إن واخواتها

17

انا مشيت بعدت خفتهم لا يضربوني و درت صباعي في ودني   وغنبدا نغوت و نقول بلي خطفو ليا ختي و هانا نحس بشي حد شد ليا من كتفي و انا ندور لقيت اناس ضربني فحال ضو بقيت تنشوف فيه و هو مستغرب: هبة صدفة زوينة هادي اش كديري هنا <br>
انا: ااا؟ اش كندير (وانا نطلق سلوكية) صراحة هادي شركة ديال رجل ختي المستقبلي هو خطبها و بقا غير العرس ...هو شاف فيا باستغراب : شركة ديال راجل ختك؟؟؟<br>
انا: اااه و تخطبو العام لفايت ....اناس تصمقل : ميمكنش هادشي يمكن هاد راجل غير تيتفلى على ختك ...انا: و علاش زعمة يكون كيتفلا على ختي ...اناس: حيت هادي شركة ديال ماما ....تما انا لي تصمقلت بقيت كتدور في عيني ويلي زدقت مدام بناني هي مو ويلي ويلي تفرشت من الافضل ليا نرجع لداك طروطوار حدا زبالة نجلس هو يشدني من دراعي هاي هاي سيد زعم عليا : لبغيتي تاكدي اجي طلعي نوريك يمكن هاد سيد غير كيتفلا عليكم....انا فرحت حيت جاتني من الجنة و الناي غادي ندخل ويي درت ليه براسي واخا و دخلت كنتنخوا على هدوك البوديكار و كنلقي ليهم سم زعما دخلت بز منهم و تهما كيشوفو فيا و مفقوصين غير دخلت و انا نحيد يدي من يد اناس ...اناس: تعالي نوريك شركة ديالنا مرحبا بيك ...انا بابتسامة صفرة: ربي خليك ياله ...بقا كيدور فيا تما كلشي مشغول و كيجري و اناس غير داوي و ضحكتو واصلة لودنيه و انا مكنسمعش ليه فيما كيضحك كنضحك معاه باش ميعيقش بقيت كندور في عويناتي شوية جا واحد سيد طويل تبركالله تقول غير شي تركي انيق بزاف و كيدي شوية لياسر شاف فيا و تلفت لياسر: تبعنيي و مشا  ...دار عندي ياسر: هبة عفاك تسناي انا غنجي دبا ...انا: شكون هداك (الفضول)..ياسر: هداك خويا الكبير من الام ...و مشا و انا نلقا الحرية طلقت رجيلاتي و بديت نقلب طاج بطاج و كنسول على اميمة لي كنسولو كيقولي تاهوما مشافوهاش ميمتي القضية حماضت طلعت تال طاج الاخر مافيه والو صراحة بقيت كنطل من جاج و منفكر فين غادي القا هاد الكلبة اتا جا ياسر حدايا.:فين غبرتي قلبت عليك شركة كاملة ...انا : و هنتا لقيتيني دبا مهيم خاصني نمشي ...هو يشد ليا من يدي ...انا: شنو..وقفتي قدامو و خدا نفس عميق:صراحة ا هبة نتي كتعجبيني من هادي شحال و بغيا ندير معاك شي غولاسيون ...طلعت معايا سخونية اويلي واش هادا من نيتو اويلي والله تا تقتلني اميمة و سكينة و انا نحيدلو يديه: سمع نتا شتي هاد تخربيق سير ديرو على شي بنت خرى راه بنات زنقة عطاهم الله ...و تميت غادية و رجعني تاني: علاش مكتعطينيش فرصة ....انا: لا راني دبا عطيتك فرصة في الحياة ستغلها المرة جايا غادي نحرك لا عودتي هاد الهدرة ....ويلاه كنا غادية نحل الباب نخرج هو يجي وخبط الباب و دار يديه بجوج و خلاني وستهم<br>
انا: واش نتا مريض حيد خالني نمشي فحالي ...هو يدرب الباب بيدو تقفزت و قرب لعندي (هاي هاي على البرهوش )انا لاصقة في الباب و كنزيد نلصق و هو كيقرب و مشا ديريكت لفمي و دور ساروت ديال  الباب و حط فمو على فمي انا تصدمت معرفت باش تبليت عيني خرجو من دوك نضاضر اويلي واش هادشي بصح بقيت مبلوكية تسلا و لقاني دخلت في ازمة نفسية و انا نشوف فيه و جمعتها معاه بتصرفيقة و مشيت حليت الباب و خرجت كنبكي ما تساطحت غير مع خوه شفت فيه هو يلاه كان غيهدر و انا نمشي نجري ...<br>
#سكينة ....اليوم نهار جديد غنمشي نخدم انشاءالله و نشغل راسي منتفكرش داك خالد و دابا قررت نسا حتى شخصية ديال حسينة و غنبدا حياة جديدة كانني بنت كانني سكينة خرجت عند ضحى و قلت ليها تعلمني المهيم عطاتني جميع كساويها قالت ليك هي غتبقا تلبس غير المحتارم العجب مكيهمش المهيم حرgات ليا شعري مزيان و دارت ليا داك تخربيق في وجهي و لبست سايا حد ركبة مفضفضة بالصفر و قميجة بيضة خشيتها بقات كتشوف فيا ماما و ضحى و فرحانين بيا عجبتهم هي هديك اول مرة غنحط طالون في رجلي يلاه لبستو مشيت بيه جوج سنتيم بدات رجل لولا كتعواج شوية تانيا تاهيا بدات تعواج و انا نبدا رقص ديال سالسا وليت فحال المعواقة  واهيا ناري ميمتيي اش هدشي وااع انا نجلس في الارض لا هدشي ماشي ديالي انا عاد عطاتني ضحى طالون قصر منو واخا كنفيفريي بعدا ماشي فحال قبيلة صافي خرجت لي داز يدوي معايا تكنبعي نضربو و كنتفكر بلي خصني نكون انتوية و لكن هادشي ممعنيش باش منعايرش و لا نصمك لي ضربتو مكيعاودش معايا الهدرة عاد زيدها هاد صباط عليا مشيت كنطل على العمارة لي ساكن فيها خالد صراخة رجلي داوني ليها طليت كيبان ليا هابط مع ديك العاهرة ديال ديك نهار ركبو في طموبيل و مشاو منكرش بلي ضرني قلبي بزا ف ولكن اش عندي مندير المهيم مشيت لداك العنوان لي عطيتني لالة مرجانة كان قريب من تما معا وقفت قدام الباب كنسمع ضحك و الموسيقى ممم شنو غتكون هاد الخدمة كاعما سولت تانا بغلا معالينا ندخل و نعرف دقيت و هي تخرج ليا واحد خيتي لابسة واحد اللبسة غير تحيدها كلشي باينو طالقا شعرها و مصبغاه بالصفر شمش و داربا ليك واحد العكر حمر و كتلوك المسكة ...