EXO IN BOX
Part ( 1 )
~ وَ قَدْ تَأْتِيكِ السَّعَادَةُ في هَيْئَةِ صُنْدُوقِ هَدَايَا
( طرد من كوريا ..؟ )
الحياة فعلا مش عادلة اطلاقا !!! يعني انا اسبب اللاب خمس ايام عشان واجب رياضيات ؟؟
إلاهي استاذ المادة و هو نزل يتكعبل يقع علي وشه .
خرجني من افكاري البائسة صوت مانا بتنده عليا - ندي !! انتي يا زفتة
قومت من مكاني بسرعة و جريت علي المطبخ و بصيت بحدة - نعم ..؟
ماما - في طرد ليكي من كqوريا .
اعتادلت في وقفتي و رمشت بخفة - طرد ليا ؟؟
ماما اومأت - ااه هتلاقيها علي الكنبة
جريت علي المكان اللي قالتلي عليه بسرعة مش متحمسة لأ ! بل عندي فضول اعرف ايه الطرد ده اضافة اني معرفش حد من كوريا اصلا
بصيت قدامي علي صندوق هدايا احمر ابتسمت - ملك بتحب اللون الاحمر اكيد هي اللي عاملة المقلب البايخ ده !
روحت قعدت جنب الصاندوق كان شكله لطيف اوي ~
مسكت موبايلي و اتصلت علي ملك
- الو ؟
ابتسمت بسخرية لاني عارفة انها كانت نايمة زي عادتها كل ما اجي اتصل بيها
- ملك ، شكرا علي الهدية بس مالهاش لزوم حكاية طرد من كوريا ديه !! بحقك انا اصلا معرفش حاجة عن البلد ديه
ملك فركت عينها بهدوء لاستنتاجها انها لسة نايمة و بتحلم - ندي انتي بتخرفي ؟!
عبست بخفة - بطلي تمثيل عارفة انك انتي اللي باعتة الهدية هو انا معرفش بمناسبة ايه بس مفيش غيرك بارضو .
ملك اتنهدت و فركت راسها بسبب الصداع - ندي انا قطعت علاقتي بيكي .
استغربت للوهلة ، مالها ديه ؟!
- ليه ع .....
و قبل ما اكمل كلامي الصاندوق اللي كنت حاطة ايدي عليه اتحرك لوحده !!
صرخت بفزع و الموبايل وقع من ايدي ...
حطيت ايدي علي قلبي اللي بدات يتسارع نبضاته جامد
و همست في محاولة تهدئة نفسي - اكيد كنت بتخيل ....
- الو ؟؟؟ ندي انتي كويسة ؟! ندي انا لسة صاحية و مفيش مزاج لالعابك السخيفة !!
بصيت للموبايل بحدة و قفلت السكة في وشها و همست - هي اللي سخيفة مش انا .
حاطيت الموبايل علي الكنبة و بيت للصندوق بريبة ... ونطيت بفزع اول ما اتحرك للمرة التانية !!!
فضلت متنحة لبرهة و مصدومة لحد ما استوعبت
- لحظة !! لو في كائن حي في الصندوق اكيد مش هيعرف يتنفس !
مسكت الصاندوق و جريت بيه علي اوضتي بسرعة .
** في الاوضة **
خدت نفس عميق و همست - مش هي حصل حاجة يا ندي اهدي !!
آخرها هتكون قطة ، صح ..؟
عزيت نفسي بالفكرة ديه و قربت افك رباط الصندوق
و فكيته بنجاح !!
ابتسمت بنصر ، اول خطوة تم .
خدت نفس عميق للمرة التانية و قربت عشان افتح الصندوق
انا مش خايفة بس الموضوع موتر فعلا !!
الصندوق اتفتح ...
لحظة صمت .......
- انتي عارفة كمية الانجازات اللي كان ممكن اعملها في الوقت اللي انا مستنيكي فيه تفتحي الصاندوق ..؟
شهقت بصدمة و وقعت علي الارض مفزوعة !!
لأ ...
ايوا لأ !!!
ماهو مستحيل يكون في اتناشار كائن بحجم كف ايدي في الصاندوق نايمين ما عادا كائن واحد واقف بيردحلي تقريبا !!!!
الكائن الغريب ابتسم ... باللطافة ؟؟
- بالمناسبة ، بيون بيكهيون
هزيت راسي جامد مش مستوعبة .. ده تأثير واجب الرياضيات ، ايوا هي الرياضيات .
- الظاهر ان الحظ سعيد اختارك انتي لذا هكون شاكر ليكي لو عرفتي بنفسك ~
فركت عيني بدهشة و همست - انتوا ...؟! عبارة عن ايه ؟
وقفت من مكاني و قربت منه ... للوهلة حسيت اني عملاقة قدامه .
رفعت صباعي السبابة و نكزت ارنبة انفه خليته لورا بخطواته
و هو عبس - ده يعتبر تحرش لعلمك .
بصتله بدهشة - اسفة ... انا بس مش مستوعبة .... افتكرت اني لما هلمسك هتختفي !
بصيت جوا الصندوق و همست - جميل ~
يمكن اكون ببالغ ... بس ملايكة نايمين ~
بيكهيون - دول اخواتي
بصتله بهدوء - اخواتك ؟؟ ١٢ ؟؟
بيكهيون ضحك - مش بالظبط يعني بس ديه اقرب حاجة ممكن توصف علاقتنا ببعض
اومأت ليه و هو سابني و راح .... اممم يصحي حد من اخواته ؟
بيكهيون - ده لوهان ، تشانيول و كريس و سيهون
و كان بيلف حوالي نفسه عشان يشاور علي كل واحد و يعرفني عليهم ، لطيف ~
انا بسرعة - و انتوا عايشين فين ..؟؟ اقصد. في منكوا كتير كدة ؟ و عايشين في مكان خاص بيكوا ..؟
بيكهيون اتلفتلي و ابتسم ابتسامة اقل ما يقال عنها جميلة ~
- هنعيش معاكي من اول النهاردة .
انا صرخت لاإراديا بتفاجأ - نعم ..؟؟؟؟
يتبع ...
..
هِي ..قد يتواجد بعض التشابه في مفهوم القصة و لكن الاحداث لا تتشابه البتة بالإضافة لأستخدامي للغة العامية ليس سوي اضافة اعتدت عليها .~
باي..:')
