Falling into Trouble [Fin]

Thirty-one

Sino nag-try mag online buying o kaya online selling? PM me. May itatanong po ako.

Thanks.

-------

Pagkalabas ni Mico ng library ay agad niyang hinanap si Manang Ising. Pumunta siya sa kusina pero wala ito roon. Pumunta siya sa likod ng hacienda at doon nakita si Manang na kinukuha ang mga sinampay.

"Manang.." Tawag niya rito.

Nang makita siya ni Manang Ising ay ibinaba muna nito ang hawak na mga damit sa basket at tsaka siya binalingan.

"Oh, señorito. Tapos na kayo mag-usap ng daddy mo?" Tanong nito.

"Opo, nangamusta lang si Dad."

Tumawag lang ang Dad niya para kamustahin si Ellaine. Natatawa nga siya dahil siya ang anak pero si Ellaine ang kinakamusta nito.

Sabi nga ng Dad niya, alam naman daw nito na okay siya kaya tinawanan nalang niya ito.

"Si Ellaine po ba? Hindi pa bumababa?" Tanong niya ulit kay Manang Ising.

Medyo natagalan rin kasi siya sa pakikipag-usap sa Dad niya dahil napag-usapan rin nila ang tungkol rancho.

"Ay, hindi ko pa napapansin. Baka nasa itaas pa iyon." Sagot sakanya ni Manang Ising.

Tumango nalang siya. "Sige ho. Kapag bumaba si Ellaine, pakisabi ay magra-rounds lang po ako sa rancho. Tsaka Manang, kela Rona niyo nalang ipagawa ang mga iyan." Sabi niya.

Iwinasiwas lang ni Manang Ising ang kamay nito na tila pinapaalis siya. "Kaya ko na ito. Sige na, umalis ka na."

Napailing nalang si Mico. Bakit kaya ang titigas ng mga ulo ng mga matatanda?

Kinuha niya ang kanyang bisikleta sa may garahe sa gilid ng hacienda at naisipang iyon nalang ang gamitin. Hindi pa maaksaya sa gasolina.

Una siyang dumaan sa may vegetable farm nila. Nandoon si Jaime - ang nangangasiwa sa vegetable farm. Nang makita siya nito ay agad siyang nilapitan.

"Kamusta ang ani?" Tanong niya rito.

"Nadeliver na po ang mga gulay sa metro, señorito. Medyo nauubusan narin po tayo ng fertilizers." Pagbibigay-alam nito sakanya.

Tumango-tango siya. "Bukas ng umaga, idedeliver ang mga fertilizers. Iyon lang ba ang problema?"

"Opo. Iyon lang naman po." Sabi nito.

Tumango siya at nagpaalam na. Sunod na pinuntahan niya ang barn house kung saan naroon ang mga manok. Sinalubong naman siya ni Aling Herietta - ang nanay ni Hannah at asawa ni Mang Densio. Ito ang nangangasiwa sa mga itlog na inilalabas ng mga manok dito sa rancho.

"Señorito!" Masayang bati sakanya ni Aling Herietta.

"Hello po! Nag-iikot lang po ako. Dumating na ba iyong truck para pick-up-in iyong mga itlog?" Tanong niya rito.

"Opo, kanina lang pong tanghali ay nakuha na nila iyong one hundred twenty trays na mga itlog. Bukas narin po ay darating iyong vet para tignan iyong mga naka-quarantine na mga manok."

Tumango siya. "Sige po, Aling Herietta. Tawagan niyo nalang ako sa hacienda kung may problema pa."

Dumaan pa siya sa kwadra ng mga kabayo, sa barn house ng mga baka at tinignan kung ilang bote ng gatas ang nailabas, dumaan din siya sa may sakahan at tinanong si Mang Densio kung ilang sako ng bigas ang nagawa ng mga ito.