ကိုကို ပြောတာမှန်ပါသည်။ ထိုသတ္တ၀ါလေးသည် စက္ကန့်အနည်းငယ်အတွင်းမှာပဲ ခေါင်းလေးပြူကာ ကောက်ကောက်ကွေးကွေးခြေချောင်းငယ်များကို ထုတ်သည်။ ကိုကို့လက်ဖ၀ါးပြင်ပေါ်တွင် သူ့ကိုယ်ခန္ဓာထက် အဆပေါင်းများစွာ ပိုမိုလေးလံမည့်ပုံရသည့် ကန်တော့ပုံ ခရုခွံငယ်ကိုဆွဲကာ ရှေ့သို့ရွှေ့သည်။
သူ အသည်းယားစွာ နောက်ကိုခုန်ဆုတ်တော့ ကိုကိုရယ်သည်။ သူ့အကျီင်္လည်ဝိုက်နေရာကိုဆွဲဖွင့်ပြီး ကျောထဲရောက်အောင်ထည့်တော့ လင်းမှာ အော်လိုက်ရသည်မှာ ပင်လယ်လှိုင်းရိုက်သံများကိုပင် ဖုံးသည်အထိ။ ပင်လယ်ကမ်းခြေဘေးမှာ သူတို့နှစ်ယောက် လွတ်လပ်စွာ ရယ်မောခဲ့ရသည်။
"ကိုကို။ ဒီမှာကြည့်ဦး။ ဒါဆို ဒီအခွံလေးတွေက သူတို့အခွံတွေလား။"
လင်းထက် သုံးနှစ်သာပိုကြီးပေမယ့် အစစအရာရာကို ကိုကိုသိကာ နားလည်သည်ဟု မှတ်ယူထားသောကြောင့် ကမ်းခြေမှာငုတ်တုတ်ထိုင်ရင်း ကန်တော့ပုံအလိပ်လေးများပါသည့် ခရုခွံလေးတစ်ခုကို ကောက်ရင်း ကိုကို့ကို မေးဖြစ်ခဲ့သည်။
"ဟုတ်တယ်လင်း။ ဒါပေမယ့် ဒီအကောင်လေးတွေက အမြဲတမ်း အခွံလဲနေတာ။"
"ဟင်.."
"ဟုတ်တယ်။ သူတို့ကိုယ်ခန္ဓာကြီးလာတာနဲ့ အခွံဟောင်းကိုစွန့်ပြီး သူတို့ကိုယ်ခန္ဓာနဲ့သင့်တော်မယ့်အခွံသစ်ကို ရှာပြီးနေကြတယ်။ သူတို့အခုနေနေတဲ့ အခွံလေးတွေက အငှားနေတယ်လို့ ပြောလို့ရတာပေါ့။"
အငှားနေတာ...တဲ့။
ဒီစကားလေးပါ။
ဒီစကားလေးကို ကြားရချိန်မှာ လင်း တွေဝေမိသွားတာ။
ထိုအချိန်မှာ သူသည်လည်း ခြေချောင်းလေးများဖြင့် ပင်လယ်ရေစိုနေသော သဲမြေကိုဖွပြီး တိုးဝင်နေသည့် ၀င်ကစွပ်ကောင်လေးတစ်ကောင်ဖြစ်သွားသလို လင်းခံစားခဲ့ရဖူးသည်။
လင်းလက်ဆိုသည့် သူသည်လည်း ယောက်ျားလေးကိုယ်ခန္ဓာထဲမှာ ခဏရောက်နေတဲ့ မိန်းကလေးတစ်ယောက်လေ။
ရယ်ဖို့တော့ကောင်းသည်။ လူတွေက ဒီကောင် မိန်းမစိတ်ပေါက်နေတာ။ ခြောက်နေတာလေဟု လွယ်လွယ်လေးသမုတ်လိုက်လို့ရပေမယ့် လင်းအတွက်က ဒီလောက်မလွယ်ဘူးဆိုတာကို ဘယ်လိုရှင်းပြရမလဲ။
YOU ARE READING
ဆူး
Romance(Unicode & Zawgyi) သူက ကျွန်တော့်ရဲ့ နှလုံးသားမှာ စိုက်ဝင်နေတဲ့.....ဆူး.....။
Part 22
Start from the beginning