"ဟုတ်လား..."
"အင်း ၊ ငါလည်း နားမလည်တော့ဘူး၊ ဘာလို့ ဒီလိုတွေ ဖြစ်နေရလဲဆိုတာ"
"မင်းလို လူရှုပ်ကို ဘယ်မိန်းကလေးမှ သည်းခံနိုင်မှာ မဟုတ်ဘူး ဟေ့ရောင် "
"မင်း အဲ့ဒီလိုမပြောနဲ့လေ၊ အရင်တုန်းက ငါ ဒီထက်ဆိုးတာတောင် တွယ်ကပ်နေခဲ့ကြတာကို ၊အခုမှ လမ်းခွဲခံရတာလေ ၊ ဘယ်လိုတွေးတွေး မရိုးဘူး "
"အေးပါကွာ၊ ဒါပေမဲ့ မိုးလို မင်းအပေါ် သည်းခံပေးနိုင်တဲ့ မိန်းကလေး ထပ်ရှိမှာ မဟုတ်ဘူး ။ သူ မင်း အနားမှာရှိတုန်း ဂရုစိုက်ပေါ့ ။ နောက်တော့မှ နောင်တရစရာတွေ ဖြစ်ကုန်ဦးမယ်"
"မိုးလို ငါ့အပေါ်ကောင်းတဲ့သူ မရှိဘူးဆိုတာ ငါ နားလည်ပါတယ်။ ဒါပေမဲ့ မိုးက ငါ့ကို ဘယ်တော့မှ ထားမသွားဘူးဆိုတာ ငါယုံတယ် "
မြတ်မင်းမောင်က အခိုင်အမာ ဆိုတယ် ။
"အေးပါ၊ မင်း သေချာရင် ပြီးတာပါပဲ ။ မိန်းကလေးတစ်ယောက်က စိတ်ပျက်သွားရင် ဘယ်လောက်ပဲ သိပ်ချစ်ချစ် စွန့်ပစ်သွားတတ်တယ်"
"အင်း..."
မြတ်မင်းမောင်မှာ ထက်မြတ်စကားကြောင့် မှိုင်တွေသွားပြီး သက်ပြင်းသဲ့သဲ့ချမိတယ် ။ သူက အားလုံးအမြင်မှာ လူဆိုးဖြစ်နေပြီ ထင်တယ် ။ ဒါပေမဲ့ သူ့အကျင့်ကို ပြင်ဖို့က ခက်နေတယ် ။ မိုးအပေါ်ကိုမတရားတာလည်း သိပါတယ်။ နောက်ကျရင်တော့ မိုးအပေါ်ကို ကောင်းနိုင်အောင် ကြိုးစားမှာပါ ။ နောက်ပေါ့ ။
~~~~~~~~~~~~~
မြတ်မင်းမောင် ညအိပ်ရာ၀င်ခါနီး ဖုန်းခေါ်သံကြောင့် ဖုန်းနံပါတ်ကြည့်တော မိုး၏ နံပါတ် ။
"ဟဲလို "
"မောင်"
"မိုး....ပြောလေ"
"မနက်ဖြန် မိုးတို့ တွေ့ကြမလား"
"အရေးကြီးလို့လား မိုး ။ မနက်ဖြန် ကိုယ် ချိန်းထားတာတစ်ခုရှိလို့"
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...
part - 6
Start from the beginning