မြတ်မင်းမောင် သက်ပြင်းသဲ့သဲ့ချမိတယ် ။ အေမီက သူမှန်တယ်ထင်ရင် ဘယ်သူဘာပြောပြော လက်မခံတတ်တဲ့သူမျိုး ။ တကယ်လို့ အဲ့ဒီမိန်းကလေးမှာ အပြစ်ရှိရင် ရဲတွေက ဒီအတိုင်းအလွတ်ပေးပါမလား ။
"ဒီကိစ္စတွေ ထားလိုက်ပါတော့ဟာ ။
ငါ့ကို နင့်ချစ်သူနဲ့ မိတ်ဆက်ပေးဦးလေ "အေမီက ဒေါသတွေကို ဖြေဖျောက်ပြီး ဆိုတယ် ။
"အေး...ငါ မနက်ဖြန် မိုးနဲ့ တွေ့ပေးမယ်"
"အင်း....."
"အေမီ နင် ဘယ်တော့သွားလှူမှာလဲ..."
"နောက်နှစ်ရက်နေရင်...".
"ဟုတ်လား..."
"အင်း....နင် ငါ့ကို လိုက်ပို့ရမယ်နော်..."
"အေးပါ...နင့်အဒေါ်ရော လိုက်မှာလား..."
"မလိုက်လောက်ဘူးထင်တယ်။ ငါတို့ နှစ်ယောက်ပဲ သွားတာပေါ့။ပိုက်ဆံ လှူပြီးတာနဲ့ နေ့ချင်းပြန်လာမှာပဲလေ "
"အင်း...."
"နင်..ဒီနေ့ ဘယ်သွားဦးမှာလဲ ။ ငါ ဘယ်လိုက်ပို့ပေးရမလဲ..."
"ငါ ဘုရားဖူးချင်တယ်.။ နင် လိုက်ပို့ပေး"
"ကောင်းပါပြီဗျာ "
"ဒါဆို ငါ သွားပြင်လိုက်ဦးမယ် ။ နင် ခဏစောင့်နေနော်"
"အေး......"
ထွက်သွားတဲ့ အေမီ့ကို ကြည့်ရင်း သူ ပြုံးမိတယ် ။ အေမီက အရင်လို ချစ်စရာကောင်းနေတုန်းပဲ ။ အေမီ့ကို သူ ချစ်တယ်။ ရည်းစားတွေဘယ်လောက်ပဲ ထားခဲ့ ထားခဲ့ ၊ အေမီက လွဲရင် ဘယ်သူ့ကိုမှ မချစ်ခဲ့ဘူး ။ အေမီက ပြန်မချစ်နိုင်ဘူးဆိုတော့ သူ သူငယ်ချင်းအဖြစ်နဲ့ပဲ တိတ်တဆိတ် နေပါတော့မယ် ။
~~~~~~~~~~~~~~~~~~
ဖုန်းအသံကြောင့် မိုး ဖုန်းကို လှမ်းယူပြီး ကြည့်လိုက်တော့ ထက်မြတ် ။
"ဟဲလို...."
"မိုး...."
"အင်း ၊ ထက်မြတ်...ပြောလေ...."
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...
part - 12
Start from the beginning