သူ ကဗျာ့ကို ရုတ်တရက် စဉ်းစားမိသွားတယ် ။ ကဗျာဆီ့ကို သွားကြည့်သင့်တယ် ။ ကဗျာက ဘားမှာ သီချင်းဆိုတယ်ဆိုတော့ ရှိလောက်မှာပါ ။ ကဗျာ့ဆီ အရင်သွားပြီး သူ့ကို ဘာကြောင့် လမ်းခွဲရလဲ ဆိုတဲ့ အကြောင်းအရင်းကို မေးကြည့်ရမယ် ။ ကဗျာ့ဆီက သေချာတဲ့ အဖြေတစ်ခုရရင် ခုဖြစ်နေတာတွေရဲ့ အကြောင်းပြချက်ကို သေချာသိရမှာပါ ။ခု အိမ်ကိုခဏပြန်နားပြီး ညမှ ပြန်ထွက်တော့မယ် ။ကဗျာက ညဘက်မှ သီချင်းဆိုနေကြလေ ။ သူတောင် ဘားကို သွားရင်း ဆုံခဲ့တာ ။
အိမ်ရောက်တော့လည်း သူ အိပ်ယာပေါ်မှာ လှဲရင်း စဉ်းစားမိတယ်။ အရင်က ရည်းစားတွေ ဖြတ်ခံရတာ မထူးဆန်းပေမယ့် မြတ်နိုးလို အေးအေးဆေးဆေး မိန်းကလေးတစ်ယောက်က သူ့ကို ဖြတ်တာ အကြောင်းရှိရမယ် ။ ခုညမှာ ကဗျာ့ကို သွားတွေ့ရင်တော့ သေချာတာ တစ်ခုခု သိရမှာပါ။ သူ့အမှားကြောင့် ထားခဲ့ခံရတာလား။ သူ လမ်းခွဲခံရတဲ့ နောက်ကွယ်မှာ ကိစ္စ တစ်ခုခုရှိမလား ဆိုတာကတော့.... ။
~~~~~~~~~~~~
သူ ညဘက် ဘားကို သွားရင်း ကောင်တာက ကောင်လေးကို မေးလိုက်တယ် ။
"ကဗျာ နဲ့ တွေ့ချင်လို့ "
"ကဗျာ အလုပ်ထွက်သွားတာ တစ်လကျော်လောက် ရှိပြီဗျ "
"ဘယ်လို! သူ အလုပ်ထွက်သွားပြီ ဟုတ်လား ။ ဘာလို့လဲ "
"အဲဒါတော့ ကျွန်တော်လည်း မသိဘူးဗျ ။ ကဗျာက ဖုန်းဆက်ပြီး ပြောတာ ။ အလုပ်ထွက်တော့မယ် ဆိုပြီး ။ ကျွန်တော်တို့ သူ့အိမ်မှာ သွားရှာတော့လည်း မရှိဘူး ။ ဖုန်းလည်း ဆက်တာ မကိုင်တော့ဘူး"
ထို စကားတွေကြားရတော့ မြတ်မင်းမောင်ရဲ့ ရင်ထဲ သံသယတွေ ပိုပြီး ခိုင်မာလာရတယ် ။ သေချာပါပြီ။ ဒီကိစ္စတွေရဲ့နောက်ကွယ် မှာ သူမသိသေးတဲ့ အကြောင်းအရာ တချို့ရှိလိမ့်မယ် ။ ဒါကို သူ သိအောင် လုပ်ရမယ်။
မြတ်မင်းမောင် စိတ်ညစ်ညစ်နဲ့ မပြန်သေးဘဲ အရက်တွေ သောက်နေမိတယ် ။ စိတ်မွန်းကျပ်လာပြီး အသက်ရှူမဝတော့တာကြောင့် သူ ဘားအပြင်ဘက်ကို ခဏ ထွက်လာခဲ့တယ် ။
သူ့မှာ ဘာလို့ ဒီလို ကိစ္စတွေ ဖြစ်နေရတာလဲ။ သူ မသိသေးတဲ့ ဘယ်လိုအကြောင်းတွေ ရှိနေတာလဲ။
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...
part - 4
Start from the beginning