إن واخواتها

1

انا: سكينة شريبة معاك <br>
سكينة (اختي1):بنت ليك غير انا سخري ضحى ضحى(اختي2): هديك خيتيي فوتيني علييك <br>
سكينة: سيري ولا نخلط ختي <br>
ضحى : سيري سيري سايبي غير حالتك نتي فحال دري <br>
سكينة: ناريييي جبتينيي عاود تاني غنبدا نشلخ  في بنادم<br>
انا درت عند هبة(ختي 3):حبيبة كويست الما <br>
ماتسوقتش ليا gاع جالسة مخرجة عينيها مع واحد الكتاب ...شفت تعييت و نضت جبتو راسي و خليت دوك جوجات مشنقات و لوخرة في بحر دراسة زعمة تعول عليهم فشي حاجة و تقول تمن جغمة الما عزوها فيا  ....المهيم انا اميمة عندي 28 عام مهندسة كميائية في اكبر شركات تجميل 3 سنين و انا خدامة هنا  ختكم كتيري الفلوس مزيان بكل تواضع انا إمرءة ناجحة عمليا و لكن فاشلة عاطفيا و هدا كله بفضل الملكة العضيمة صاحبة الحكمة و سلطة المطلقة امي الحبيبة المرا لي كتجي تبغي تخطبني غير تتسول علة خدمتي (الناس ولاو كيبغيو المرة الخدامة حاليا برجولة و بلا كدوب)كتبدا ماما تكدب لا راها غير خدامة في الميناج في واحد شركة صغيورة قريبة دير افلاس المرة كتبات متصبح مكنعودوش نشوفها ماشي مرة ماشي جوج وقعات ليا و كنسولها علاش كتقولي باش ما يخدني تا حد على طموع دنيا و اصلا زواج معندك مديري بيه اودي غير خليه على زيني المهيم انا شعري كحل و بيضة و طويلة مهيم عندي حقي من زين على ماقالو انا شاكة فيهم غير بردوني  المهيم ماما دايرا فيها الحكمة و القفوزية ولكن كيتقداو ليها قدام الواليد واحد شلاهبي منو مكان و مكيتفاكش مع شد تقاعد ربا على سوطة الكبدا نهار و مطال هو يقمر و مقربلها مع الوليدة كيجيوني غير داك الكوبل كبور و شعيبية  المهيم انا حاليا لي كنصرف على الدار كلشي متوفر لينا الحمدالله خلصتي قدانا و فيتانا لهيه غير هما هاد البرهوشات خرجو ليا في عودي مع الوليدة كبرت مبقاتش قادة تحضيهم ووحلت فيهم انا عندك سكينة هي لي مطارداني غي سن عندها 25 عام بنت زوينة شعرها كحل  مقطعاه فحال دري بيضة كتشبه ليا في بزاغ ديال الحوايج الا في شخصية تحلفي عليها دري ديما واحد الكيبية و قبية بالكحل برد و صيف و سروال تجين واسع و داير يديها في جيبها و ديما مخشية مع ولاد ضرب كيعطوليها غير حسينة  لي شافها يقول دري الا ولاد الحومة لي عارفينها بنت و ديما ديرا غوتة وجران  جيين يتبراو عندها  باك+3 اكونومي بغيت ندخلها معايا تخدم مبغاتش قالت ليك بغا تعيش الحياة طرطقت لماما مررتها اما بابا فهي عزيزة عليه كتلعب معاه دبما ..اما واحد مولاتي ضحى عندها 23 عام من نهار عقلت عليها و هي واقفة قدام واحد المراية صراحة هي زوينة بزااف و شهبة مكتشبهش في خطرة لينا و حاسا بجمالها ديما موصياني نجيب ليها المكياج ولكن نية ريح لي جا يديها  و كتموووت على شي حاجة سميتها كورية الجنوبية و حافضة سمياتهم واحد بواحد  و حتى و جههم انا منعقلش عليهم كيتغالطو ليا المهيم هي شدات الباك بزز ودوزت  عمين في لافاك مطفراتوش و جات ريحت و عطياها لدوران و خسران الفلوس و اخيرا و ليس اخرا ختي هبة هاد العام عندها الباك 18 عام قراية ديما كتجي هي اللولة و معقدة مكضحكش غير طالقة ديك الغوباشة حاضيا غير لقرايا و الله مسكينة مبقا ليها والو و دوز الموحد الله يعونها و يعاوني تانا معاهم المهيم ليومة الحد روبو و لكن مكينش راحة مع هاد البرهوشات ..نضت نسايب العشا باش يحنجرو كاينة غير المعgازة على ختها دورت الكوكوت و مشيت جلست حدا الوليد و الوليدة ...ناض الوليد نغز مي بعكازو <br>
مي: اتااا مالنا اه تا حيد العصا راك خشيها ليا بين ضلوعي <br>
با: اتي نوضي سايبي اتاي يكون منعنع <br>
مي: نوضي جيبي لباك اتاي <br>
با ضحك و معندوش سنان:اتي انا توحشتت اتايك نتيا يمات كنتي دريه ليا و تهبليني بيه يا دحيشة ديالي <br>
مي حشمت زعما: ربي اخليك ليا ازماني انا نسيبو ليك منعنع و مشبشب <br>
انا: هههه هاي هاي ناس مبقاوش يحشمو ...وهي تنوض الوليدة و هو ينغزني با <br>
با: طلقي طلقي عطيني واحد زرقالاف قبل متجي موك و تحصلنا <br>
انا: و علاش <br>
با: حيت لا شفتاك عطيتيني غتبقا تنقر <br>
انا: و علاااش بغيتها <br>
با: اتي بغيت نشري بيها واحد العاود(تيرسي)<br>
انا: وايلي ابابا مغتحيدش منك هاد العادة <br>
با: تي راه قربت نجيب ربحة ...نضت و انا نجيبها ليه غير حطيتها في ديه و هي دخل الوليدة و هو يحطها ليا في يدي <br>
با : شدي شدي ابنتي متحشميش من باك راك واخة خدامة خاصني نصرف عليك شدي هاد 4 الاف و سيري تكساي بيها ...انا مصدومة وهو بارك و يغمز فيا و الوليدة عيقة بيه  <br>
مي: ايي عليك اشلاهبي يسحبليك انا نعسا على ودني <br>
با: اتي مالك تعيري فيا مبغاش نعطي لبنتي لفلوس يالاه طلقي نتي ديك 4 الاف موك مبغاتش <br>
مي خطفت ليه 4 لاف من يدو: ارا ديك 4 الف غادي غير تقمر بيها <br>
با: وتي غديها غير لدارت <br>
مي: القمر هي دارت <br>
با: اتي شفتك تحاسبي معايا يا غتجمعي فمك ولنجي جمعك بشمال <br>
مي : تgد...با: نgد ...مي : نخرجو ...با: نخرجو ...مي: يالاه ....ومي مع غليضة gفدت و با غير كميشة شاف راسو خاسر في القضية هو يدور ينغزني بالعكاز <br>