتعب من كثر البحث عن حبيبته وشمعة حياته التي اختفت مع الاسف بسبب رعونته وطيشه وحبه للشهرة وانصياعه لأوامر أهله الي ماكو بقلوبهم اي مشاعر سوى حب المال والسلطة
في لندن. .. تم الترحيب بمجد لانه غني عن التعريف
مجد. .. وصلت مطار لندن ولگيت شخص رافع اسمي ومنتظرني فتوجهت صوبه وبلغته انه اني مجد الحسيني فرحب بيه وطبعا اني ماعندي مشكله ويه اللغة لان انكليزيتي فول ومن وصلنا للنادي تعرفت على اللاعبين وحددوه لي موعد الفحوصات الطبية حتى اذا نجحت بيها راح نتعاقد ونسوي مؤتمر صحفي
امنية ... اني رغم كوني دكتوره ومشغولة لكن دائما محدده نصف ساعة اتابع اخبار مجد واعرف اخر اخباره واتابع كل مباراة يلعبها ودائما اقنع نفسي انه اني اتابعه حتى اضمن مستقبل ابني لانه ابوه لكن الحقيقة الي اتخوف اواجها اني مازلت احبه بكل جواري بل اعشقه لكن جرحي مازال ينزف ..فمن دخلت صفحته وشفته عرفت كلام زهراء صحيح ..مجد هنا بلندن يعني ممكن بيوم التقي بيه ..وشلون راح اتصرف بوقتها وشنو راح يصير. .. اووف صدگ تعبت شوكت ارتاح واستقر وابطل هروب
زهراء. .. اگلك علي صدگ مجد سافر
علي. .. اي سافر انت ليش مهتمة
زهراء. .. ها لا مامهتمة بس افرض التقوه هو وامنية شلون.. شنو راح يصير برأيك
علي ... مااعرف .. بس الي اعرفه مجد تغير مو ذاگ مجد الي اعرفه تحسين انه دائما مضيع شي ويحاول يعوض الضياع باللعب وتسجيل الاهداف ودايقسى على نفسه بالتدريبات وحتى سوالف شرب ماشرب بطل وملتزم بصلاته لان دااتابعه من بعيد
زهراء. .. ها مادام تعرف هو متغير ليش ماتصالحه وتحجيله عن كل شي هو من حقه يعرف انه عنده ولد ويشيل مسؤوليته ويه امنيه ترى امنيه تعبانة كلش هي تمثل القوة گدام الكل
علي. .. شوفي شوكت ما امنية رضت عنه أني اصالحه والموضوع كله يخصها هي حرة
هي حره ماادخل بشي
امنيه. . البارحة كلش تعبت وقررت ارتاح اليوم واخذ فره بالسيارة نفسيتي تحت الصفر. ... فاتصلت بدكتور حسين
الوووو
أنت تقرأ
عشق ریاضي
Romanceقصة حب بين لاعب كرة قدم غرته شهرته وامواله الكثيرة في استغلال مشاعر الفتيات حتى وقع بحب فتاه عفوية لاتعرف من يكون ولم تحسب لكل امواله وشهرته حساب .... حتى وسوس له غروره اغراءها بالحب والزواج للحصول عليها ومن ثم تركها خلفه كما في كل مرة....فهل سينقلب...
