اخذتهن وانه ايدي ترجف ترجف من المرض ومن المريت بي سولفتلهه كلشي وانه صوتي بالكوه يطلع وابجي واحجي ضلت ادك ع وجهه وعمتي تبجي ويانه
شيماء. والله ابوج يموت لو دره بيج لج راح ايئذن بحسينيتهم وهم كسرو ضهره الله ينتقم منهم الله ينتقم منهم
زهراء. لا يوخيتي لاتدعين الله كريم والله وحده القادر حسبنه الله ونعم الوكيل احنه هسه مانكول لخوي عن شي لان هو بلا شي مريض وكلسلع الضغط صاعد والله كريم يحلهه الله
مرت ايام واسابيع واني مريضه وحالتي حاله وعمتي وخالتي كئيبات واني نايمه بالفراش تجي علي نور صديقتي اطب وتطلع ما احجي وياها اي كلمه ابوي يسئل عليه خالتي تكله مريضه
ونايمه بالفراش يجيني ويكلي اخذج لدكتور وانه ارفض انسرقت البسمه من اشفايفي وماتت الضحكخ من البيت وتحولت الارض الخضره الى صحراء جرداء الكل اتغيرت احواله ولكل طب ابحاله اكتئاب واني ذبلت مو ذيج الورده الجوريه لمفتحه
اختي درت بصار وياي وحالتهه هم اعتفست مر شهرين ع الحادثه واني يوم عن يوم اتعب لا اكل ولا اشرب ولا حته انام ولا ابطل بجي وراسي يموتني كلشي يدخل ابطني اتقيئه انتكست حالتي صرت ما افارگ لفراش الى ان خالتي الحت عليه واخذتني لدكتوره
الدكتوره ماما طلعت كل تحاليلج وعندج نقص فيتامينات وفقر بالدم ونسبه دمج ٦
وهذا كله موزين ع الي ابطنج راح اكتبلج ع مقويات وفيتامينات
شيماء. شلووووون دكتوره يعني حلا حامل
الدكتوره اي حامل ليش مفرحانين
حلا. ودموعي تصب دكتوره يعني ميصير اسقطه
الدكتوره استغفر الله ربي ليش يا ماما اول شي هاذي نفس وحرام عليج تحرمينهه من الحياة
حلا. دكتوره يصير لو لاء
الدكتوره. ماما اني بحالتج هاي ما انصحج خطر عليج لان انتي ضعيفه ومريضه ويجوز يصير عندج نزيف لا سامح الله ونفقدج
شيماء. لا لا لا دكتوره ماتسقط
رجعنه للبيت وانه ابجي واضرب ع بطني طيح يا ابن الحرام طيح الاهي تعبت تعبت
زهراء. ماما لاتبجين حرام تموتينه يعمتج هذا نفس وحرام تكتليلج نفس
حلا عمه انتي شتحجين هذا ابن حرام وبابا شراح يصير بي شكله
زهراء. ابوج ماراح يدري وهذا الي ابطنج حيضل وما تسقطينه لان ما اله ذنب اجيبينه ونحطه اباب بيت او جامع
غلا. عمه ولاحسن انخلي يم باب بيتنه وبهيج حاله راح بابا يلگاه وحيتبنا
حلا انتو شبيكم تخبلتو وابجي اني لازم اموته لو اني يمكن اموت
شيماء. اي صح كلام غلا حرام هذا الطفل ماله ذنب بسوايت هذا الحقير حسبي الله عليك منو ماجنت
YOU ARE READING
اسف مو غلطتي
Short Storyما خاب من توكل على الله ان كنت قد اعتمدت على الله في كل شيئ كفاك هو شر كل شيئ وهو الذي يضهر الحق حتى وان اجتمع الكون باجمعهم على ان ينكسوه الكاتبه من الصديقه ❤️مولاتي يازينب❤️
