عشق رياضي.. البارت الخامس
بعد ذهاب ابطالنا لتناول غداء
ومناقشة الموضوع المهم وهو رغبة بطلنا مجد بالتقدم لخطبة امنية بعد ان وصلوا لقناعة انه من المستحيل ان يتلاعب بمشاعرها او اقامة علاقة محرمة كما هو حال صديقاته... وبعد اسبوع الاتفاق التقوا ابطالنا وگعدوا للطاولة المستديرة لاصدار القرار..
مجد... دكتورة أمنية صدگیني أني أعجبت بشخصيتك أنت تختلفين عن بقية البنات واني من زمان كنت ابحث عن انسانة مثلك ماتهتم اني منو وأبن منو وتقبل ترتبط بيه لكوني انسان
امنية (طبعا مجد بهذة اللحظه فاجئني) اني مااگدر افکر بالزواج باقیلي٤اشهر
والامتحانات تخلص واني طالبة طب مو اي كلية يعني شلون .. وشلون اثق انه انت فعلا تحبني مو رغبة نجم مشهور وبعدين يتركني
مجد... شوفي انت بمثابة أخت علي وأني علي اعزه واحترمه وصداقة عمر مامعقولة اغشه واخونه والمسالة حاليا مو حب حتى نكون واقعين لكن المسالة هي أنه أنت انسانة محترمة واكدر اامنج على بيتي وسمعتي
علي.... وأني اضمنه ومتاكد منه وأذا أي شي بدر منه أني احاسبه
امنية ... اممم أني مااگدر اخذ قرار وحدي لازم احجي مع أهلي
زين واهلك شنو موقفهم هم يعرفون لو شلون.. اذا تتقدم وحدك صعبة بابا يقتنع
مجد.. أمنية اهلي يريدون سعادتي اني ابنهم الوحيد.. يعني صح راح يعاندون بس اني اذا عقدت عليج وتزوجنا راح يبقون گدام الامر الواقع... وهسة شگلتي
مجد مع نفسه(اي ام خشم اليابس ماكو وحدة ماالها ثمن كلكم تحبون الشهرة وكلمن بثمن وانت ثمنج شقة وزواج والباقي يهون)
امنية.. اليوم افاتحهم بالموضوع والله كريم..
بعد مفاتحة مجد لامنية برغبته بالزواج منها ..عادت للبيت وطلبت من اهلها ان تتكلم معاهم بالموضوع... وبعد تناول العشاء
بابا حبيبي.... اكو موضوع اريد احجي وياك
العم سالم(والد امنية) اي بنتي ليش لا
امنية .. بابا تعرف علي اخوية واحنا اصدقاء من الصغر ... قبل فترة ساعدني بالبحث واحتاجيت اروح للنادي مالتهم وهناك التقيت بلاعب صديقه اسمه مجد الحسيني .. واليوم طلب يتقدملي
سالم ... قصدج مجد الحسيني ابن الملياردير المشهور ورئیس الحزب ال.......
امنية ... نعم بابا
سالم .. يابنتي انت مالگیتي غيره. احنا رين وهم وين
امنية.. بابا هو لگاني واعجب بيه . ههههه ... هسة شاگله
ابو امنية: گليله خلي یتقدم ونتفاهم
بعد ان انتهت المهلة جاء بطلنا لطلب يد امنية
سالم . اهلا وسهلا علي ابني تفضلوا
علي؛ اهلا عمي شخبارك
سالم.. الحمد الله ابني تفضلوا
علي؛ عمي اكيد امنية حچت وياك بموضوع مجد واني طبعا اكفلة وهو صديقي ..
مجد ..عمي واذا وافقت راح اشيلها بعيوني .. لكن أني عندي شغلتين مهمتين
سالم .. يعني شنو انت تخلي شرط
مجد: لا العفو بس انت تعرف انه الوالد والوالدة حاليا خارج القطر .. واني عندي معسكر مغلق بعد اسبوعيين .. ولازم يكون الزواج بينا لوقت معين ... الى ان تخلص البطولة وانا اشتريت بيت وراكم بفرعيين وسجلته باسم امنية مؤقتا ومن يتحسن الوضع نعلن الزواج واسويلها احلى عرس
سالم ... والله ياابني اني ماعندي غير هاي البنية اكيد لازم اخذ رأي عمامها وخوالها ميصير ازوجها سكوتي .. احنا فقرة لكن سمعة بنتي بالدنيا
مجد ..طبعا عمي من حقك ..اني قصدي بينا ان الصحف والمجلات ماتعرف
ابو امنية؛ والله ياابني انطينا مهلة نفكر اكول لعمامها
مجد .. عمي والله وقت ماكو .. اسبوعيين ونسافر معكسر مغلق ماتحجي يا علي
علي .. والله صح عمي احنا راح نبقى شهر بالمعسكر المغلق
ماشي باجر ابلغكم بقراري
وبعد مناقشات عديدة بين اعمام واخوال امنية واتفقوا ان العريس لا يتعوض وممكن الاستفادة من نفوذهم وسلطتهم كان الجواب الموافقة على الزواج... وهنا الغلط الي تندموا عليه اهل امنية
بعد مرور اسبوع واتمام مراسيم الزواج تزوج مجد امنية بعقد سيد وقرروا ان يتم عقد المحكمة بعد انتهاء البطولة
(بيت مجدوهو يجهز نفسه لليوم الموعود)
ايمن .. والله ينخاف منك مجد ... خططت زين ونفذت والحمامة وگعت بالفخ
مجد... لك اني مجد الحسيني محد يوگف بوجهي .. راح تشوف الا اخليها تندم على اليوم الي انولدت بي (وهنا لاحظ مجد صديقه ايمن يقوم بتصوير مايدور بينهم )
لك شدسوي ليش دتصورنا ..
.
ايمن .. مااصورك حبيبي دااصور نفسي تعرف مسوي فيسبووك وانستا و جو جديد وكاركتر.... ديلة عريسنا عروستك تنتظر
..... .....
امنية ... الصراحة وقت تعارفنا انا ومجد كان قصير لكن مااعرف ليش جذبتني شخصيته .. شاب جميل جدا بطوله لون عيونه الرصاصي بشرته الحنطاوية موهبته الحلوة كلاعب .. اني بعد ان تقدملي شفت كل المباريات الي لعب فيها وشفته وفعلا نجم يستحق الاحترام رغم سمعته السیئه رغم هذا حسيت باحساس جميل ورائع بداخلي ماحسيت مثله باتجاه اي شاب قبل ... ووصل مجد علمود الزفه وکان ناس قلیل حاضرینها اصدقاءنا علي وزهراء وايمن واعمامي اثنين واخوالي اثنين وصار اعلان بسيط للزواج وبوقتها كان النت والموبايلات الحديثة بس الاغنياء يگدرون یشتروها واحنا منطقتنا بسیطه وفقیره ... وصارت الزفه ورحنا علی شقتنا الی جهزناها سوه وصار شهر العسل بشقتنا بحجة المصورين والمعجبين وانه ينزعولنا الخصوصية ومااعرف بوقتها ليش اقتنعت ... وانتهت اسبوعين كانت احلى اسبوعين مع زوجي وحبيبي مجد وفعلا حسيت الدنيا ملكي وللاسف كان لازم يسافر مع المنتخب للمعسكر المغلق وبعدها كان اكو بطولة يعني راح يغيب لمدة شهر او شهرين بطولة ومعسكر .... ومنا كانت بداية الالامي .....
أنت تقرأ
عشق ریاضي
Romanceقصة حب بين لاعب كرة قدم غرته شهرته وامواله الكثيرة في استغلال مشاعر الفتيات حتى وقع بحب فتاه عفوية لاتعرف من يكون ولم تحسب لكل امواله وشهرته حساب .... حتى وسوس له غروره اغراءها بالحب والزواج للحصول عليها ومن ثم تركها خلفه كما في كل مرة....فهل سينقلب...
