وصلني للخدمة و مشا مسكين دخلت من باب شركة فحال شي سيدة اعمال اولي راه انا سيدة اعمال المهيم دخلت لسانسور لقيت داك زغبي ديال انور تما تهو لابس سروال و قميجة كحلة مزيرة ولد الكلبة عندو بنية زوينة و داير المكانة و مطلع شعرو الاناقة زعمة مهيم درت راسي مديتهاش فيه دخلت قاليا سلام مرضيتش و ضربنا بجوج في الزر طابق 5 و انا مرة مرة كنشوفو بنص عين اشنو زعمة كيدير و تاهو كدالك شوية هو يبدا يضحك انا استغربت منو و شفت فيه هو يشوف فيا و نعت في رجلب و انا نشوف راسي لابسا كل فردة في شكل وحدة بزرق و لوخرا بالكحل ويلي ويلي شوهة مع كنت زربانة و ضلمة مشفتش اختلاف الالوان هو يتحل سانسور و دخلو الموضفين بداو كيهدرو معايا وحد خياتي فيهم العياقة و انا كنحاول نغطي رجل برجل و لاخور غير حاط يدو على فمو و كيضحك انا مرديتش غنتفرش مع هاد المخيات و غنولي ضحكة في شركة وقفت في طابق 3 طلبت من صحبتي صباغة ديال دفار كحلة و مشيت الطواليط كنصبغ في سباطي مقداتنيش لبست صندالة الميكة ديال الخدامة و بديت نقلب على لي عندها سباغة كحلة و عاد طلعت للابو لقيتو كيحاجي عليهم دار لعندي: هدشي لي كنت كنهدر عليه دبا اانسة حنا هنا كنخدمو مع 8 ماشي 8:15 مفهمتش انا كيفاش تاخدمو موضفة مهملة فحالك <br>
انا تزيرت و تعصبت: سمحليا امسيو <br>
انور: غندوزها ليك هاد المرة مرة جاية مغديش نعقل عليك ....ناري تفوو تبهديلة قدام البنات عمرها موقعات ليا كنحس بالاحراج والله هاد سيد منحوس من نهار شفتو ما شفت الخير الله يغرق ليه شقف ...مهيم بقينا كنخلطو في ديك المواد باش نسيبو عكر في وحد الون منعرف منين جابتو ديك مدام بناني عيينا نحاولو و والو و مع انا مشطونة من جيهت سكينة غياب تركيز التام خليتو تامشا يوري مدام بناني شي نتائج على داك نوع دالعكر و انا ستغليت الفرصة و مشيت لواحد القنيتة كنهدر مع عالي قالي راه تنزلو على الدعوة و بلي هو خرجها رتحيت و شكرتو مشيت لقيتو كين في لابو <br>
انور : شفتك نتي غير كتشوفيني خرجت كتمشي دوري لا مبغيتيش الخدمة راه كاين لي باغيها <br>
انا هاد المرة طلع ليا الدم مزيان لي ليها ليها مصبرتش عليه: بلاما تبقى تحل عليا فمك نتا راه مشيت غير لطواايط <br>
انور: راه كاينة هنا طواليط <br>
انا: ماشي سوقك نمشي لطواليط لي بغيت .....خنزرنا في بعضنا و مشيت لمحاليلي كنخلط هو غير كيدور علينا و فاش كيوصل لعندي كيتقل بلعاني باش يسطريسيني شوية جا تال ودني: راه باقي شوية زرق كيبان في سباط ...صافي تما دخت اويليي مبقيتش عارفة شنو كنحط في داكشي حطيت وحد المادة كحلة بزايد و هي تنفاجر عليا على وجهي و شعكت ليا شعري جا عندي انور تيجري طلعت فيه عيني هو يحبس الضحكة: واش نتي بخير .....انا بديت نغوت: صافي انا كتفيت من هادشي ...مشيت خديت الادن من مدام بناني و شركة كلها كتشوفيا و كتضحك و خرجت فحالي .<br>
#سكينة ...ليومة جا داك صديق ختي اميمة و خرجني من تما لقيت الوليدة عنقتني و بدات تبكي ووعدتها عمرها تشوفني مرة اخرى في هاد الحالة ضحى كتلسق على داك عالي معرفتش اش في راس هاد خيتي تانا باينة غيكون العجينة وصلنا للدار دخلنا كلشي عنقني و ليت عزيزة ديك اللحضة تغدينا تكيت اتا طاح ليا داك لانسبيكطور في بالي العصا لي كليتها من عندو هاد الليلة عمري كليتها في حيات واو سلت علة الوليدة و خرجت الحومة كلشي جاي العشران و الطبقة ديال البركاكا تهما جاو يسلمو باش يديو خبيرات كنحس براسي رجعت للناسي اشوية اتا بان ليا وحد طاكسي هابطة منو مرة مشعكة و كلها كحلة اشفتني ترمات عليا <br>
انا: الا لا اتي مالكي واكلة باخا لكنتي حمقة سيري حماقي على شي حد من غيري <br>
اميمة:هدي انا يا الهبيلة <br>
انا: وااا الخودرية وااو معرفتكش درتي ستيل جديد هههه جا معاك<br>
اميمة ضربتني: ياك الكلبة لوخرى و تي اش خرجك زيدي قدامي ....غير دخلت اميمة للدار كلشي تبلوكا فيها ماما كانت هازا طباسل بقات هكاك الوليد كان يلعب بتيرسي ضحى كنت تفرج و شفتها و تكونسات و هبة يلاه خارجة من البيت <br>
اميمة: مالكم ....كلشي ضحكة وحدة <br>
ضحى : ههههه اميمة الفحمة السودا ...هدي جاتها صندالة ديريكت الكمارة...اميمة: سكتوووو.... و عم صمت مين جديد اميمة دخلت فحال صع صع لبيت وسدات عليها و كلشي تاني نفاجر بضحك علااااام هاد اميمة مكتشبه لينااا كاع <br>
#اميمة رجعت لدار شوهة والله دخلت غسلت و بدلت و خرجت انا وهبة نسيبو ديك سيارة دزفت و دزنا المكتابة خدات هبة شي وراق باش تبريباري فيهم حيت قرب الوطاني رجعت لدار لقيت ضحى منشورة قدام البيسي حادية دوك الكريين <br>
انا: اوااااه معييتيشش نهار ومطال ونتي شداهم <br>
ضحى: لا 😊😊 انا بغيت نمشي لكوريا هاد المغرب مكنحملوش ما فيه ما يتعجب <br>
انا: نوضي ابنيتي لا مشيتي لتما راه مغيقبلوكش و غيجريو عليك حمدي الله من المغرب قابل عليك وخا راك خطية ليه <br>
ضحى: وبااااز انا والله تا مليت بغيت ندير شي حاجة في حياتي <br>
انا: هي لا نضتي شمرتي و خدمتي <br>
ضحى:فاش معندي لا ديبلوم لا والو و بلاما تقولي ليا غنرجع
VOCÊ ESTÁ LENDO
إن واخواتها
Romanceقصة زوييينة بزاف وكنصحكم تقراوها كتجمع من كل فن طرف كتحكي على 4 بنات او بالاحرى 4 دياال لخواتات قصة بالمغربية بالدارجة المغربية كاتبة : Oumaima
